Mikha 1:13 - ASII LAKDAP Bible (BSI)

¹³ Lakhish chelati lei namchiim jinho tlo ma, kumrangre leng thun paqkuqtlo ronglaq. Namshiq kata Israilnok ngarai lamphan kra phan wanti. Lanta Jerusalemti riimin namshiq, jaijo ashut klo wanto.

Hawa Naga Bible 2001

¹³ Lakhish nuex httaz jix hez lex, mvre htenc kuex nolaungx renc htenc kvyuq pauk taq shuinz. Nuimshiq rueq Israel mvrax lvmx tvyurc shuimx vshuinx ningkhvnc nuex Yerusalem muex mvrax tvyaungc wuez vshuinx.

Mikha 1:13 Referencias Cruzadas

RAPHA HIQWA LAK 19:17

Raütiishe rase ashi raq thaüto, “Namchiim jintlo ronglaq! Jai nü na naqlii rongkiq. Kiimaq ara hiq thung tan na naq khing rongkiq. Kin thun kiina jutlo ronglaq. Kra haütiq namshiq khum ka mitiichhiilot han.”

1 HOKHVMX 14:16

Tatiwe raq Israilnok ka amiimshe mirbaiqthü. Jamkhano ngukla Jeroboam raq ngarai klowanto. Raüta Israil mung ka ngarai thü kho bok na tiidea baiq wanto.”

1 HOKHVMX 16:31

Apaiq miika Jeroboam raq ümchuwa ngarai klo wantaq kriika hongmak. Kriithaq niimin tiinanpot she, apaiq raq Sidon chela Hokhamwe Ethbaal se Jejebel kriishe lamto. Raüta Baal sumla phra kriishe shomnoqto.

1 HOKHVMX 4:28

Kiimaq honghuptiwetiim loweatek riimin, tsangshiq maiqmii la sitlaq kriiwa rongraa wantlaq kra phan phan, jaili tsam, kiimaq tsamkü shin ka kumrangkong leng hitti nai hupsam hoti nyamsekong kra miitu chomkuq wanlili riitlo.

2 HOKHVMX 14:19

Amajia ka tseabaiq miitu Jerusalem na matkii süriito. Kra ningkhan apaiq ka Lakhish chela na tiipaü juto. Shatmaq ajaqtibi raq apaiq ka kiina saüli joho raüta kiijaq tsatbaiq kito.

2 HOKHVMX 18:17

Asiria mung riimtiwe ajong hokhamwe raq asengi phenlabi ka pahea pahea Lakhish chela wa Hejekia ka Jerusalem wa khatkai tiikito. Kra phenphung ka apaiq sengi phentu ajong pinthum wetsam wokhong na tiikito. Tsangshiq ka Jerusalem na saüho raüta, tsangshiq ka kheataqtibi raq tsangshiq kheataq chang lam ba kiijaq thungto. Kriika lam thaq nü na khamchum kiiwa kham chechang nala thutaq kra tho na riito.

2 HOKHVMX 8:18

Tsangnyung ka Ahab se. Krai mren, Ahab tahii raq jamkho ashut ngarai lam phan raüta siwantaq kiikhiisii hali apaiq riimin Israil mung langti hokhambi raq jamkho ngarai lam phan raütli siwantaq kiikha hali Tatiwe maklii na ngarai pahea kloto.

2 KAÜWA WERAÜ 11:9

Adoraim, Lakhish, Ajeka,

2 KAÜWA WERAÜ 32:9

Arjai miishe hali, Sennacherib nai asengi phenlabi ka Lakhish chela na sirai tlaq bala na apaiq raq Hejekia nai Juda mungti apaiq rai Jerusalem na sitlaq kriima bom ka akha tiichonghoto:

YOBA 39:10

Ümniiraq kaüshi ra raü maq ban laüta ümwak mitiithu lot haü shea? riimakla ümwak na tsam wan chang alamsetiim ka mithu kuq shea?

DUNGWVNC 32:21

Raüta apaiq raq Aron ma nguto, “Arnok raq jamlai riikaq phaüto, ümniiraq tsangshiq ma atinkhan pinthum ashut ngarai ka tiitang laü?”

ISAIA 10:31

Madmena chelati nai Gebim chelati thun ka wiita tsangchiim jin pintrangto she!

ISAIA 36:2

Raütiishe asengi ajong pinthumwe ma aming kuqto, apaiq rai phenlabi pahea sheaho raüta Lakhish chela maq Jerusalem na kairaa nguta. Raüta Hokhamwe Hejekia ka apaiq puk na nyap raa nguta tiichongkai tiikito. Kra siihiip jongwe ka kiraüta lamthaq nü na thamchum sitlaq kriiwa kham lam chehotlaq kra tho na kheataqtinok sichang hiqshong lam kiijaq piitiip teito.

ISAIA 37:8

Asiria mungti siihiipwe raq hokham ajongwe ka Lakhish wa wawan raüta, kra tho na Libna chela na re rai riikhattlo nguta tsütsa ka taito. Kra ningkhan apaiq ka ahokhamwe rai tsü riichong wa nguta kiiniishe wawanto.

JEREMIA 3:8

Juda raq ngi raq Israil ka miimbaiq kang she. Lata ijam wa jobaiq kang. Jamkhano ngukla apaiq ka iwokhong wa juho raüta mephe-nyung miishe jakito ngutiimin sapshat. Shatmaq Israil nyino nyung sethoq nyung Juda ka ahaisi ka ahü. Apaiq kiimin mephe-nyung ma jakito.

JEREMIA 34:7

Kra bala Bebilon mung phenlabi raq Jerusalem longtlo. Kra phenlabi raq Lakhish chela, kiimaq Ajeka chela anai kiimin khat wanto. Kra akhing na trotam na rukje chela thun phong wa abung atiichongki ka arwiinai arli she riito.

JEREMIA 4:29

Kumrang thaq na chaoti phenlabi, nai liq witinok thun saksok laqsaq trang kra tai raüta maiq thun wiita apin ajin mijutrang. Maiq wiijam ka rum na miju, wiijam ka long raqkhong na mitiipaü ju. Chela thun wiita maiq ahü siirai miraq, kiimaq kra chela thun na maiq ka jumin siwa nong mak she miraq.

EJEKIEL 23:11

“Riita arthun arka ano nyung Oholiba raq kunkun chhito. Kra taümaq dongdii min, ano nyung Oholiba riiwe kriika pinthum tsaitsak hea riito. Kiimaq Oholia thaq na akaü lin mephe miishe jawanto.

Mikha 1:5

Arthun Shiikeawe tsankhiq saütlaq arka juma mra kewan chang wa? Jakob raq ngarai tangwanto riimak shea? Israilnok ngarai miitu riimak shea? Riita Jakob ngarai ka jamlai wa? Samaria chela na riimak shea? Kiimaq Juda ngarai tangchang hiqlam ka ümbano? Jerusalem chela riimak shea?

JOSHUA 10:3

Kra ningkhan na Adonijadek raq, Hebron chela Hokhamwe Hoham; Jarmuth chela Hokhamwe Piram; Lakhish chela Hokhamwe Japhia; kiimaq Eglon chela Hokhamwe Debir ma tsütsa ka akha tiichonghoto:

JOSHUA 15:39

Lakhish, Bajkath, Eglon,

Revelation 2:14

Shatmaq, ngi raq namshiq ma tsantiibi chang lam asi: Namshiq phong na Balaam lamphanti maiq asi. Balaam raq Balak ma Israilnok ka ngarai na tiidea chang lam chongkuqto. Krai mren, Balak raq Israilnok ka sumla noq ngam phaq nai sethoq sepii ja ngarai na tiidea baiqto.

Revelation 2:20

Shatmaq, ngi raq namshiq ma tsantiibi chang lam ka ara: Namshiq raq jechak nyung Jejebel ma trahoke miitu kilü dikuq tlan. Apaiq ka arot shammi nyung. Apaiq raq arot bom chongke lümaq, i sengi ka ngarai lam na sheaho tlo. Apaiq raq tsangshiq ka sethoq sepii ngarai lam na tiishon tlo. Kiimaq sumla phra noq ma akuq ngam kra tiiphaqsiq raüta ngarai na tiidea tlo.