Mikha 1:11 - ASII LAKDAP Bible (BSI)

¹¹ Saphir chelati lei, khaiqhü naiqhü warong lüna, Rewa shumwikong ma jalanta, khushü jampaqpaq maq warong laq. Janan chelati lei, chela mongwa naq dong rongkiq, Bethejel chelati hoq trangtlo, Tsangshiq sichang ba ahü.

Hawa Naga Bible 2001

¹¹ Shaphir miqsaz lex, miqyvlc vsac nuiyc sawkumx maq raz tueq vthuq wvnc rvhumc kuinz. Zaanan nuex httax yaq hez tsuingshiq ghaqyungx yuz phic nuex dung kaz khamc muq. Bethezel miqsaz htenc yonzyex tvruingc kuex mnoz rueq tay shuiux nuex, kvruex baung kvyuq kvwungx juing vguez kuex mnoz rueq tuiuz shuiux.

Mikha 1:11 Referencias Cruzadas

ISAIA 16:2

Raüta tsangshiq ka Arnon Jurai kii binjü maq rang rang rara, jamkhii ijasiq wushikong achü mong wa ajobaiqrat ikha kona kiki kona wawa li amang amiili khum raitlo.

ISAIA 20:4

Asiria ajong hokhamwe raq ara mung anai arwa apaiq raq alap shumwikong ka kheahü maq siikumkum mitsuq wan. Nosere kiimaq nyungwe, tsangshiq ka hoksii sendel pahü maq kiimaq kheahü siikumkum mikhum. Tsanghüko ka thiqko ra na rashra maq, Ejip mung ma jea tiingaü raüta miwa wan.

JEREMIA 13:22

Kiimaq ümniiraq arthun mat dong ara jamkho saü wanta nguta bom waihaüla, ümkhu ümkhea thun ka wiita wunthaü riinaü she chaibaiqtaq kra, kiimaq ümniika maiq raq wiitashe haihü baiqtaq kra jamkhano ngukla ümnaq ngarai ka bihea pinthum tang wan laü. Kriikha na ümniika maiq raq haihü wanto.

JEREMIA 48:6

‘Jaqlo, namchiim jintlo ronglaq’ nguta tsangshiq raq ngutlo. ‘Kumtsaiphii rumnyangkhi wa kumtoqkaü ikha juronglaq!’

JEREMIA 48:9

Mob mung miitu maa raükhu longkaü shonglaq; armung ka jaqloli mitiithenbaiq. Armung wa chela thun ka wiita mitiithenbaiq, kiimaq kriithun na maiq jumin simak she miraq.”

EJEKIEL 16:37

Ümniiraq atinkhan ashut klo laü kha na, Ngi raq manniiwa ümkongtiwetiim ka adam na mitriitamha. Ümniiraq rotlaüti thun kiimaq ümniiraq ngeng wan laüti thun kra mitriitam wanha. Ngi raq tsangshiq ka sheawan lata, ümtro na trotam na mishea wanha. Latiishe Ngi raq ümdü wa khea ka michhut baiqha, latiishe ümniika tsangshiq makki na kheahü ma she mitiichhiha.

EJEKIEL 23:29

Kiimaq tsangshiq raq ümniika ngengtlo, kra ningkhan tsangshiq raq ümjaq wa ümchuwa tsiiq nai nyan tum rümtlaü thun ka wiita mitsuq wan, raüta ümniika naiqhü ma she mephe nyung ikha kheahü ma mibaiqthü. Ümsethoq ja sükhatsi nai üm mephe ja rilung riishe

Mikha 1:8

Mika raq nguto, “Arningkhan maaho maanyi hoqsii tiikang, Tsanbi hosi tsiq ma, khu akhea nai hokpa chhut lata, kheahü chiiheawea na mikhumha, Miikakoikaü ikha agilülü mihoqsiqha. Wuthon kaü ikha, agam agu mihoq siqha.

NAHUM 3:5

Tati Ningkun Ajong Pinthumwe raq ngutlo, “Ninewi lei ngi raq ümniika, atiichamchao she mirha! Ngi raq ümnaiq kiimin achhut she mirbaiq ha! Lata maiqmung wiita man na, jea tiingaü mitiichap pha;

JEKERIA 14:5

Namshiq ka ara pum heawea na hiqwiikaü kriimiishe maiqmii chiimjin miju han. Namshiq ka man na namti namwe pat na hokham Ujjia pat na hiqjong mu raüta pintrang taq kiikhii she mipin trang han. Kra akhing na Tati i Shiikeawe raq apaiq rasetiim sheaho raüta miki.

JOSHUA 15:37

Kiimaq arthun chela armin riito: Jenan, Hadashah, Migdalgad,