Matthew 9:22 - ASII LAKDAP Bible (BSI)

²² Jesuq raq ajai nü na liisaq raüta, “I se loi ümtsaiji ka tiijong laq! Ümkam tsantsii thütlaü kra lümaq heaki laüshe,” nguta apaiq rai bomdamto. Krai mren apaiq thatsi kiimin tiidoqra heasaq heakito.

Hawa Naga Bible 2001

²² Yesu rueq kvroz lawc ruiux piq kuex khiz vtueq, “Isaz yalxjuik saz lex, thuinz nauk tvruinc kaz! Mkvmx luimx thuinz rueq mnoz tvhvlc gay kv-phux,” ngoz kuq tueq. Kvkaq dvyx kvruex nyuiuz kuex hvlx kaz tueq.

Muklom

²² Jesu aa ngik lang eq batta, “I sa miqnusa, nak cho u! Bakam wang nang uqhal ang tu.” Kalo hun eshi miqnusa tha qhalta.

Matthew 9:22 Referencias Cruzadas

Matthew 15:28

Kiijiishe Jesuq raq apaiq ma akha treto, “Ümnaq ara kamasham na ajong nyung ashi! Ümniiraq jamlai wa jaütlaü kriika mikuq she.” Krai mren kra akhing niili she ase thatsi ka heasaq she heakito.

Matthew 17:18

Kra ngu raütiishe Jesuq raq abi winji no khum kiiwa dongho laq nguta aming kuqto. Krai mren tha ka no khum wa donghoto. Kiimaq no tha tsi ka heasaq she heakito.

Matthew 8:13

Kra ngu raütiishe Jesuq raq siihiip we kra nangnga nguto, “Walaq, tsan asang miishe ümjam na walaq. Ümniiraq jamkho kamtlaü kiikha miklo kuq.” Krai mren, siihiip we lukhapse tsi ka kra akhing liipan niili she heakito.

Matthew 9:2

Kiijaq maiq wiijamti raq akhum ama arki we ka changdü na tiiweshat maq Jesuq phana pi wanto. Jesuq raq tsangshiq kamtsantsii ka chhi raüta atsiti we nangnga, “I se loi, ümtsaiji ka tiijong laq! Ümngarai ka diikuqto she,” nguta bomdamto.

Matthew 9:29

Kiijiishe, Jesuq raq tsangnai mak na ajaq maq sham raüta, “Namnai raq jamkho kamwantlan kra phan phan mihiaki laq!” nguta nguto.

Mark 10:52

Kiijiishe “Walaq, ümkam tsantsii maq heaki laü she,” nguta Jesuq raq apaiq ka thaüto. Kiimaq, amak ka tiidoqra heakisaq she, heakito. Kiimaq, apaiq raq phanrap aheawiq she chhito. Kiimaq apaiq raq, Jesuq jai she phan wanto.

Mark 5:34

Kiijiishe, Jesuq raq, “I se le! ümniiraq ngi ma kamwan laü kha maq, hea wan laü. Ahea, Ümchaü ka hansang miishe siwakiq. Ümthatsi ka heakito she” nguta chongkuqto.

Luke 17:19

Kra ngu raütiishe, Jesuq raq apaiq ma, “Tiidolaq. Laüta walaq. Ümkam tsantsii maq hea wan laü she,” nguta chongkuqto.

Luke 18:42

Kiijiishe, Jesuq raq, “Ikha jiila chhi nong liishe! Ümkam tsantsii maq heaki laüshe,” nguta apaiq bom ka treto.

Luke 7:50

Shatmaq, Jesuq raq jechak nyung ma, “Ümkam tsantsii raq ümkhum ka chhii wanto she. Ümchaü sanha hansang miishe walaq,” ngutiishe chongkuqto.

Luke 8:48

Kiijiishe, Jesuq raq, “I se lei, ümkam tsantsii maq heaki laü. Khu asang miishe siwan laq!” nguta apaiq ma chongkuqto.

John 4:53

Kiijiishe awe raq atsan na tiitsangto, kra nari akhing niidea Jesuq raq apaiq ma, “Ümse ka mihiaki she,” nguta chongtaq ira nguta sapto. Krai mren she, apaiq rai ajamti tiim tarü raq Jesuq miishe kamwanto.

Acts 14:9

Apaiq kiimin kiijaq nga raüta, Paul raq traho bom chongkuqtlaq kra tsangrakrak hea maq tiitsang taito. Kriiwe ka Paul raq chhito. Kiimaq apaiq raq Shiikeawe bomtsi ma kamtlo ngutiishe apaiq tho ka heto. Krai mren, apaiq tsi kiimin miheaki nguta sap raütiishe, apaiq raq atsiti we ka tiqtiq liito.

Acts 16:18

Apaiq raq akha tsangshiq shakshaq rea arka, rahiq aluwiq she shakshaq rat wanto. Kriikha niishe, Paul ka atsütsa sihea she riito. Kriikha miishe, apaiq raq jechakse pha nü na lii raüta, apaiq khum wa abi winji ka, “Jesuq Khristo mang maq ngi raq ümniika ara jechakse khum arwa jobaiq tiikang, dongkikiq!” nguta jobaiqto. Krai mren, kra nyung khum wa tha ka kra liipan niili she donghoto.

Hebrews 4:2

Jamkhano akha tsii chongkuq tiikai ngukla, Tsütsa Ahea ka tsangshiq raq jamkho taitaq kiikhiisii hali, nashiq riimin tai kai she. Tsangshiq raq Tsütsa Ahea ka taito. Kriika tengto. Shatmaq tsangshiq ma amet dong chang jam min ahü riito. Jamkhano ngukla, tsangshiq raq kra taitaq tsütsa kiima, Shiikeawe raq tsangshiq ma nü mitiitsak kuqha nguta kiq kham kuqtaq kriika, tengteng dea mikuq nguta, kam mak dea riito.