Matthew 9:22 - Hawa Naga Bible 2001

²² Yesu rueq kvroz lawc ruiux piq kuex khiz vtueq, “Isaz yalxjuik saz lex, thuinz nauk tvruinc kaz! Mkvmx luimx thuinz rueq mnoz tvhvlc gay kv-phux,” ngoz kuq tueq. Kvkaq dvyx kvruex nyuiuz kuex hvlx kaz tueq.

ASII LAKDAP Bible (BSI)

²² Jesuq raq ajai nü na liisaq raüta, “I se loi ümtsaiji ka tiijong laq! Ümkam tsantsii thütlaü kra lümaq heaki laüshe,” nguta apaiq rai bomdamto. Krai mren apaiq thatsi kiimin tiidoqra heasaq heakito.

Muklom

²² Jesu aa ngik lang eq batta, “I sa miqnusa, nak cho u! Bakam wang nang uqhal ang tu.” Kalo hun eshi miqnusa tha qhalta.

Matthew 9:22 Referencias Cruzadas

Matthew 15:28

Kvkaq Yesu rueq, “Yalxjuik nyuiuz lex, mnoz kvmluimx thuinz kuex yunghvlc rvtueq! Mnoz rueq roc shuiux kvkhoc m-yaungx wvnc kueq,” ngoz kuq tueq. Kvkaq dvyx vsaz kvmuinz hvlx wvnc tueq.

Matthew 17:18

Yesu rueq htaungc kuex httonx koq tueq, kvruex nox kuex kvkaq dvyx hvlx kaz tueq.

Matthew 8:13

Kvruex yimaq Yesu rueq nolaungx yungx waz muex, “Yuimx nuex yek wvnc kuiuz, mnoz kvmluimx vtuiux rulc rv-ngvlc yaungx wvnc tuex,” ngoz kuq tueq. Kvruex kaq dvyx piq nvrc waz kuex hvlx kaz tueq.

Matthew 9:2

Kvkaq miq wvyvmc rueq chuing nuex woalc yaq gvnmaungx miq washiz kuex vpiq kox nuex pix laq tueq. Yesu rueq tsuingshiq nuex kvmluimx thuinz mtanc lac httax yaq nguinx kuex khiz vtueq, “Isaz lex, khvmc thuinz httax kuiuz! Mmvrax dawc gay rvhumc doc shex,” ngoz tueq jungx kuq tueq.

Matthew 9:29

Kvkaq Yesu rueq, “Nuimnueyc kvmx vtuinx rulc rv-ngvlc m-yaungx wvnc kueq,” ngoz tueq vhtaq maq vngoz tsuingnueyc muik kuex tuingc tueq.

Mark 10:52

Yesu rueq, “Khuemx kaz kuiuz, mnoz kvmluimx vtuiux kvraq mnoz kuex tvhvlc gay kv-phux,” ngoz tueq piq muex jungx tueq. Kvruex waz kuex kvkaq dvyx vmuik maq khiz wvnc vtueq Yesu kaz yaq lvmx nuex phvnx laq naungx tueq.

Mark 5:34

Kvkaq Yesu rueq, “Isaz yalxjuik saz lex, mnoz kvmluimx thuinz maq mnoz hvlx kaz toq. Gvnhttuingc maq waung wvnc kuiuz, mnoz vthuiuz vsac sawc ruiyruiyc mhvlc kaz kueq,” ngoz kuq tueq.

Luke 17:19

Kvruex yimaq Yesu rueq piq muex, “Kvtenc vtueq waung wvnc kuiuz; mkvmx luimx thuinz rueq mnoz tvhvlc kuq kv-phux,” ngoz kuq tueq.

Luke 18:42

Yesu rueq, “Mmuik kuex mkalc kaz kueq! mnoz kvmluimx thuinz rueq mmuik tvhvlc kuq kv-phux,” ngoz tueq.

Luke 7:50

Yuq muinz Yesu rueq yalxjuik nyuiuz kvmac, “Mkvmx luimx thuinz maq mnoz kvpalc daungc wvnc toq shex; thuinz hvlc hvlc maq kaz wvnc kuiuz,” ngoz kuq tueq.

Luke 8:48

Yesu rueq, “Isaz lex, mkvmx luimx thuinz rueq mnoz kuex hvlx kaz toq thuinz hvlc hvlc maq waung wvnc kuiuz,” ngoz tueq jungx kuq tueq.

John 4:53

Kvkhoc rvtueq vwaz rueq rvwvl lvp tueq kuex, “Msaz kuex phenz wvnc vtuex,” ngoz tueq Yesu rueq piq muex jungx kuq tueq vkhing nuex rvtueq kuex tuiuz lvp tueq. Kvkhoc rvtueq piq nuiyc vyuimx wuinz htenc kuex kvmluimx wvnc wuez tueq.

Acts 14:9

Piq muinz kvyuq ngaungc vtueq Polu rueq jungphvnx yaq kvjaz kuex tay tvtsuingc tueq. Polu rueq piq kuex lawc tvtsuingc koq tueq, vthuiuz vsac hvlc laz tanc khvnc piq kvmluimx thuinz httax yaq kuex tuiuz vtueq,

Acts 16:18

Kvruex yalxjuik nyuiuz kuex kvkhoc raungnuiyq paunghvlc guyc ramc lvy ningkhvnc nuex, Polu thuinz nuex piauc muq rvtueq yix nuex nyez lauk raz tueq htaungc muex ngoc, “Yesu Christu muingc maq ngaz rueq mnoz muex jungx kuq vphaungx, piq htauk wawc dung wvnc kuiuz!” ngoz tueq, kvkaq dvyx htaungc kuex dung wvnc tueq.

Hebrews 4:2

Yvmx khoc lac ngoz ruiux lec naungshiq rueq muinz mvnnuex wawc miq rueq ikhoc Thuix Thaungx Vhvlx kuex tay wvnc lvp tiq. Yuq muinz tsuingshiq rueq tay wvnc tueq bomjungc kuex tsuingshiq tvkoc vjux vguez, yvmx khoc lac ngoz ruiux lec tsuingshiq rueq tay wvnc ruiux muinz kvmluimx thuinz maq lvp wvnc muq ningkhvnc nuex rvtueq.