Matthew 8:20 - ASII LAKDAP Bible (BSI)

²⁰ Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

Hawa Naga Bible 2001

²⁰ Yesu rueq, “Shoalx htenc kuex vluix vhttax, wushawx htenc muinz vjez vhttax, yuq muinz Miq Saz vruex kuex khux tvwoalc juing baung doc muinz vguez,” ngoz tueq jungx kuq tueq.

Muklom

²⁰ Jesu aa thawel batta, “Inkaku tang ma ubung atha etho wo tang ma tho utip atha, etharin Miqna Sa ma uwol nia nángtong angma katáng ahung.”

Matthew 8:20 Referencias Cruzadas

Tvtsvmc 104:12

Kriithun tho na pero mong na, wushi kong raq achü hai raüta shingetlo.

Tvtsvmc 104:17

Kiijaq wushikong raq achu haitlo; kham na siti wushi stok ngutlaq kriiraq pechong abin asi chong thun na achu haitlo.

Tvtsvmc 109:22

Ngi ka miitsan kiimaq thümsaülitse; ngi ka itsan imongpo na saüli bunwanto.

Tvtsvmc 40:17

Ngi ka ningkun ajom kiimaq miitsan, O Tatiwe lei, shatmaq ümniiraq ngi laqbaiq maü. Ümniika ngi chhiiti kiimaq i Shiikeawe— ngi khrumkai tlothit kira!

Tvtsvmc 69:29

Shatmaq ngi ka atsi kiimaq tsaihü jihü; ngi ara ra na dolaq, O Shiikeawe lei, kiimaq ngi ara chhiilaq!

Tvtsvmc 84:3

Wuraichaqse kong riidea min achu kiijaq haitlo, kiimaq tsakklailu kong riimin tsangchü hai raüta sitlo, tsangshiq raq asetiim ka üm berongwacha thun tho na thütlo, Tati Ningkun Ajongwe, i hokhamwe kiimaq i Shiikeawe lei.

DANIEL 7:13

Kra rawa ma riishammak maq chhitiikang liipan niili, Ngi raq maiqse ikha, apaiq ka phumda mong na, ngi phana akai rai chhikang, raüta apaiq ka pattup pat-sa sitiwe phana wato, kiimaq apaiq ka kriiwe phana shea wanto.

Matthew 12:32

Jurwa Maiq Se ma ngengseng kiqshut tlaq, kra ngarai ka adiike mimai. Shatmaq jurwa Asii Wenyi ma ngengseng kiq shuttlaq, kriika ümchaü pat niimin kiimaq jai na pattup pat-sa saüho tlaq akhing niimin diikuq lot mak miraq.

Matthew 12:40

Jona ka ngiq wok mong na awa watsam anaiq naiqtsam siwantaq kiikhiisii hali, Maiq Se kiimin anaiq naiqtsam awa watsam hiqmong nyang na misi.

Matthew 12:8

Ara jamkhano chongtiikang, Maiq Se sitlaq kriikata Asii Niitiitsak ranaiq thungtri Rümtiwe.”

Matthew 13:37

Kiijiishe Jesuq raq akha treto, “Tsamlai ahea jangkaiti we ka Maiq Se kra nang ngutlo.

Matthew 16:13

Jesuq nai ajaqshisetiim ka Seseria hong na Philipia chela tho na wawanto. Kiijaq saü raüta apaiq raq ajaqshisetiim ma waito, “Mungmaiqse raq Maiq Se ka ju nguto riichongtla?”

Matthew 16:27

Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.

Matthew 17:9

Jesuq nai ajaqshisetiim atsam ka pum kriimaq asatkai lam miishe, Jesuq raq tsangtsam ma, “Ümchaü namtsam raq jamlai wa riisham mak maq chhi lan, kriika Maiq Se kra ama wa midong wan shaq wiiwii, maiq ahinti ju miimin naq chong rongkiq,” nguta kiq thangto.

Matthew 19:28

Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.

Mark 8:38

Ümchaü pat ara sethoq sepii ja pat, kiimaq abi ngarai lamphan pat. Riita, akha pat abi akhing na, jurwa ngi ma kam ma ajiasi riiwan tlaq, kiimaq, i bom chong ara nanok ma chongke miitu ajiasi riitlaq, kriiti miika, ümtiikiiwa Maiq Se ka, Awe khushü liliim ngao jonghea kra ho raüta, asii rasetiim rai she saüho tlaq, kra akhing na, apaiq raq kriiwe ka atiishaü mirbaiq.”

Luke 12:8

“Ngi raq chongtiikang arka tengteng. Jurwa nokwe man na, apaiq ka i sengi nguta tantan maq sitlaq, kriiti miika Maiq Se riimin, rasetiim man na apaiq ka i sengi nguta hakhi mikuq wan.

Luke 18:8

Ngi chongpha. Apaiq raq tsangshiq tiiwongke miitu, kha ka mipho kuq. Kriika jaqlo miili she mipho kuq. Shatmaq, Maiq Se saüho tlaq akhing ranaiq na, mangjong hiq na kamtsantsii rümti maiq ka asi sha miloho?”

Luke 2:12

Riita ara chongtiikang tsütsa arka, tengto dea nguta namshiq raq tiitsang chang ka ara: Namshiq raq noshii ka, no napchang khea maq jop raüta, minsaü pinkhü na tiikon raü michhi wa han.”

Luke 2:16

Krai mren, tsangshiq ka taülaü khiq she, Bethlehem na wawanto. Raüta, Meriq nai Joseph ka humto. Kiimaq, noshii ka minsaü pin na weraü dea chhi wato.

Luke 2:7

Meriq raq ase chhikhu se ka humto. Apaiq raq noshii ka no napkhea maq jobto. Raüta minsaü tsam thiike chang long pinkhü na tiikonto. Kiitiikaq tsangshiq jap miitu wanjaptiip na khok ka bin mak, ahü.

Luke 21:36

Ara chong tiikai mra pin akhing saü wan tlaq kra thun ka wiita kunkun tang wan miitu, lanta namshiq ka tiichhii wan miitu, achu jaü shatmaq kiimaq, honkamshat maq si ronglaq. Lanta, namshiq ka Maiq Se man na chap wan li chang miitu, pharang rang maq si ronglaq.”

Luke 8:3

Kiimaq Herod rung na jaqshamti siihiip we Chuja tanyung Joana, kiimaq Susana thun kra riito. Kiimaq jechakre pahea ahinti, Jesuq nai ajaqshisetiim ka tsangshiq tsiiq anyam maq khrum kewan damtibi thun kra wadamto.

Luke 9:58

Kiijiishe, Jesuq raq abom ka, “Miikakoi miika abum chang asha asi. Kiimaq peshap wushi sitlaq kra miimin, achhü ka asi. Shatmaq, Maiq Se miika, rawa mak tiichuk chang wuchüse ikha dongdii min jam ahü.”

John 1:51

Kiimaq apaiq raq, “Ngi raq chongtiikang arka tengteng. Ümchaü sanha namshiq raq mungtan kilü ka tiidishat she michhi han. Kiimaq Shiikeawe rasetiim ka, Maiq Se khuthaq na akiti aki, awati awa, adü asat, akhum ashiim she michhi han,” ngutiishe tsangnai ma chong kuqto.

John 12:34

Kra tai raütiishe, “Nashiq Thungtri na Khristo ka pattup misi nguta chongtlo ihata. Shatmaq, ümniiriika Maiq Se ka ra na tsom chang dongdii miraq ngutiika jamkho ngutlaü? Riita, ara Maiq Se ngutlaü arka juwa?” nguta mungmaiqse phong thung tlaq kriiraq Jesuq ma bom ka waito.

John 13:31

Judas ka kaiho jai she, Jesuq raq tsangshiq ma bom ka akha chongkuqto, “Ümchaü akhing na Maiq Se khushü jong kriika tiichhi kuqto she. Ümchaü Shiikeawe khushü jong kiimin Maiq Se lümaq tiichhi kuqto she.

John 3:13

Kiimaq, ramungtan wa aki Maiq Se kra tlea raütiika, ümchaü niitaq maiqse phongwa jumin ramungtan niika wamak shaq li.”

John 3:14

“Mosheq raq kumtsaiphii maq koti ngam maq ahai paü sumla ka lükii na tsomtaq, kiikhiisii hali, Maiq Se armin tsom chang dongdii miraq.

John 6:27

Abi kai chang phaqsea miitu minshiiq ka naq niiko rai rongkiq. Shatmaq, pattup pat-sa rilung phaqsea miitu minshiiq ka shiichaq rong laq. Arka Maiq Se raq namshiq ma mikuq. Ara jamkhano chongtiikang ngukla, Awe Shiikeawe raq ahup akhang wan arang hotlaq kriika apaiq ma ake kun she.”

John 6:53

Kiijiishe, Jesuq raq tsangshiq ma chongkuq nongto, “Ngi raq chongtiikang arka tengteng: Namshiq raq Maiq Se ngam phu kra phaq man, kiimaq apaiq tiijai kra nyang man jiila, rilung tsitsü ka lap man mirhan.

John 6:62

Bom shiiton, namshiq raq Maiq Se ka apaiq sichüchang ba kiijaq jang wan nong chhihan jiiha? Jamlai she wa mitiima han?

Acts 7:56

Krai mren, “Liirong laq! Ngi raq ramungtan kilü ka atiidi raü chhi tiikang. Kiimaq Maiq Se ka Shiikeawe ma jaqtsi nü na chap raü chhi tiikang!” nguta Stephen raq chongto.

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.