Matthew 8:20 - Hawa Naga Bible 2001

²⁰ Yesu rueq, “Shoalx htenc kuex vluix vhttax, wushawx htenc muinz vjez vhttax, yuq muinz Miq Saz vruex kuex khux tvwoalc juing baung doc muinz vguez,” ngoz tueq jungx kuq tueq.

ASII LAKDAP Bible (BSI)

²⁰ Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

Muklom

²⁰ Jesu aa thawel batta, “Inkaku tang ma ubung atha etho wo tang ma tho utip atha, etharin Miqna Sa ma uwol nia nángtong angma katáng ahung.”

Matthew 8:20 Referencias Cruzadas

Tvtsvmc 104:12

Wushawx htenc muinz kvruex hep wawc pulx jungx htenc kvyuq, vjejez vtueq thuiz ngawx wuez yaq.

Tvtsvmc 104:17

Kvruex baung kvyuq wushawx htenc rueq vjejez yaq; wukvmx htenc rueq muinz ruip pulx jungx nuex vjejez yaq.

Tvtsvmc 109:22

Ngaz kuex htemc saz waz nuiyc rax yaq waz yaungx vtaungx; ngvy thuinz vmungx nuex httuiuc laz thuiuz sac ngaz rvhumc vtaungx.

Tvtsvmc 40:17

O Yehowa lex, ngaz kuex vnulx nuiyc htemc saz waz yaungx vtaungx, yuq muinz mnoz rueq ngaz kuex lauk gay vphux rvmuq. Mnoz kuex ngvy palc daungc jix waz nuiyc ngvy Tishox rvtoq, ngaz muex romc kuy tvkoc htat htat httuiuc kaz loq!

Tvtsvmc 69:29

Yuq muinz ngaz kuex vthuiuz vsac nuiyc thuinz htumx yaq; O Tishox lex, ngaz kuex tenz vtueq palc wvnc koq!

Tvtsvmc 84:3

Ngvy hokhvmx nuiyc ngvy Tishox rvtoq, Tvphaungc Tvsuip Yehowa lex, wuruiyx shalx sahez rueq doc muinz mshomrawx hep nuex tsuingshiq jejez wuez yaq, wuna jawk htenc rueq muinz tsuingshiq tvkoc yuimx lvp wuez yaq, kvkhoc tsuingshiq saz sadawz htenc kuex kvruex baung htenc kvyuq taq wuez yaq.

DANIEL 7:13

Raungyac nuex vruex romzyac tvkhic khiz yaq baunglaung, miq ikhoc vshiz kuex ngaz rueq khiz tauk. Piq kuex ngaz kox nuex kvnvp kaz vtueq, phuemx maq kvyop ruiux pattup tvraungx yaq waz kox nuex kaz vtueq vpiq khaungkac nuex httax yaq.

Matthew 12:32

Miq Saz vmac kvjaz maq yaq kuy jix waz kuex mvrax dawc kuy juing lvmx httax yaq, yuq muinz Vsawc Siyac muex kvjaz maq yaq kuy jix waz kuex majuiuc pat nuex ngoz ruiux muinz, yix wawc pat nuex ngoz ruiux muinz mvrax dawc kuy juing lvmx vguez.

Matthew 12:40

Yona kuex vnuiyq nuiyq thuimx, vwvrx wvrx thuimx ngaq yungx wuk mungx nuex httax tueq kvkhoc Miq Saz vruex muinz ghaq mungx nuex vnuiyq nuiyq thuimx vwvrx wvrx thuimx httax tuex.

Matthew 12:8

Yvmx khoc lac ngoz ruiux lec Miq Saz vruex kuex Vguilc Raungnuiyq Taungjix rvtueq,” ngoz tueq.

Matthew 13:37

Yesu rueq tvralc tueq, “Tsvmlix vhvlx wuinc jix waz kuex Miq Saz vruex rvtueq;

Matthew 16:13

Yesu kuex Kesarea Philipi hong nuex httuiuc kaz tueq nuex vpiq sangac hez muex, “Miq Saz vruex miq rueq ukhaq ngoz tueq lac ngoz yaq nguinx?” ngoz tueq wiz tueq.

Matthew 16:27

Yvmx khoc lac ngoz ruiux lec Miq Saz vruex kuex Vwaz ngauz vngax maq raungkamx bix rulc roc nuex httuiuc kaz tuex. Ekvkaq miqmac rueq shuimx wvnc tueq kvkhoc washiz maq washiz muex yauk mauk tvyez kuq shuex.

Matthew 17:9

Kanx kvmaq tsuinghez svt kaz tueq nuex, Yesu rueq tsuinghez muex, “Miq Saz vruex thueyc vruez kaz hez kox wawc tvtenc wvnc max rvhumc wawwawx nuimshiq rueq khiz wvnc tuit htenc romzyac kuex ukhaq muex muinz nauk tvtay jungx kaz,” ngoz tueq nvr tueq.

Matthew 19:28

Yesu rueq tsuinghez muex, “Ngaz rueq nuimshiq muex vsuing jungx kuq ix, Ghaq Vnyalx kvlayc wvnc tuex pat nuex, Miq Saz vruex kuex ngauz vngax mvrc yaq hoc daungraungc nuex ngaungc tuex kvkaq, nuimhez ngvy kungjix bix rokshiz rac wanueyc muinz hoc daungraungc rokshiz rac vnueyc nuex ngaungc naungx vtueq, Israel phvnx waruiuz rokshiz rac vnueyc kuex guimz lawc shuinz.

Mark 8:38

Yvmx khoc lac ngoz ruiux lec vyaq vrax jix nuiyc mvrax vhttax jix nuk lex, ngaz nuiyc ngaz rueq tvluing vshaungx bomjungc muex yvlc svy jix waz kuex, Miq Saz vruex vpiq Waz ngauz vngax nuiyc vsawc raungkamx waz hez rulc httuiuc kaz tuex nuex kvruex waz muex tvyvlc sac gay shuex,” ngoz tueq jungx tueq.

Luke 12:8

“Nuimshiq muex ngaz rueq jungx kuq ix, ukhaq yuq muinz miq htumc nuex ngaz muex kvjungc jix waz kuex, Miq Saz vruex raq muinz Tishox raungkamx bix htumc nuex piq muex kvjungc taungx.

Luke 18:8

Ngaz rueq nuimshiq muex jungx kuq ix, piq rueq tsuingshiq muex htat htat phox kuq shuex. Yuq muinz Miq Saz vruex httuiuc kaz tuex raungnuiyq nuex ghaq htauk vyuq kvmluimx thuinz httax yaq kuex khiz shaungx haz?” ngoz kuq tueq.

Luke 2:12

Noshawx saz vshiz kuex nox yop khvyphux maq yop ruiux mansuiux pankhuix nuex tvwoalc tueq kuex nuimshiq rueq khiz wuez shuinx, kvruex kuex jawx tueq nox vsuing rvtueq lvmx nuimshiq rueq tuiuz lvp tvkoc rvtueq,” ngoz tueq jungx tueq.

Luke 2:16

Kvkhoc rvtueq tsuinghez kuex lvmx lvy waung wvnc vtueq, Mary nuiyc Yosep muinz mansuiux pankhuix nuex woalc yaq nox kvmuinz khiz tueq.

Luke 2:7

Vsaz pekhux saz jawx vtueq nox yop juing khvyphux maq yop ruiux mansuiux pankhuix mungx nuex tvwoalc tueq, yvmx khoc lac ngoz ruiux lec tsuingnueyc kuex wuinz duic yuimx nuex kvtsoalx juing baung vguez ningkhvnc nuex rvtueq.

Luke 21:36

Nuimshiq rueq kvruex yaungx wvnc yaq lvmz lotlaz kuex lvy wvnc lot tvkoc hungc vlaungc lvp wvnc wuez shuinz, Miq Saz vruex htumc nuex khac phoc khvmc tvkoc jvp lot aungx yaq jix htenc yaungc wuez kuinz vjux thoz vtueq honc lvmz hvt rvshuinz,” ngoz tueq.

Luke 8:3

Herod hoc wawc tsak tumz shuimc jix vyungx vlaungx waz Kuza taungnyuiuz Joanna nuiyc Susanna, yalxjuik rulx paunghvlc rueq phvnx naungx vtueq, kvruex yalxjuik rulx kuex miqmac rueq vlvp tsak vnyvmx kvmaq Yesu nuiyc vpiq sangac hez muex joalc moalc kuq tueq.

Luke 9:58

Yesu rueq, “Shoalx htenc kuex vbumc juing ghaq luix vhttax, wushawx htenc muinz vdaungc juing httax yaq, yuq muinz Miq Saz vruex kuex khux tvdvl juing doc muinz lvp muq,” ngoz tueq jungx tueq.

John 1:51

Kvruex kaq vpiq rueq tsuingshiq muex, “Ngaz rueq nuimshiq muex vsuing jungx kuq ix, raungx kvdaz wvnc vtueq, Tishox raungkamx waz hez kuex Miq Saz htauk vyuq vduiz vsvt rvyaq kuex nuimshiq rueq khiz lvp shuinx,” ngoz tueq.

John 12:34

Kvkaq nuk miqsaz htenc rueq, “Mesia kuex pattup rullungx tvraungx httax tuex, ngoz tueq naungshiq Tvrac luik nuex jungx shec tueq. Kvkhoc rvyruiux mnoz rueq, Mesia kuex vtsomz gay rvhumc tuex, ngoz tueq yvmx khoc lac ngoz vshuiux? Miq Saz ngoz shuiux waz kuex ukhaq lac rvtvnx?” ngoz tueq tvralc wuez tueq.

John 13:31

Yuda kvtenc kay yix maq Yesu rueq, “Miq Saz vruex kuex majuiuc ngauz vngax dung yaq; Tishox muinz Miq Saz htauk maq ngauz vngax dung yaq.

John 3:13

Raungmungx maq vsvt kaz Miq Saz vruex maq lvy vtueq ukhaq muinz raungmungx nuex httuiuc wuez muq doc.”

John 3:14

Moshe rueq kumtsvy tvnx maq nvyrvyx puiuc yac kuex tsomz tueq ikhoc,

John 6:27

Vbac vnvmx kay juing phvnx phuiuz vsvy tvkoc nauk hunglaungx kaz, kvruex tvraung, pattup rullungx tvlvp wvnc yaq bac muq nvmx muq phuiuz vsvy tvkoc hunglaungx wuez kuinz. Kvruex kuex Miq Saz rueq nuimshiq muex kuy juing phuiuz svy rvtueq, yvmx khoc lac ngoz ruiux lec Vwaz Tishox rueq vpiq muex ngauz vngax tvduic kuy wuez rvtueq,” ngoz tueq tvralc tueq.

John 6:53

Yesu rueq, “Ngaz rueq nuimshiq muex vsuing jungx kuq ix, Miq Saz vruex ngvmx nuiyc vpiq tvguiy nuingx muit ngoz ruiux kuex nuimshiq htauk nuex rullungx thuiuzthuic vguez.

John 6:62

Mkhoc shoc maq Miq Saz vruex vpiq httaz juing nuex duiz wvnc tuex kuex khiz ruiux yuq, nuimshiq rueq yvmx khoc lac tvmaung shuinx?

Acts 7:56

Kvkaq Stephen rueq, “Lawc shuinz! Ngaz rueq raungmungx kvdaz wvnc vtuex kvmuinz, Tishox yaukkeq kox nuex Miq Saz jvp yaq kvmuinz ngaz rueq khiz tauk!” ngoz tueq.

2 Corinthians 8:9

Nuimshiq rueq naungshiq Taungjix Yesu Christu kejux lvmx kuex tuiuz vshuinx rvtueq; vpiq kuex rungwanx hvlc waz rvkoq yuq muinz nuimshiq tvkoc vpiq shauk pumz kuex htemc saz tvyaungc tueq, vpiq kuilc daz rvhumc ningkhvnc nuex nuimshiq rungwanx wvnc tuit.