Matthew 3:5 - ASII LAKDAP Bible (BSI)

⁵ Apaiq phana apaiq traho bomchong taikai mungmaiqse thun ka Jerusalem wa, Judia wang barap se wa kiimaq Jordan rai tro na siti hiqshong sitlaq thun kiiwa kirai wito.

Hawa Naga Bible 2001

⁵ Kvruex kaq Yerusalem jix nuiyc Yuda mungx lotlaz wawc nuiyc Yodan ruilx tvroz baung ruip saz wawc miq htenc kuex piq kox nuex kaz tueq.

Muklom

⁵ Jerusalem etho thaji Judea mung etho Jordan jungku relna tongtey miqtang John jamoq tachong ma thuta.

Matthew 3:5 Referencias Cruzadas

Matthew 2:1

Jesuq ka Judia wang na Bethlehem chela na chiito. Kra akhing na hokham jati ka Herod riito. Kra jai maq jaqlo sijai niili Jerusalem maq shedong mung na siti, ra na raiqsaiq jipi khumshiim shri ra liiwanti taksu maiqsebi ka Jerusalem na kito.

Matthew 4:25

Nokmaiqse kong phong ka pahea pahea, Gelili wang wa, Chela Roqshi thun wa, kiimaq Jerusalem wa, Judia wang wa, kiimaq Jordan rai maq shedong nü wang wa aki rai thun kriiraq, Jesuq jai ka phan shiiphan maq khum wan damto.

Mark 1:5

Judia wang wa nai Jerusalem chela wa, maiq pahea raq, apaiq traho bom chong taikai kito. Kiimaq, tsangshiq raq maiqmii ngarai ka tiidiito. Krai mren, apaiq raq tsangshiq ma Jordan rai na kham lamkuqto.

Luke 16:16

“Riita, Mosheq Thungtri nai shammibi lakdap na waiqtaq tri raü thun kriika, Khamlamketi we Johan pat na saüli li, maiqse raq lang wan raüta siwanto. Kra jai miishe ka, maiqse ma Shiikeawe Mungtan Tsütsa Ahea kriishe tiitai chongkuq kuqtlo. Kiimaq maiqse angu pumsiitek raq, Shiikeawe wokhong na shang wan tlo haijaq nguta, riishii riipan she warai wan tlo.

Luke 3:3

Kriikha maq, Johan raq Jordan rai reko binjü thun wiita hamli na, khumshkhum maq, nokmaiqse ma, Shiikeawe bomtsi ka akha tra hokuqto, “Namshiq tsantsii klaitlo ronglaq. Lanta, kham ka lamtlo ronglaq. Namshiq tsantsii klai han jiila, Shiikeawe raq namshiq ngarai kra midii kuq.”

Luke 3:7

Krai mren, mungmaiqse ka akong ada maq, Johan phana kham tlamkai kito. Johan raq tsangshiq ka akha sonto, “Paüsang nyiqlase kong loi! Namshiq khuthaq na Shiikeawe tsankhiq walü tu saü wan tlaq kriiwa, rakhütsiri maq kham lam lan tli, mihang wanlot han ngutiisha tiima tlan?

John 3:23

Johan riimin Salim hiq shong tho na Ainon hiq maq nokmaiqse ma kham lam kuqto. Jamkhano ngukla, kiijaq kham ka chamtraq asi. Nokmaiqse thun ka apaiq phana kito. Krai mren apaiq raq tsangshiq ma kham ka lam kuqto.

John 5:35

Johan traho bomchong ka namshiq ma wanii tu. Kra tai lanta namshiq ka chochi wan lan ihata. Namshiq ka bala shi se miitu, apaiq bomchong walü li na siwan lungwii lan ihata. Lanta chochi lan ihata.