Matthew 3:17 - ASII LAKDAP Bible (BSI)

¹⁷ Kiijiishe ramungtan wa bomtsi ashi akha saüto, “Arka i Se. Ngi raq apaiq ka kai lungwii tiikang. Ngi ka apaiq ma pinthum khoqriiq tiikang.”

Hawa Naga Bible 2001

¹⁷ Kvruex yimaq raungmungx maq kvjaz tvruingc kuex, “Vruex waz kuex ngaz rueq raungc raq vshaungx, ngaz rueq lungwawc hvlc Saz rvtueq,” ngoz tueq.

Muklom

¹⁷ Etho mungtan wang ashey raaq kap tatta, “Ira i tinmat i Miqwasa. Piq rangma nga rapney sungrang ang.”

Matthew 3:17 Referencias Cruzadas

Tvtsvmc 2:7

“Tatiwe raq aming kuqtaq kra ngi raq mitiitaiha” nguta hokhamwe raq ngutlo, Apaiq raq ngi ma nguto: ‘Ümniika ise; ümchaü ranaiq ngi ka ümwe miishe jakikang.

ISAIA 42:1

Tatiwe raq ngutlo, “Ahata ijaqshise, Ngi raq apaiq ma ningkun shoqkuq tiikang; Ngi raq apaiq ka tsea wan kang, Ngi ka apaiq ma kai khoqriiq tiikang. Ngi raq apaiq ka ma iwenyi asho awo kuqkang she. Kiimaq apaiq raq maiq mungtek na tingting tri maq kha mipho.

ISAIA 42:21

Tatiwe ka Shiikeawe atiichhiike lungwiitlo, kra ningkhan apaiq raq athungtri nai atri raütu thun ka, shreng jonghea anato raüta riimtlo.

LEWI 15:15

Raüta ramwe raq wushi kaüshi ka ngarai-honglu na mikuq. Kiimaq kaüshiti ka chaqtlii-honglu na mikuq. Kha ramwe raq kriiwe khum tiisii wan piitiishi jaqsham ka miklo.

Matthew 12:18

“Arwe ahata I jaqshise, ngi raq atsea wan ha. Apaiq ka ngi raq kai tlungwii tiikang, kiimaq ngi ka apaiq ma pinthum khoqriiq tiikang. Ngi raq apaiq ma i Wenyi mithü kuq ha. Kiimaq ngi raq kiq tiidea tiikang kra, apaiq raq Pongnok phan tlotli ma, ngi raq tingting jaqsham tiikang kra michong phan kuq wan.

Matthew 17:5

Apaiq ka abom rai liipan kiijiiniili, tiidong chhaq maq phongtsok ra wa chhaihea langlang phumlü da ashi deaki raüta, tsangshiq tarü ka pang baiqto. Kiimaq phumda mong wa maiq bom ashi akha taito, “Ahata I tsantsii ran chang I Se. Ngi ka apaiq ma pinthum khoqriiq wan tiikang. Apaiq bom ka tai rong laq!”

Mark 1:11

Kiimaq ramungtan wa maiq bom ashi raq, “Ümniika I Se. Ngi ka ümniima kai khoqriiq tiikang,” nguta chongto.

Mark 9:7

Kra liipan bala niili, phumda kaü ashi satsaq raüta, tsangshiq ka nyamsaq li she pang wanto. Kiimaq phumda mong wa, “Arka I Se. Ngi raq apaiq pinthum lungwii tiikang. Apaiq bom ka taironglaq!” nguta maiq bom ashi she saükito.

Luke 3:22

Kiimaq, Asii Wenyi ka apaiq khuthaq na, haütaü kaü ikha satkito. Kiimaq kra akhing na ramungtan wa maiq bom ashi ka akha saüto, “Ümniika I Se shaq. Ngi ka ümniima pinthum khoqriiq tiikang.”

Luke 9:35

Kiijiishe, phumda mong wa maiq bom ashi raq akha chongto, “Arka I Se. Ngi raq apaiq ka tingsang atsea arwan ha. Namshiq raq apaiq bom ka tai ronglaq!”

John 5:20

Ara jamkhano chongtiikang ngukla, Awe raq Ase ka pinthum lungwii tlo. Krai mren, apaiq raq jamlai wa sham tlaq, kriika Ase ma thumthum tiichhikuq tlo. Awe raq apaiq ma, arthun arthaq niimin kao raüta jaqsham ajong tiichhike wan chang dea asi shaqli. Kra thun kriika namshiq raq chhi wan han jiila kai awang mirhan.

John 5:37

Kiimaq ngi tiikaiti i We riimin la, ngi miitu tengteng hakhi kuqtlo. Namshiq raq apaiq bom ka jangshi min tai man shaq li. Kiimaq apaiq sham kiimin chhi man shaq li.

Ephesians 1:6

Ümchaü sanha, Shiikeawe ka kai shomra wan rong i. Apaiq raq nashiq ka achhai anyii kaphap khoqramkii maq takuq wanto she. Raüta apaiq raq kai lungwii tlaq, Ase pum na nashiq ma phe maq, kongphiq jonghea kuqto she!

Colossians 1:13

Ümchaü sanha, apaiq raq nashiq ka ranyaq kharü mong wa da wanto she. Raüta, apaiq raq mangchan tlaq, Ase mungtan na kiqkap jaqshap miishe shunshea wanto.

2 Peter 1:17

Apaiq ma Awejong, Shiikeawe raq Jesuq jonglu ka naishiq ma tiichhikuq wantaq akhing na, naishiq ka kiijaq Jesuq rai adam na asi riikai. Rakaü Hiq we Ajong Shiikeawe raq, Jesuq miitu naishiq ma akha chongkuqto, “Ahata I Se, sekhuq laqlaqse sitlaq kra. Ngi apaiq ma pinthum khoqriiq tiikang!”

1 John 5:9

Nashiq riika maiqse hakhi ma santla kam tiikai. Shatmaq, Shiikeawe raq akuq hakhi she ngutiikai miiphat kriika, maiqse hakhi thaq na atsin pinthum she. Riita, Ase khuthaq na Shiikeawe raq ara chongtiikai hakhi ara akewan kun she.

Revelation 14:2

Kiimaq, ngi raq maiq bom ramungtan wa ashi taikang. Kra bom riinya wa ka jüchhang wa trang nai ramok rachhai wa trang ikha. Kra bom riinya wa ka shiwe shunwe bi raq paimin toro tsü raüta shishun tlaq ikha.