Matthew 28:5 - ASII LAKDAP Bible (BSI)

⁵ Rase raq jechakre ma chongto, “Namnai ka ahai raamak. Ngi raq asap ha. Namnai ka pumsongkham na tübaiq raüta tsattaq Jesuq kra liikai nguta aki han.

Hawa Naga Bible 2001

⁵ Raungkamx waz rueq yalxjuik nyuiuz nueyc muex jungx tueq kuex, “Nauk hiz kaz, yaukjuinc bulx nuex but gay tueq waz Yesu kuex nuimshiq rueq thuiyx vshuinx lvmx ngaz rueq tuiuz yaq.

Muklom

⁵ Rangkamwa aa miqnu tang thima batta, “Nak cho inn, bólq na botchak ta Jesu tha nim aa bi inn ta nga sam eq ang.

Matthew 28:5 Referencias Cruzadas

ISAIA 35:4

Tsaiji aranti loweatek ma akha chonglaq, “Ningkun shoq ronglaq, naqhai rongkiq! Shiikeawe ka namshiq tiichhiikai kitlo, namshiq jaqtinok ma mo tiihokai kitlo.”

ISAIA 41:10

Naqhaikiq - Ngi ka ümniirai asi! Ngi ka üm Shiikeawe - ümniika jam miimin naqphiip jiipkiq! Ngi raq üm ningkun ka mitiiheng kang; lata mikhrumkuq kang. Ngi raq ümniika mitiiwong kang lata mitiichhiiha.

ISAIA 41:14

Tatiwe raq ngutlo, “Ümniika aranse kiimaq ningkun ajom, Israil lei naqhaikiq, Ngi raq ümnaq mikhrumkang. Ngi ka, asii Israilnok Shiikeawe ahata ümnaq tiichhiiti.

DANIEL 10:12

Kiijiishe apaiq raq nguto, “Daniel lei, naqhaikiq. Ümra ranaiq akhing miishe wa ümniika aranse ma ja laüta, phanrap saptsin wan miitu, thapthi wan laü, kra ranaiq akhing miiphat she, Shiikeawe raq ümnaq achu jaü ka trekuqto she. Ngi saükikang arka ümnaq achujaü trekai saükikang.

DANIEL 10:19

Apaiq raq nguto, “Shiikeawe raq ümnaq lungwiitlo. Kra ningkhan ümniika jamlai miitu min naq chapa kiq. Kiimaq naqhai songkiq.” Apaiq raq ara ngojaishetiq, ngi raq ikhum na ningkun ka ahong lin she sapkang. Kiimaq apaiq ma akha ngukang, “Shiilangwe, ümniiraq ngi ma jamlai bom chongke chang wa kra chonglaq. Ümniiraq ngi ma ningkun min shoqkuq laü she. Ahea lin she.”

Matthew 14:27

Kiijiishe, tsangshiq bom ka tresaq, “Tsaiji tiijong ronglaq! Naqhai rongkiq. Ngi ahata,” nguta Jesuq raq tsangshiq rai riibom damto.

Matthew 28:10

Kiijiishe, “Namnai ka ahaisong chang jam min ahü,” nguta Jesuq raq tsangnai ma chongkuqto. “Warong laq. Lanta i notiim kiima Gelili wang nü na wali ronglaq. Kiimaq kiijaq tsangshiq ka ngi rai mirhum laq nguta chong kuq wa rongkiq,” nguta Jesuq raq tsangnai ma chongto.

Matthew 28:4

Kra chhi raüta makho kheti phenlanok ka atiikhai rokshrok, phiip raq tsaito. Kiimaq tsangshiq ka hiq na bum rang ama ikhiishe bumki wito.

Mark 16:6

Kiijiishe, “Namtsam ka naq hai rongkiq,” nguta apaiq raq nguto. Kiimaq apaiq raq, “Ngi raq asap ha, namtsam riika, Najareth hiqti we Jesuq pumsongkham na tübaiqtaq kra rittlan. Apaiq ka arjaq ahü. Ama wa dong wanto she! Liimanta, tsangshiq raq ama ka arjaq athü wa.

Luke 1:30

Kiijiishe hali, rase raq apaiq ma bom ka akha tru chongkuq nongto, “Meriq le, ümniika naq haikiq; Shiikeawe raq ümniika kai mangchantlo.

Luke 24:5

Ahaisi wa lam maq nai akii anyii rai lam maq, jechak nyungtiim ka hiq na kurang she riito. Kra maiqwe nai raq tsangshiq ma akha chongto, “Namshiq ka maiq atrati ka amati phong na jam nguto rit tlan?

Acts 2:24

Shatmaq, Shiikeawe raq apaiq ka amaa wa tiidong wanto. Shiikeawe raq apaiq ka atsai ningkun kharü mong wiishe daa wanto. Ara jamkhano chongtiikang ngukla, atsai ningkun kharü raq, Jesuq ka ümkhiiriita jiimin kha lot mak.

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.