Matthew 28:5 - Hawa Naga Bible 2001

⁵ Raungkamx waz rueq yalxjuik nyuiuz nueyc muex jungx tueq kuex, “Nauk hiz kaz, yaukjuinc bulx nuex but gay tueq waz Yesu kuex nuimshiq rueq thuiyx vshuinx lvmx ngaz rueq tuiuz yaq.

ASII LAKDAP Bible (BSI)

⁵ Rase raq jechakre ma chongto, “Namnai ka ahai raamak. Ngi raq asap ha. Namnai ka pumsongkham na tübaiq raüta tsattaq Jesuq kra liikai nguta aki han.

Muklom

⁵ Rangkamwa aa miqnu tang thima batta, “Nak cho inn, bólq na botchak ta Jesu tha nim aa bi inn ta nga sam eq ang.

Matthew 28:5 Referencias Cruzadas

ISAIA 35:4

Thuinbac yaq jix miq ruip rawx muex, “Hungc tvhung shuinz nauk hiz kaz! Tishox kuex mnoz palc kay httuiuc kaz yaq, mralx htenc muex murx tvgurc kuy tvkoc httuiuc kaz yaq,” ngoz tueq jungx tueq.

ISAIA 41:10

Nauk hiz kaz, ngaz kuex mnoz rulc vdvmz! Ngaz kuex m-Tishox rvtauk, mnoz muex yvmx muinz tvhiz sungx muq mruez shueq! Ngaz rueq mnoz muex tvhung ruiux, romc kuq phaungx; Ngaz rueq mnoz kuex tvkhup wungx ruiux palc wvnc phaungx.

ISAIA 41:14

Yehowa rueq ngoz tueq, “Israel lex, mnoz kuex vruinx nuiyc hungc vnulx rvtoq, nauk hiz kaz; ngaz rueq mnoz muex romc kuq phaungx. Israel muex vsawc Tishox, ngaz kuex mnoz palc wvnc jix rvtauk.

DANIEL 10:12

Kvkaq piq rueq, “Daniel lex, nauk hiz kaz. Mnoz rueq tuiuz tay wvnc juing lvp wvnc shuiux lvmx m-gvnz tvyomz vtueq htvp htaz wvnc toq vphaungc raungnuiyq maq raz tueq, Tishox rueq mnoz vjux thoz bomc kuex tay tueq. Mnoz rueq thoz toq kuex tvralc kay ngaz tvkaz phuex.

DANIEL 10:19

Piq rueq, “Tishox rueq mnoz lungwawx yaq, kvkhoc rvtueq mnoz muex yvmx muinz tvyonz yex muq, tvhiz sungx muq rvshuex,” ngoz tueq jungx tueq. Piq rueq kvkhoc jungx yaq nuex, ngaz nuex hunglaungc httax wvnc vtueq, “Jiyungx waz lex, mnoz rueq yvmx jungc juing lac ngaz muex jungx koq. Mnoz rueq ngaz muex tvhvlc kuq vphux,” ngoz tueq jungx tauk.

Matthew 14:27

Kvruex kaq Yesu rueq, “Thuinz nauk tvruinc kaz! Ngaz rvtauk, nauk hiz kaz!” ngoz tueq tsuinghez muex ngoz tueq.

Matthew 28:10

Yesu rueq tsuingnueyc muex, “Nauk hiz kaz, iphuz inox hez muex Galile mungx nuex kay tvkoc tvtay jungx waung kuinz, kvruex mungx kvmaq tsuinghez kuex ngaz rulc rvkhic rvhumc tix,” ngoz tueq.

Matthew 28:4

Vbvmc jix hez pinhtumc hiyaz kawc yawc vtueq vthueyc vruez kaz miq maungx ikhoc yaungx kaz wuez tueq.

Mark 16:6

Piq rueq, “Nauk kawc yawc kaz, yauk juinc bulx nuex but gay tueq Nazaret waz Yesu kuex nuimhez rueq thuiyx vshuinx, ngaz rueq tuiuz yaq. Vpiq kuex vyuq vguez shex, vpiq kuex vthueyc wawc yuing kvtenc wvnc vtuex shex! Lawc shuinz, vruex kuex tsuinghez rueq vpiq vhtawc taq.

Luke 1:30

Kvkaq raungkamx waz rueq, “Mary lex, nauk hiz kaz; mnoz kuex Tishox htumc nuex htvlx phawc lvp vshuiux rvtueq.

Luke 24:5

Yalxjuik rulx kuex hiyaz vtueq vbumc rvwuez tueq, tsuingnueyc rueq, “Vtvraungx waz kuex vmaungx jix httax yaq nuex yvmx ruemc lac thuiyx vshuinx?

Acts 2:24

Yuq muinz vthueyc vmvy luimc vkawc wawc vpiq kuex dawc vtueq Tishox rueq tvyuing tvtenc wvnc tueq, yvmx khoc lac ngoz ruiux lec vthueyc vmvy rueq vpiq kuex khvrc shauk gay lot muq.

Hebrews 1:14

Kvkhoc ngoz ruiux raungkamx bix kuex ukhaq lac rvtvnx? Tsuingshiq kuex palc daungc wvnc rvhumc jix htenc muex romc kuy tvkoc Tishox rueq vtvkaz bomc nvrc siyac htenc dvyx rvtueq.