Matthew 27:52 - ASII LAKDAP Bible (BSI)

⁵² Kiimaq maiq makho thun ka tlin miihok she tlin kito. Kiimaq Shiikeawe raq atsea arwan asengi maiqse thun kriika, atsai arki makho mong wa atra she tiidong wan nongto.

Hawa Naga Bible 2001

⁵² luip ruiuz khux htenc muinz kvdaz wvnc vtueq vthueyc vruez wvnc jix Tishox miqsaz htenc muinz paunghvlc yuing kvtenc wvnc tueq.

Muklom

⁵² Etho màng bungching tha thalak wangta etho chamtey tey asang miqtang tha wey jeyta.

Matthew 27:52 Referencias Cruzadas

2 HOKHVMX 13:21

Akhing ashi na, maiq maa lapkai akhing bala na, kra rehuk maq khat wati kongshi ka maalap kaiti raq chhito. Kiimaq maalap kaitibi raq maiq maa ka Elisha maalapkho kiijaq baiqthü raüta tsangshiq ka pintrangto. Shatmaq kra maiq maa ka Elisha riiphong kriirai tiithanto. Krai mren kra amaawe ka atra she sam wanto. Raüta tiidopot chaphiiq riito.

ISAIA 25:8

Ajong Thaq na Ajong Pinthum Tatiwe raq atsai ningkun ka pattup pat-sa miitu she mitiithen baiq! Apaiq raq maiq loweatek theaphi wa makphai satlaq kra tiisiirai mitatkuq. Kiimaq asenginok raq mangjong tlot li na jeasi khatamshi howantaq thun kra wiita alam she mirbaiq. Arka Tatiwe apaiq raq ngutlo!

ISAIA 26:19

Naishiqnok maiq ümchuwa tsaitaq thun ka thongshi atra misi wan nong! Tsangshiq maa thun ka atra mija wan nong. Ümchuwa maakho na kontlaq thun ka, asam mirwan raüta chochikhiq mishinge. Bangkham chhainyii raq hiqraikhü trap tlaq ikha, Tatiwe raq rathup na atsaikiti thun ka, atra mitiisam wan nong.

DANIEL 12:2

Maiq pahea ümchuwa tsai wantaq thun ka, atra midong wan nong. Maiq wiijam ka pattup pat-sa atra she misi wan. Kiimaq maiq wiijam ka, pattup pat-sa jea ngaü raüta misi wan.

Hosea 13:14

Tsangshiq ka wulum kho wa mikhot ha sha? khotki mang she! Atsai kharü mong wa mitiichhiikuq ha sha? Tiichhiikuq mang she! O, tsailam watu lei tsangshiq ka khiim phaq laq! Tsailam hiqbi kho lei, wulum mung kiina sheaholaq! Ngi raq tsangshiq ka mangchan mang she.

John 11:11

Jesuq raq ara chonglot raüta, tiijosaq hali, “Nakongti we Lajaras ka akon. Shatmaq, ngi kilata, apaiq ka atiisam mirkiha,” nguta tsangshiq ma chongto.

Acts 7:60

Raüta, apaiq ka kaütsrong na bumsaq raüta, “Tatiwe lei, tsangshiq ngarai kra ümniiraq tsan na naq tiitsangkiq!” nguta tiihong raüta siito. Apaiq raq ara ngu raüta alang ka pitto.

1 Corinthians 11:30

Akha jiqphiq lanta, namshiq phong wa maiq pahea hüjom hanjom miili sitlan. Kiimaq atsi asi sitlan. Kiimaq maiq wiijamti ka atsai riiwanto.

1 Corinthians 15:20

Shatmaq riikhaqli tengteng bomtsi ka ara: Khristo ka amaa wa tiidong wanto she. Krai mren, apaiq ma kamwanti maiq ümchuwa atsai riiwan tlaq, kriiti thun tarü ka atra midong wan nong ngushat she. Arka mongngam maq kamwan miitu hakhi raü tu she.

1 Corinthians 15:51

Ara chongtiikang apaü raüta athü tengman tlaq bomtsi ara tsan na samhea tiitsang tai rong laq: Nashiq wiitarü ka tsai mai. Shatmaq phangthum lerong tsii tlaq akhing na, nashiq ümchuwa atra riijiiq, kriiti thun ka mak riijap liipan niili, nashiq khum ka aklai mirki. Phangthum lerong ümtiiko tsü jiiq, kra akhing na, maiq ümchuwa amaati thun ka, wiita amaa wa atra she mitiidong wan. Kra tiidong wan tlaq ka ümtiikiimin tsaiki mak phan she. Kiimaq nashiq wiitarü atra sitiikaiti thun khum ka wiita aklai mirki.

1 Thessalonians 4:14

Nashiq raq tsankhun maq kamtiikai, Jesuq ka tsaito, raüta amaa wa hali dong wan nongto. Krai mren, maiq Jesuq ma kam raüta tsaitaqti thun wiitarü ka, Shiikeawe raq Jesuq rai mishea wan nong nguta, nashiq raq kamtiikai.

1 Thessalonians 5:10

Apaiq ka nashiq miitu tsaito. Nashiq ka apaiq saükai akhing ranaiq na, amaa sikai lo, atra sikai lo, nashiq ka apaiq rai adam na siwan miitu, apaiq tsaito.