Matthew 27:51 - ASII LAKDAP Bible (BSI)

⁵¹ Liirong laq, kiijiishe Shomjam mong na achan kheathum kaü ka, ra nü maq riita hiq na saüli khonai ma tiikholiiq tiichai kito. Kiimaq hiqjong muwa trang liishe riito. Kiimaq longkaü thun kiimin kholam kholiiq wiita tiibun baiqto.

Hawa Naga Bible 2001

⁵¹ Kvruex kaq Shomc Yuimx nuex khvyluiz phux vjuinx taq kuex raungkox vphaungc maq gaq kox vtvsuip nuex httuiuc laz kvjuirc kaz tueq. Gaqyung muinz mux tueq, lung rauk htenc muinz bunx khoz wvnc tueq,

Muklom

⁵¹ Eshi rangham tho, rangnuk him wang tathuk ta khatlo tha, aluk wang tha anim náng taching eq ani ma qhong ta, etho haq kung tha shingta etho arong long tha panta.

Matthew 27:51 Referencias Cruzadas

2 KAÜWA WERAÜ 3:14

Kiimaq Asii Pinthum Khok kra raituk chang ka kheathum kaü ajongwiq ashi ka müsaisai raihi-nairai ka laihin rai maq shot raüta taqto. Raüta kra khea ka rongwai maq, kiimaq mintiitii rong maq, kiimaq rongshii maq shot raüta loto. Raüta kra khea mong na cherubim sumla ka kheathaq na waiqto. Raüta tiimiikhiiqto.

Tvtsvmc 18:15

Sammoktra chumphii ka tiisüroq trü baiqto, kiimaq hiq shongchang khamchong ji diim thun ka wiita linbaiqto, ümtiikiiwa ümniiraq ümjaqtinok kra sontlaü, Tatiwe lei, kiimaq tsankhiq lam maq tsangshiq ma hok-hiiq tlaü na akha saütlo.

Tvtsvmc 18:7

Kiijiishe hiq ka atiikhai banban she phephiiq wanto; pum thun shongchang jichong diim thun ka tiibai wanto, jamkhano ngukla Shiikeawe ka akhiq.

DUNGWVNC 40:21

Raütiishe apaiq raq tek ka Tombutiip mong niishe thüto. Raüta atuk chang kheathum kriishe chanto. Akha klo raüta apaiq raq Tongshong Tek ka Tatiwe raq aming kuqtaq kra phan phan khetuk maq rai thüto.

ISAIA 25:7

Arjaq apaiq raq mangjong hiq na siti maiq mung thun khuthaq na tsanbi hosi phumda raq pangtlaq kra tsuqbaiq saqli she mitsuq baiq.

LEWI 16:2

Apaiq raq nguto, “Ümphu Aron ma chonglaq, apaiq ka akhing riikhaqli niitiq, kheachan khetuk jai na Asii Pinthum Khok kiijaq nyapwa ratlo. Jamkhano ngukla kiijaq Ngi ka Tongshong Tek pang chang thaq na phumda mong na kilata riihumki tiikang. Kiimaq apaiq raq ibom kla tlea raüla, apaiq ka atsea mirbaiq.

LEWI 21:23

Shatmaq apaiq khum na kupimak phan sikai kha maq, apaiq ka asii khetuk khea chan tlan kra tho na kiimaq berong-wacha tho na wa maimak. Apaiq raq ara asii hupsam thun ka tiishe shi maimak. Jamkhano ngukla Ngi ka Tatiwe. Kiimaq Ngi raq arthun ka asii ma tiija tiikang.”

HABAKUK 3:10

Pumjong thun raq ümsham chhito; tiikhai haisongtlo. Pükhaü kham ikha ra wa raüto, Tsaühea mong na tiithaü wanto, Rashe kaü ajaq ra na doto.

HABAKUK 3:13

Ümniika ümsengi chhiikai, saüki laü. Phumram kham maq aram haü hokhamwe, chhiikai kilaü. Ümniiraq maiq mung abi, tuwejong khupo tiibun tiiq laü. Asenginok chong arang phaibaiq laü.

WEAWEA 4:5

Tatiwe raq Mosheq ma tsii ka akha chong kuqto. Ümtiikiiwa piitiip thun kra siiq wan akhing saütlaq, Aron nai asetiim ka Tombutiip mong na nyap wa chang. Raüta Tongshong Tek kaü khaki na chantlaq khea thum kra lamchang. Raüta kriimaq Tek kra pang chang.

Matthew 27:54

Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.

Matthew 28:2

Kra liipan na tiihanghiiq miili, henghea langlang hiqjong muto. Kiimaq maklii liipan niili, Tatiwe rase ashi ka ra wa satki saq saükito. Raüta, apaiq ka longsha makho kiina kokkok wato. Raüta longsha kilü longkaü kra linhok tiiküsaq linbaiqto. Raütiishe apaiq ka kra longkaü thaq kiijaq ngasaq ngakito.

Mark 15:38

Apaiq lang pit ri li she, Jerusalem Shomjam na khok rai chang khetuk khea achan kriika, ra nü maq phaho raüta, hiq na saüli, khonai ma tiikholiiq, tiichai kito.

Luke 23:45

Kiimaq Shomjam mong na asii khok rai chang kheathum kaü jonghea achan kriika among ba maq mannai ma tiikholiiq tiichai kito.

Luke 23:47

Phentuwe raq arthun ara chhito. Kiimaq apaiq raq, “Ngohea dea, apaiq arka kechu maiqse dea,” nguta Shiikeawe ka tiitsamto.

Hebrews 6:19

Nashiq rilung lai shiikhing wa chang, jinkhaiq kong bu ikha sitlaq kriika ara. Ara jinkhaiq kong bu arjaq riiwiiqtibi ka, ahai song chang jam min ahü. Kriiti ka jamlai rahai riimin chhi mak. Nashiq tsan ran chang jinkong bu ka Jesuq. Apaiq ka ramungtan na sitlaq shomjam mong kiijaq, asii thaq niimin asii pinthum siqlaitap sitlaq kra mong niishe wawanto.

Hebrews 9:3

Kra jai wa among na hali khok ashi asi. Kra khok ka kheathum ajong wiq maq chansaq raüta arai tuk thü. Kra tapmong khok kriika, Asii Thaq Niimin Asii khok nguta ngutlo.

Revelation 11:13

Kra tsangnai wawan ri, tlothit li she henghea langlang hiqjong muto. Kra hiqmu raq chela ka manroqshi khu wa manshi rii ka tiithen baiqto. Kiimaq, maiq ka hingmiishi jiimto. Kiiwa chantlaq maiqse angu thun ka, kai phiip raq tsaito. Raüta, tsangshiq raq ramungtan wa Shiikeawe ningkun jonglu kra chhi raüta, apaiq ka tiitsamto.

Revelation 11:19

Kiijiishe, ngi raq ramungtan wa Shiikeawe shomjam kilü ka dito chhikang. Kiimaq Tongshong Tek kiimin shomjam mong na chhikang. Kiimiili she rachhai ralüp watrang, ramok wa trang, kiimaq hiqjong muwa trang, kiimaq tsakhiiq rokwa trang liishe chhikang.