Matthew 26:29 - ASII LAKDAP Bible (BSI)

²⁹ Ngi chongpha, i We Mungtan maq spiqtai anye kra namshiq rai minyang nongha shaq wiiwii, ngi raq ara spiqtai arka ümtiikiimin nyangnong mang she,”

Hawa Naga Bible 2001

²⁹ Nuimhez muex ngaz rueq jungx ix, Iwaz Mungtan maq nuimshiq rulc roc nuex svpiq tix vnyalx ngaz rueq nuingx shaungx raungnuiyq nuex httuiuc laz, vruex svpiq ruiuz thuey wawc ngaz rueq nuingx yek shaungx rvmuq shex,” ngoz tueq tsuinghez muex kuq tueq.

Muklom

²⁹ Nga nim ma batphang, thang wang nim jamoq Iwa Mungtan na anal sutichi ling saal náng thula, nga iri suti chi raa ling mong ang náng.”

Matthew 26:29 Referencias Cruzadas

Tvtsvmc 104:15

raüta atsan shiipeo ma spiqtai klotlo, kiimaq oliptsi tai ka apaiq tiikhoqriiq ma klotlo, kiimaq aningkun shoqke ma winsii kuqtlo.

Tvtsvmc 4:7

Shatmaq ümniiraq ngi ma chochi tsantsii kuqlaü arka tsangshiq raq püwong tum nai che pükhaü totlaq kra nam miimin pahea.

Tvtsvmc 40:3

Apaiq raq ngi ma ashi anye ashi shrinkuqto, nashiq Shiikeawe ma tiitsamkam shi. Maiq pahea raq arshe michhi wan raüta tiihaisong shat miraq kiimaq tsangshiq raq Tatiwe ma mikam wan.

ASHICHONG 5:1

Ngi ka isonruk mong na nyapwa kang she, Irorii-nyung, ita-nyungnye lei. Ngi ka isüse nai ihomseng mura riichom tiikang. Ngi ka ingiqngu nyangshe peokhiq. Ngi ka ispiqtai nai minsaüpü nyang tiikang. siq ronglaq, lungwii kongtibi lei, nyang rong laq, tsan tiiheali, lungwii raq mipheshaq wiiwii!

ISAIA 25:6

Arjaq Jajon Pum na Tati Ajong Pinthumwe raq mangjong wa maiq mung thun tlotli ma phaqsea poi jonghea miklo. Kra phaqsea poi ka pinthum asum akam phaqsea. Kiimaq che min sumhea pinthum.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

JEPHANIA 3:17

Tati üm Shiikeawe ka, ümniirai asi. Apaiq ningkun jong maq ümniima, rekhat mitiitangkuq. Tatiwe ka ümniima michochi, Kiimaq apaiq lungwii wokhong maq, ümniima rilung anye she mikuq. Apaiq ka ashi ange miraq, kiimaq ümniima pinthum michochi,

JEKERIA 9:17

Jamkhano ngukla, apaiq tsantsii heawa ka ümtinkhan jonglu wa miraq! wok phetaktak maq jerobi mijong lu wan, kiimaq spiqtai nye raq junriibi ka, shamhea shamjü miraq.

Matthew 13:43

Kra akhing na Shiikeawe sengibi thun ka tsangshiq ma Awe Shiikeawe mungtan na rashe kaü ikha, achhai anyii watrang liishe mishong nga wan. Juwa ni asi, kriiti raq tiitsang tai rong laq!”

Matthew 16:28

Ngi raq namshiq ma chongtiikang arka tengteng. Ümchaü namshiq sitlan phong arwa maiq wiijamti raq Maiq Se ka mangjong maiqse kunli langkai Hokham jakai akai rai chhi mak wiiwii tsai mak miraq.”

Matthew 18:20

Ara jamkhano chongtiikang ngukla, ümbano i mang na maiq ka wenai lo wetsam lo nga tlaq, kiijaq tsangshiq rai ngi min lom damshat mirha.”

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

Matthew 26:28

“Arka i tiijai, Shiikeawe Tongshong kra nei chang. Maiqse pahea ngarai thun diike miitu araübaiq.

Matthew 26:30

Raütiishe tsangshiq raq miikhon ashi shito. Raüta Olip Pero Hiqlam niishe wawanto.

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Mark 14:25

Ngi chongpha. Ngi raq ara spiqtai arka nyang nong mang she. Shiikeawe Mungtan na spiqtai anye kra shetiq minyang ha.”

Luke 12:32

“Namshiq ka atsapse li jiimin, naqhai rongkiq. Nam We raq chochikhiq maq, namshiq ma Mungtan ka mikuq.

Luke 15:32

Shatmaq, ümchaü akhing akha ahea ranaiq arka, nashiq raq khoqriiq shishiiq maq, poi ka klo chang. Ara jamkhano chongtiikang ngukla, ümno ka ama arki wa, ümchaü ka atra she. Apaiq ka amo arki wa, ümchaü ka hum kai she.’ ”

John 15:11

“Ngi raq namshiq ma ara bomtsi chongkuq tiipha arka, ngi ka jamkho chochi tiikang, kiikhiisii, namshiq tsan mong niimin, chochi raq aliim ale she mima wan laq nguta chong kuq tiikang.

John 16:22

Ara chongtiikang akha, namshiq miimin akhing she saü wato. Namshiq ma ümchaü ka tsanbi hosi akhing saüwato. Shatmaq, ngi ka namshiq rai mirhum nong kang. Kiimaq, namshiq ka khoqriiq shishiiq miili she misi wan han. Kra namshiq tsan mong wa chochi tsii kriika, jurmin khot-ho lot mak she miraq.

John 17:13

Riita, ümchaü ka ngi ümphana wawan nong she. Kiimaq, arthun chongkuq tiikang arka, tsangshiq ka tsan na chochi asho-awo maq misi laq nguta ngo maq chongkuq tiikang.

Acts 10:41

Riita ara apaiq sham tiichhikuq wantaq kriika maiq wiitarü ma pili niika riimak. Arka Shiikeawe raq Jesuq hakhibi miitu juju wa kongkhu miiphü tsea raüta, tiijetiiti thun kra miili tiichhi kuqto. Kra hakhibi ka naishiq ara. Naishiq ka apaiq amaa wa dong wanjai miimin, apaiq rai adam maq phaqsiq wandam kai.

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.

Revelation 14:3

Kra maiq phong 1,44,000 sitlaq kriika, hokham ngacho khaki na, ngamkaü blai khaki na, kiimaq nyungwere khaki na chap raqraq riito. Tsangshiq ka ashi anye ashi shishun sea. Kra shishun tlaq kriika, mangjong hiq wa chhii wantaq maiqse 144,000 kra tlea raüta, maiq ahinti riika ju riimin shishun lot mak.

Revelation 7:17

Ümchaü sanha, hokham ngacho wang mong na ngati, Skuse ka tsangshiq rümti she. Apaiq raq tsangshiq ka, rilung tsitsü raisetiim wa kham mitiinyang. Kiimaq Shiikeawe raq, tsangshiq makphai khüshang, wiita atat she mirkuq.”