Matthew 26:28 - ASII LAKDAP Bible (BSI)

²⁸ “Arka i tiijai, Shiikeawe Tongshong kra nei chang. Maiqse pahea ngarai thun diike miitu araübaiq.

Hawa Naga Bible 2001

²⁸ vruex kuex Tishox bomkhvrc vnyalx nuex seng yaq, miq paunghvlc mvrax dawc kuy tvkoc vruiuc gay ngvy tvguiy rvtueq.

Muklom

²⁸ Chammatakoi ira i tahi etho ira Shkewa raaqkhak sha qhak aa, etho ira miqtang thaji ngarey tha tolchak ma tasal aa.

Matthew 26:28 Referencias Cruzadas

JEREMIA 31:31

Tatiwe raq ngutlo, “Akhing ashi saü wantlo, kiitiikaq Ngi raq Israilnok rai nai Juda mungti rai tongshong anye ashi she mishong wanha.

LEWI 17:11

Atra phan ümchuwa sitlaq tsitsü ka tiijai na sitlo. Arningkhan Tatiwe raq ngam tiijai ka wiita berong-wacha kiijaq raübaiq raa nguta aming kuqto. Arka maiqse ngarai thun kra tiikhoibaiq wan miitu chongtlo. Tiijai ka tsitsü raü. Arningkhan ngarai tiikhoi baiqtlo.

JEKERIA 9:11

Tatiwe raq chongtlo, “Ngi raq namshiq rai tongshong wan kang. Lata honglu tiijai maq nei wan kang. Kriikha na ngi raq namshiq ka, munglu shumwi kharü mong wa, wiita she midokda wan ha.

Matthew 20:28

Maiq Se saükitaq kriika, maiq raq apaiq ka mishiili lii laq nguta aki riimak. Shatmaq maiqse shiililii kai kito. Kiimaq maiqse pahea khupi kai miitu kito. Akhiisii hali, namshiq min sichang.”

Matthew 26:27

Kiimahali apaiq raq kok ashi ka doto. Raüta Shiikeawe ma kechutum. Kiimaq kok ka tsangshiq ma ake lam maq, “Ara nyang ronglaq, namshiq tarü raq nyang ronglaq,” nguta nguto.

Matthew 26:29

Ngi chongpha, i We Mungtan maq spiqtai anye kra namshiq rai minyang nongha shaq wiiwii, ngi raq ara spiqtai arka ümtiikiimin nyangnong mang she,”

Matthew 6:12

Naishiq ma ashut klotibi mra thun diikuqkai, kiikhiisii naishiq mra thun kiimin diikuqlaq.

Mark 1:4

Riita, ara chongtaq arai mren, Johan raq kumtsaiphii maq maiq ma, kham lamkuq wanto. Kiimaq tra hokuqto. Apaiq raq, “Namshiq ka ngarai lam wa jang ronglaq. Lanta kham lam ronglaq. Raüla, Shiikeawe raq namshiq ngarai ka adii mirkuq,” nguta trahokuqto.

Mark 14:24

Jesuq raq, “Arka i tiijai. Maiq pahea miitu araü kuq. Shiikeawe raq tongshong wantlaq kra ram wan chang, ramkham.

Luke 22:19

Kiimahali, apaiq raq winsii ka ashi tsunto. Raüta, Shiikeawe ma kechu tumto. Raüta kra tiiphanto, kiimaq kra tsangshiq ma ake lam maq akha nguto, “Arka i ngam phu. Namshiq miitu akuq. Ngi ka tiima lanta ara klo ronglaq.”

Luke 22:20

Ikiikhiisii hali, apaiq raq raji dungsea jai, kok ka tsangshiq ma ake lam maq akha nguto, “Ara kok arka Shiikeawe Tongshong nye nei chang i tiijai. Namshiq miitu araü kuq.

Romans 5:15

Shatmaq, kra tsangnai wenai ka shamshi ngamshi ka riimak. Ara jamkhano akha chongtiikai ngukla, Shiikeawe raq phe maq akuq kongphiq ka, Atam ngarai kiikha ka riimak. Bomtsi ka tengto. Maiq weshi raq ngarai tang raüta, kra ngarai lümaq, maiq angu pahea raq tsailam humto. Shatmaq, Shiikeawe ramkhap mangchan ningkun ka, ngarai thaq na ajong pinthum. Riita, ara chongtiikai ramkhap mangchan arka, Shiikeawe raq maiqse angu pahea ma, maiq weshi Jesuq Khristo pum lümaq, asho awo she kuq wantlo.

Romans 5:19

Kiimaq, maiq weshi Atam raq Shiikeawe bom tlea raüta, kra lümaq mangjong maiqse kunli ka ngarai maiqse ma tiija baiqto. Riita, kra jai tiijo wan hali, maiq weshi Jesuq raq, Shiikeawe bom ka phaqchii nichii maq tai raüta jaqsham wanto. Kra jaqsham wantaq kra lümiishe hali, tsangshiq wiitarü thun ka, Shiikeawe man na kechu maiqsetiim she nguta, tsangshiq ka Shiikeawe rai wehea miishe mitiija kuq wan nong.

1 Corinthians 11:25

Ikiikhiisii hali, raji dungsea lot jai, apaiq raq kok ka do raüta, akha nguto, “Ara kok arka Shiikeawe tongshong nye kok. I tiijai maq anei. Ümtiikiiwa namshiq raq ara nyang tlan, ngi ka tiima lanta nyang ronglaq.”

Ephesians 1:7

Jesuq Khristo tsaitaq kra lümaq, nashiq ka thawe kharü mong wa daa wanto she. Ümchaü sanha nashiq ngarai ka diikuqto she. Nashiq ka wasetiim miishe tiija wanto. Shiikeawe kaphap mangchan, nashiq ma kuqtaq arka nü maq achong lot mai jonghea.

Colossians 1:14

Apaiq pum lümaq nashiq ka ngarai jaqkhon mong wa daa wanto she. Raüta nashiq ngarai thun wiita aroqke wan kun she.

Colossians 1:20

Riita ara chongtiikai krai mren, Shiikeawe raq Ase pum lümaq, ara ra nai hiq wiita apaiq wokhong na tiinyap wan nong ma nguta tri raü ka shatto. Krai mren, Shiikeawe raq arka, Ase pumsongkham na tsaitaq kra lümaq, ra nai hiq wiita ramungtan kiimaq mangjong hiq na ümchuwa sitlaq thun ka apaiq rai wehea miishe tiijato. Raütiishe awokhong na asengi miishe tiija wanto.

Hebrews 10:29

Ikhiijiika, Shiikeawe Se ka ji maq nishishi raüta saisi tlaq, kriiti ma kiiha? Shiikeawe tongshong khamchong ram chang tiijai kok, apaiq maiqmii ngarai khum ka tiisii he chang tiijai ka, apii ashi min ngu mak, shishe tlaq, kriiti ma kiiha? Tiima rong liita, akhnok maiqse miika, Shiikeawe raq ümtinkhan heng mo tiihoke chang she wa miraq!

Hebrews 13:20

Shiikeawe raq nashiq Tati Jesuq ka amaa wa tiidong wanto. Apaiq ka skukong Rümti Ajong Pinthum. Arka apaiq miisaq honglu na kuq raüta tsaito kriikha maq jawanto. Kra tsaitaq kra maq pattup pat-sa tongshong kra atiijai maq nei wanto. Raüta sil maq san wanto. Riita hansang Shiikeawe raq namshiq ma namshiq raq apaiq raq rotlaq kra phan phan athuk atsom jaqsham wan miitu phanrap ahea awa phan rong raa tlaq kra namshiq ma asho awo michom rom kuqlaq. Kiimaq apaiq raq Jesuq Khristo lümaq, nashiq khum na apaiq tiichochi chang jaqsham thun kra mishamlaq. Kiimaq Khristo miituli khushü chhainyii jonglu kra pattup pat-sa misilaq! Amen.

Hebrews 9:28

Arkha maq tiina, Khristo raq maiqse ngarai kra tiisiike miitu, klang maq lakshi wa niili panthit akhum ka Shiikeawe ma honglu na kuq raüta tsaitaq. Apaiq ka jai na lakshi hali misaüki nong. Kra saüki tlaq kriika, ngarai homa hokai miitu ka riimak she. Shatmaq, apaiq saükai kheti, maiqse ümchuwa sitlaq kra tiichhiike kai miituli she miki nong.

1 John 2:2

Khristo apaiq tiijai maq nashiq ngarai khum na nei raüta, nashiq thaq na Shiikeawe tsankhiq sitlaq kra tiishi kuqto she. Arka nashiq ngarai lamlam tiisii miituli ka riimak. Jesuq tiijai ka maiqse angu wiitarü ngarai tiisiike miitu sitlo.

Revelation 7:14

“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.

Revelation 7:9

Arjai miishe, ngi raq liinong kang. Liikangta, kiijaq mungmaiqse phong angu kla jako michong. Ahing amun, awea lot chang riimak chhikang! Tsangshiq ka maiq aphantek wa, kaüwa tek wa, mungtek wa, kiimaq maiq aphan aphan bom tek wa athung rai. Tsangshiq ka hokham ngacho na ngati we nai Skuse ngacho khaki nü na chap raqraq maq thungto chhikang. Tsangshiq ka khealü miirii samtong jong sam raq chhaq riito. Kiimaq tsangshiq jaq na taitsi hii doraq chhaq maq chapraq raq riito.