Matthew 26:24 - ASII LAKDAP Bible (BSI)

²⁴ Maiq Se riiwe kla Asii lakdap na apaiq ka jamkha tsai chang nguto waiq wantaq kra phan phan mitsai. Shatmaq Maiq Se shaphaq wanti we ma pinthum phiiptsi chang jonghea asi! Apaiq ka ara mangjong hiq arjaq rawii chhiki mak dongdii ngu raü jiiwe khoti ahea riichang!”

Hawa Naga Bible 2001

²⁴ Rumvrc luik nuex wuiyq shec tueq rulc rv-ngvlc Miq Saz vruex kuex vthueyc khvmc tvkoc vkay juing shex rvtueq, yuq muinz Miq Saz vruex lekuy gay jix waz kuex kvhiz juing httax yaq, kvruex waz kuex jawx shec muq doc ngoz ruiux yuq piq tvkoc vhvlx pinhtumc rvkhvmz tueq!” ngoz tueq.

Muklom

²⁴ Asang likwit na chamal bat aa, Miqna Sa irimal wang tina; etharin bari miq eq Miqna Sa thalo na, piq rangma chamtan tsamnang angna! Piq chang moq angta jo aqhal ang wang ta!”

Matthew 26:24 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

Tvtsvmc 55:15

Ijaqtinok ka rithiq niishe mitsailaq; tsangshiq ka wulum mung na atra maq midea wanlaq! Abi kiimung ka tsangshiq jamkun na kiimaq tsangshiq mongjii na sitlo.

Tvtsvmc 55:23

Shatmaq ümniiraq, O Shiikeawe lei, kra maiq tseati thun nai arot akiqti thun ka tsangshiq rilung ka rijam min mihong shaq na maakho mong na tiidea baiqlaq. Ngi raq riiwe kla, ümniima mikamha.

DANIEL 9:26

Kiimaq kra chongtlaq rawii akhing kra nyiwan jai she, Shiikeawe raq ashong wan welawe kriika, khühü lamhü na atsea mirbaiq. Kiimaq ningkun ajong hoti tuwe phenlabi raq khat wan raüta Jerusalem chela nai Shomjam kra mishthen baiq. Kra athum wan akhing ka jüchhang asaü wan ikha, re ka midong wan. Raüta mung ka mithen wan. Kriika Shiikeawe raq tiihongtaq kra phan phan miraq.

JEKERIA 12:10

“Ngi raq Dawit saüse phan nai Jerusalem na siti tsan nai mongjii na maiq rai riimang riichan maq siwan tsantsii miraü kuqha. Kiimaq achu jaü wenyi mithiikuqha. Tsangshiq raq shuk raüta tsatbaiqtiiwe theaphi niishe milii. Raüta tsangshiq ka tsangse sekhuq laqlaq se tsaiki raüjaq hoqjü tlaq ikha mihoqsii trang. Tsangshiq ka tsangse chhikhuwe tsaiki raüjaq jonjü tlaq ikha mijonjü.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

Matthew 18:7

Ara mangjong hiq na mangjong maiqse ma phiiptsi chang ka pahea asi. Maiqse ma apaiq kamasham lam kriiwa tiidea baiq chang maitai ka pahea sitlo! Akha abi maitai arka misi dongdii. Shatmaq juwe lümo maiqse ka apaiq kamasham lamphan kriiwa tiichhan baiq tlaq, kriiti miika pinthum phiiptsi chang!”

Matthew 26:31

Tsangshiq ka Olip Pero Hiqlam kiiniishe saüwa raüta, Jesuq raq tsangshiq ma chongto, “Athi rawa li namshiq tarü raq ngi ka tiishaü baiqthü lanta pongpin riipin mipin han. Ara jamkhano chongtiikang ngukla, Asii bomtsi na, ‘Shiikeawe raq sku rümti we ka mitsat. Kiimaq skuse kong ka wiita mitiipin baiq,’ nguta chongtlo.

Matthew 26:54

Shatmaq Shiikeawe raq ngi tiichhii wan miitu rasetiim she tiiki raüka, Asii bomtsi na akha hong wa chang dongdii nguta achong thü bomtsi ka jamkhii she wa mishku wan?”

Matthew 26:56

Shatmaq ümchaü arthun hongtha rai wantaq arka, Asii bomtsi na shammibi raq ngi miitu awaiq thü bomtsi kra riikhaqli tiikupi miitu she hongtha wanto.” Kiijiishe ajaqshisetiim raq Jesuq ka miimbaiq thü raütiishe, pongpin riipin she pintrangto.

Mark 14:21

Riita Maiq Se riiwe kla, Asii Bomtsi na jamkhii tsai chang ngutiiwa waiq thütaq, kra phan phan dea mitsai wan. Shatmaq, Maiq Se shaphaqti we miika, pinthum phiiptsi chang asi! Apaiq ka anyung puk maq rawii chhiki mak dongdii ngu raü jiikhoti ahea riichang wa!” nguta Jesuq raq tsangshiq ma chongkuqto.

Mark 9:12

Apaiq raq treto, “Tengto. Elija ka sinkhu na phanrap tiijemeho kitlo. Shatmaq, Asii Bomtsi na Maiq Se ka pinthum mitiichamchao. Raüta maiqse raq apaiq ka ashleq mirbaiq ngutiika jaram wa ngu tla?

Luke 22:22

Maiq Se riiwe kla Shiikeawe raq jamkho tiihongtaq kra phan phan mitsai. Shatmaq, apaiq shaphaqtiwe miika pinthum phiiptsi chang!”

Luke 24:46

Raütiishe, apaiq raq tsangshiq ma bom ka akha chongkuqto, “Asii Bomtsi na akha waiqto: Khristo ka tsai chang dongdii miraq. Raüta, ranaiqtsam jai maq, apaiq ka ama wa dong wan chang dongdii miraq.

John 17:12

Ngi ka tsangshiq rai adam sikang liipan na, ümniiraq akuq haü ümmang jong ningkun maq, ngi raq tsangshiq ka khup wong kuqshat maq rüm wan kang. Ngi raq tsangshiq phong wa, ashi min tiiko mang maq, aheawiq maq tiichhan chhi wan kang. Ashi momiq wantaq riiwe kla, Asii lakdap na awaiq thü bomtsi kra tiikupi wan nguta sholam wailam phan na kihoto.

John 19:24

Kriikha maq, “Ara khea arka chaimaili jo; arka jurwa milap, kra miitu nashiq raq lang khoti liirong i,” nguta phenlanok liipan na bom ka riichongto. Ara chongtiikai thun mra pin hongtha wantaq arka, Asii Bomtsi na achongthü kra tiiku wan miitu hong wanto. Kiijaq akha waiq thüto: “Tsangshiq raq i khu i khea ka tsangshiq liipan na riiphea phaqto: Kiimaq i khea thum ka lap miitu tsangshiq raq lang liito.” Ara chongthütaq kra phan phan she dea phenlanok raq, Jesuq khea ka riiphea phaqto.

John 19:28

Jesuq raq apaiq jaqsham ka thumthum kun kang she nguta asap. Krai mren, Asii bomtsi na awaiq thü bomtsi kra shiiku wan miitu, apaiq raq, “Ngi kham nyangtsi,” nguta kham jaüto.

Acts 2:23

Arka Shiikeawe apaiq raq kongkhu miiphü tiihong wanje she dongdii. Apaiq raq tiihong wantaq kra phanphan, Jesuq ka namshiq jaqkhon mong na tiishaü kuqto. Kiimaq, namshiq riishe, apaiq ka ngarai maiqsetiim ma kiinong kuq lantiishe, pumsongkham na tiitü baiq lanta tiitsat baiq lan.

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

Acts 4:28

Tsangshiq raq ümtinkhan wa kiimung wantaq kriika, ümningkun ajong maq nai ümniiraq athithi na tiihong tha miitu, ümniiraq tri raü ka, kongkhu ji miiphü dongdii shat je she athü wan kra, tiikupi wan miitu tsangshiq ka hongla wanto.

1 Corinthians 15:3

Ngi raq Shiikeawe jaq wa akhek pinthum bomtsi lap wan kang kra, namshiq ma chongkuq kang she. Asii bomtsi na Jesuq Khristo ka nashiq ngarai ara tiisiike kai miitu tsaito nguta waiq thüto.