Matthew 26:24 - Muklom

²⁴ Asang likwit na chamal bat aa, Miqna Sa irimal wang tina; etharin bari miq eq Miqna Sa thalo na, piq rangma chamtan tsamnang angna! Piq chang moq angta jo aqhal ang wang ta!”

ASII LAKDAP Bible (BSI)

²⁴ Maiq Se riiwe kla Asii lakdap na apaiq ka jamkha tsai chang nguto waiq wantaq kra phan phan mitsai. Shatmaq Maiq Se shaphaq wanti we ma pinthum phiiptsi chang jonghea asi! Apaiq ka ara mangjong hiq arjaq rawii chhiki mak dongdii ngu raü jiiwe khoti ahea riichang!”

Hawa Naga Bible 2001

²⁴ Rumvrc luik nuex wuiyq shec tueq rulc rv-ngvlc Miq Saz vruex kuex vthueyc khvmc tvkoc vkay juing shex rvtueq, yuq muinz Miq Saz vruex lekuy gay jix waz kuex kvhiz juing httax yaq, kvruex waz kuex jawx shec muq doc ngoz ruiux yuq piq tvkoc vhvlx pinhtumc rvkhvmz tueq!” ngoz tueq.

Matthew 26:24 Referencias Cruzadas

Matthew 18:7

Miqtang ma ngarey tasom tang tungkang o, iri mingkang ma rapney shi aa! Irimal hun ang chey na, etharin imal ang chey ma kottey miqtang ma rapney tsamnang.”

Matthew 26:31

Jesu aa ning ma batta, “Nim thaji thaney rangpal o nga raa shingchak eq jol chuwang nin, chammatakoi Asang likwit na thawit ang aa, ‘Nga kelwut rimtey sha tikwat náng, etho kelwut tang sha rong pan jol chuwang na.’”

Matthew 26:54

Etharin Asang likwit na eshimal ang ching ta taka ajo, eshimal hun cham tahom aa.”

Matthew 26:56

Etharin eshi tang sha rangsamal tang raaq asing angma angta.” Ethi jio ujiphantey tang thaji piq tha shingchak eq jol chuwang ta.

Mark 14:21

Asang likwit na chamal bat aa, Miqna Sa irimal wang tina; etharin bari miq eq Miqna Sa thalot na, piq rangma chamtan tsamnang angna! Piq chang moq angta jo aqhal ang wang ta!”

Mark 9:12

Piq aa ning thima batta, “Ira asing, thaji wey karok raa rangma Elijah jakho thupha na. Etharin Asang likwit na chamma irimal bat aa, ‘Miqna Sa rapney tsamnang kapna etho thaji eq piq sha shingchak na?’

Luke 22:22

Miqna Sa raa Shkewa chamal tathin ta thimal hun tina, etharin usangteywa shima chamtan tsamnang angna!”

Luke 24:46

Etho ning ma batta, “Irimal taka ang aa, Khristo ma tsamnang ukap hun eq ching etho saltom o utik wang wey jey ang ching,

John 17:12

Baluk náng thula nga ning jamna ang táng tho nga ba miing wang bara nang aa nga ma kota phu, ning tha hom táng, etho nga ning tha thalun shing táng etho ning wang utang tho mamoq angta, ashey dang hun tashit chak ta, bara ushit hun ang ching angta. Irimal ang eq Asang likwit na chamta batta tha tahom ang na.

John 19:24

Ethirangma ning jaktung thina wanta, “Hiqtang aa ira chíng mi, etharin utang ma ang ching shi iro lik kana sak i.” Ira Asang likwit na taka ta sha tahom rangma angta, “Ning aa ikhat tha ning jaktung na phal ta, etho rangkho samkhong thina lik tha ka eq sakta.” Ethirangma ralkoltey tang aa iri jaksom tang raa somta.

John 19:28

Ethi jio, Jesu aa thaji tha tahom angta ta samta etho Asang likwit na chamta batta sha tahom angma batta, “Nga junglal ti ang.”

Acts 2:23

Iri Jesu raa, nim jaknáng kot chak sha Shkewa jakho wang tathin ta, etho irimal hun angta. Etho piq sha nim aa gentile miqtang ma kot eq bólq o tatik chak tin.

Acts 28:23

Eshirangma ning aa Paul jamoq tachong ma saal shey shingta etho eshi saal tho daqhan miqtang Paul tong aa haq thina thuta. Rangnap wang rangja náng piq aa ning ma Shkewa mungtan raaq batta, piq aa ning ma Jesu raaq tha rangsamal likwit etho Moses thong wang raaq tha batta.

Acts 4:28

Ba tarong nia tinthin wang nang aa chamli somlo ma tathin tu, ning aa ira somlo ma thajoq ta.

1 Corinthians 15:3

Eshirangma nga chamlang kap táng raaq sha nim ma kot taphang, ira thaji phey náng eq ajong raaq: Asang likwit na thawit thimal Khristo sha hiqtang ngarey rangma tita,