Matthew 26:11 - ASII LAKDAP Bible (BSI)

¹¹ Miitsan maiqse ka namshiq rai siruq misi. Shatmaq namshiq raq ngi shiili lii miitu akhing hum ruq ka hum man mirhan.

Hawa Naga Bible 2001

¹¹ Htemc saz jix htenc kuex nuimshiq rulc mkaq muinz vdvmz nuex httax yaq, yuq muinz ngaz kuex nuimshiq rulc roc nuex mkaq muinz httax naungx phaungx rvmuq.

Muklom

¹¹ Tangshit miqtang sha nim jamna salwet tong na, etharin nga nim jamoq salwet tong mong ang náng.

Matthew 26:11 Referencias Cruzadas

Matthew 18:20

Ara jamkhano chongtiikang ngukla, ümbano i mang na maiq ka wenai lo wetsam lo nga tlaq, kiijaq tsangshiq rai ngi min lom damshat mirha.”

Matthew 26:10

Kiijiishe, Jesuq raq tsangshiq botnyan kra tai raüta treto, “Namtsam raq arnyung jaqsham arka jaram wa tiibanbi tlan? Apaiq raq ngi ma pinthum athuk atsom jaqsham ashi shamkuq wantlo kra chhi man sha.

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Mark 14:7

Miitsan maiqse ka namshiq rai siruq misi. Kiimaq namshiq raq ümtiikiiwa khrum kewan ro tlan, kiitiikaq mikhrum kuq han. Shatmaq, ngi ka namshiq rai adam na siwan ruq ka simang she.

John 12:8

Shatmaq, miitsan miijan maiqsetiim ka namshiq rai rilung pattup siruq li. Shatmaq, ngi ka namshiq rai adam na siruq ka simang she.”

John 13:33

I setiim lei, ngi ka namshiq rai alu ka simang she. Namshiq raq ngi mirit han. Ngi raq Jehudinok welabi ma jamkho chongkuq kang kiikha, ümchaü namshiq miimin ara bomtsi ara chongkuq tiipha ara, ‘Ngi ümbano wawan tiikang, kiijiika namshiq ka wawan lot man mirhan.’

John 14:19

Jaqlo liipan niili, mangjong maiqse raq ngi ka chhi mak she miraq. Shatmaq, namshiq raq i sham ka michhi han. Kiimaq ngi ümkho atra sitiikang, kiikhiisii namshiq min atra misi han.

John 16:28

Ngi ka i We pha wa akiha. Kiimaq, ara mangjong hiq na kikang. Kiimaq, ümchaü ka, ngi raq ara mangjong hiq ara baiqthü lata, i We phana wawan nong she.”

John 16:5

Shatmaq, ümchaü sanha ngi ka, ngi tiikaiti we phana wawan nong akhing she saü wato. Shatmaq, namshiq phong wa weshi ra raq dongdii min, ngi ma ümbana wawan wa nguta bom ka waiman shaqli.

John 17:11

Riita, ümchaü ka ngi ümphana wawan she. Ngi ka mangjong hiq na simang she. Shatmaq, tsangshiq ka mangjong hiq niili. Asii i We lei! Tsangshiq ka ümmang jong ningkun, ngi ma kuqlaü kriimaq khup wong kuqshat riilaq. Krai mren, nanai jamkho kiqshi maq sitiikai, kiikhiisii tsangshiq min kiqshi tsiimshi maq mishong nga laq.

Acts 3:21

Shiikeawe raq awokhong na siti asii shammibi nübok maq, man na rathup rapha richü pat na, riisham bom tiichongtaq kra phanphan, Jesuq ka ramungtan na siruqli she misi wan. Apaiq ka Shiikeawe raq, ara phanrap ra nai hiq sitlaq ara, tingsang anye ma tiija wan rahiq akhing saü tlaq kiijaq saüli, ramungtan niili she mitiisi.

Galatians 2:10

Kiitiikaq, tsangshiq raq nainai ma bomtsi akhek ashi tiitai wantaq kriika, naishiq riimin tsangshiq phong na, Phungmaiqse miitsan miijanti sitlaq kriili, nainai riimin phanshira liiko wan dam raü jaq ahea, nguta akhrum jaü bom tiitaito. Kra miitu ka, ngi riimin khrum kuq damha jaq nguta, i tsan niika asi dongdii.

TRI CHONGKE 15:11

Israilnok phong wa miitsan maiqse ka siruq miraq. Kiimaq athüm alitti ka siruq miraq. Kra ningkhan Ngi raq ümniima tsangshiq ka jaqchii jichii maq khrum kuqlaq nguta aming kuq tiikang.

1 John 3:17

Riita chiithe maiqse weshi raq, aphu ano ka acham achao rai michhi. Shatmaq mangchan mak, achhi ikha chhi mak ikhli liiraü jiika, apaiq raq Shiikeawe lungwii tlo nguta ngo chang ka asi sha?