Matthew 26:10 - ASII LAKDAP Bible (BSI)

¹⁰ Kiijiishe, Jesuq raq tsangshiq botnyan kra tai raüta treto, “Namtsam raq arnyung jaqsham arka jaram wa tiibanbi tlan? Apaiq raq ngi ma pinthum athuk atsom jaqsham ashi shamkuq wantlo kra chhi man sha.

Hawa Naga Bible 2001

¹⁰ Yesu rueq kvruex tay vtueq, “Yvmx ngoz tueq lac vruex yalxjuik nyuiuz vmac tvruing raung kuq vshuinx? Piq rueq ngaz muex vhvlx nuiyc tvsvp rvp shuimx kuq yaq.

Muklom

¹⁰ Jesu aa ira sam eq ning ma batta, “Iri miqnu ri ma chamlang ma rong raaq inn? Piq aa i jamoq jaqhal somta.

Matthew 26:10 Referencias Cruzadas

NEHEMIA 2:18

Latiishe ngi raq mungmaiqse welabi ma, Shiikeawe ka ngi rai asi, kiimaq ngi ka Jerusalem na kaiho miitu khrum kuqto. Kiimaq ajong hokhamwe raq, ara jaqsham miitu, ngi ma hon atsii ka jamkho chongkuqtaq, kriithun tsütsa kriishe tsangshiq ma tiitai chongkuq kang. Kiijiishe tsangshiq raq, “Lo, ikhla Jerusalem chela tro wa long peruk thun kra tiihea hai nong rong pha!” ngutiishe ibom taoto. Krai mren, nokmaiqse ka chaprang she chapto. Raüta, kra Jerusalem tro ruk thun kriishe tiihea hai miitu phanrap she tiijeme wan kai.

YOBA 13:7

Namshiq ka jawa rot raitlan? Namshiq raq rotkiq tlan kriika Shiikeawe ma amet asi ngutiisha tiima tlan?

Matthew 26:11

Miitsan maiqse ka namshiq rai siruq misi. Shatmaq namshiq raq ngi shiili lii miitu akhing hum ruq ka hum man mirhan.

Matthew 26:9

Arka kampho pahea pha sha raüta miitsan maiqse khrum kewan chang shatmaq!”

Mark 14:6

Kiijiishe, Jesuq raq tsangshiq bom ka akha treto, “Namshiq raq apaiq ka jaram wa tiibanbi tlan! Apaiq raq ngi miitu pinthum maiq- lung ngamwii kiimaq athuk atsom pinthum jaqsham ashi shamkuqto.

Luke 8:49

Jesuq raq ara bom chongke rea liipan na, maiqla we jam wa tsütsa tiitai kai maiq weshi aki kriishe saükito. Raüta, “Ümse ka ahü she. Shrinketiwe kiimin jaram she wa mipaq laq haü,” nguta apaiq raq, Jairas ma tsütsa ka chongto.

2 Corinthians 9:8

Kiimaq Shiikeawe riika namshiq ma ümtinkhan wa raa tlaq, kra thaq na achan, asho awo mikuq. Krai mren, namshiq ma Shiikeawe raq, namshiq rii ümtinkhan wa rong raa tlaq, kra wranaiqtek mikuq. Kiimaq kra thaq niimin, apa chat raüta, ümchuwa shamhea kaihea na shiitai miitu, achan ana mitiishowo kuq.

Galatians 1:7

Riikhaqli maq kon raü jiika, “ahin tsütsa ahea,” nguta chongkuq tlaq kriika jam min ahü, siirai, arot. Shatmaq, ngi raq akha ngutiikang arka, nanok maiq wiijamti raq, namshiq kamasham ka tiithen baiq wantlo. Kiimaq tsangshiq raq, Khristo tsütsa ahea kra, arot akiq bomtsi maq, laibaiq haijaq nguta shiichaq tlo. Kra ningkhan chong tiikang.

Galatians 5:12

Ngi raq tiima kla, namshiq tiimiiru rangtibi ka, tsangshiq raq maiqmii khum ka arthaq na chan raüta min, jasai maq han baiq raüta, ashoq wetiim ma jawan tlii raütli she misi laq nguta tiima tiikang!

Galatians 6:17

Bom shat wan na: jurmin ngi ka shakshaq raa mak she. Jamkhano ngukla i khum na amiphan thun kriiraq, ngi ka Jesuq dise dea nguta hakhi kuqtlo.

Ephesians 2:10

Shiikeawe raq, nashiq ara ümchaü sanha, awongsii maiqsetiim miishe tiija wanto. Ara nashiq rilung arka, ümchaü sanha, Khristo Jesuq rai pumshi maq silaita, Shiikeawe raq nashiq raq sham miitu, jaqsham ahea awa phan ümchuwa tiihong tha thü wantaq, kra thun ka sham laita, sichang li she.

Colossians 1:10

Kra laphan jiitiq, namshiq Tatiwe raq namshiq ka jamkhii tiisinga wan wa lungwii tlaq, kiikha misi wan lot han. Kiimaq namshiq raq, ranaiqtek apaiq raq lungwii tlaq jaqsham kaiwa kra misham lot han. Krai mren, namshiq rilung na shamhea kaiwa ümchuwa sitlaq kra tsingo pahea she misi. Kiimaq namshiq ka Shiikeawe tiima tsantsii ka atsaü maq sap lanta mijong luwan han.

2 Thessalonians 2:17

Raüta, namshiq ka wranaiqshe athuk atsom jaqsham miitu, kiimaq athuk atsom bomtsi kra chongkuq lantli siwan miitu, ningkun mikuq laq nguta, ngi raq achu jaükuq tiikang.

1 Timothy 3:1

Maiq weshi ra raq, phungtuti shun shea wan shra jaqsham hajaq nguta lungwii tlaq jiika, apaiq raq athuk atsom phan jaqsham tiima tlo ngushat. Arka reng bomtsi ashi.

1 Timothy 5:10

Kiimaq manti-nyungre mang raüpot na wea wan damli chang ka, nokwe man na shamhea kaiwa jaqshamti riichang. Asetiim ka ahea wiq maq dunghiq raüta tiijongluti riichang. Ajamkun ka wandü jam ashi riichang. Phungmaiqse miitu jaqsham ahea shamke wanti riichang. Kiimaq chamchao litkot maiqse khrumketi riichang. Raüta maiqmii rilung ka nokwe ma ahea jaqsham keti riichang.

2 Timothy 2:21

Riita, juwa ara chongtiikai arot shrabi abi ashe lamphan arwa maiqmii khum ka asii, siirairai thütlaq, kriiti ka Shiikeawe ma pinthum rahea miraq. Apaiq ka siqlaitap na khütsaü abat thü ikha akkhek atiitsang akhing niili milang. Apaiq ka Tatiwe raq lang wan miitu, pong na arai wan wishe. Apaiq ka Tatiwe ma phanrap jaqsham ahea sitlaq kiijaq lang wan miitu tiijeje maq thü tlo.

Titus 1:16

Tsangshiq raq Shiikeawe ka saptiikai nguta tiitsaki rai tlo. Shatmaq, tsangshiq rilung na jaqsham tlaq kra riika, tsangshiq ka arot wetiim dea ngutli she, saqseng hakhi khoti kuq tlo. Tsangshiq ka Shiikeawe maklii na maiqphai asi, ashe sitlo. Tsangshiq ka Shiikeawe kiq khiiti. Tsangshiq ka jaqsham ahea shamti ka riimak she.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Titus 3:1

Ümwokhong na siti senaino Phungmaiqsetiim ma ara tsii chongkuq lili riilaq. Tsangshiq ka munglangti, mungtu shiilangbi nai welabi jaqkhong na si raa tlo. Raüta tsangshiq aming lang raüta misi laq. Kiimaq munglangtibi raq mungjong miitu, jamlai phan wa ahea kiimung tlaq, kra jaqsham miitu tiijeshat maq misi laq.

Titus 3:14

Nashiqnok Phungmaiqsetiim riika, jamlai phan minshiiq raü wa ahea miraq, kra phan ka sham chang. Akha minshiiq shiichaq wan raütiq, akhek amu khrumke chang raa tlaqti ma, khrum kongphiq jaqmiiq ka mikuq ne wan lot. Tsangshiq rilung ka lam ahü na, shaphaq raa mak.

Titus 3:8

Ara chong tiikai bomtsi arka tengteng bomtsi. Ngi raq ara lak na waiq kang bomtsi thun ara, atsidada maq chongkuq laq. Akha jaqkhon tiipha shat maq chongkuq wan raütiq, Phungmaiqsetiim raq tsangshiq tsan atsi maq shamhea kaiwa jaqsham ka misham. Arka wiitarü miitu, athuk atsom jaqsham kiimaq wiitarü ma amet dong chang asi.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.