Matthew 25:1 - ASII LAKDAP Bible (BSI)

¹ “Kra akhing na Ramungtan ngutlaq ka akha miraq. Kriika ara shiiton manphan chong tiikai akha miraq: Akhing ashi na junrii nyungroqshi ka maiqmii lemtem doraq maq rohunti we kra humkai nguta kito.

Hawa Naga Bible 2001

¹ “Kvruex kaq raungx Mungtan kuex miqmac wvrkok shuimx vtueq waz nyalx waz humc kay jix yalxtux nyuiuz rokshiz rulc rv-ngvlc yaq.

Muklom

¹ “Eshi rangham tho, Rangmungtan sha irimal angna. Asi miqnu nalpang som eq thariktey wa jam tho tachong ma thalat ta.

Matthew 25:1 Referencias Cruzadas

Tvtsvmc 45:14

Arohun miirii ka phanrap phanrii rong maq ataq samraü hokhamwe phana shea wantlo, apaiq jai na jaihupti kongshi wadamtlo, kiimaq tsangshiq kiimin apaiq phana sheawan damto.

ASHICHONG 1:3

Ümmang chongsum ngiqkai ngu ikha, Ataisea ma ni na washasha hea. Jeture raq tai ma sumhea.

ASHICHONG 5:16

Apaiq nübok ka lungwii nüshup sea sumhea. Apaiq miitu tiima kang la, itsan mong na peohea. O, Jerusalem nyungre lei, Itawe tsaki ka ngi ma rahea kata, O Jerusalem nyungre lei, Kra ningkhan tsaki tiikang ahata.

ASHICHONG 5:8

O Jerusalem nyungre lei, namshiq raq itawe ka chhilan jiila, ngi ka apaiq ro raq atsai nguta, apaiq ma chong rongliijo.

ISAIA 54:5

Üm Phansangtiwe ka ümwese ikhiishe miraq- Tati Ajong Pinthum kata apaiq mang. Asii Israilnok Shiikeawe raq ümniika michhiikuq- apaiq kata mangjong tlotli riimtiwe.

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

Matthew 13:24

Jesuq raq tsangshiq ma shiiton manphan bomtsi ashi maq hali phankuq nongto: “Ramungtan ngutlaq ka akha. Bom shiiton maiq weshi raq awak na bunwong lai laihea wiq ka wankito ngu i.

Matthew 13:31

Kiimahali Jesuq raq tsangshiq ma shiiton ashi maq hali chongkuq nongto: “Ramungtan ngutlaq arka akha. Bom shiiton maiq weshi raq jücha raise raishi ka tsun raüta wak na wankito ngu i.

Matthew 13:38

Wak ngutlaq kriika mangjong hiq ara nangnga ngutlo. Tsam lai ahea kriika Shiikeawe sengi maiqse sitlaq kra. Sang ngutlaq kriika Thawe rii maiqse mangjong hiq na sitlaq kra chongtlo.

Matthew 13:47

“Kiimahali Ramungtan ngutlaq ka akha: Ngiq khupti raq tsangshiq chiiq jong kaü kriimaq thamchum kaü mong na khup raüta, phanrap phanrii ngiq ka chiiq mong na tiinyap wanto.

Matthew 20:1

“Ramungtan ngukla, bom ka akha. Mangjong maiqse kunli Shiikeawe sengi ma jawan ngutlaq ka akha. Maiq weshi ka apaiq spiqtsiro na jaq tiisham ma maiq ningchangti ritkai ranap chu maq kihoto.

Matthew 22:2

“Shiikeawe mungtan ngutlaq ka akha. Akhing ashi na hokham we raq ase ma maiqlamke kherüsea poi tiihongto.

Matthew 25:7

Kra tairaüta, junrii nyungroqshi ka akon wa tiidorang riito. Raüta maiqmii lemtem ka tiiheato. Raüta wanii ka atiijong riito.

Matthew 3:2

“Namshiq tsantsii ka klai wan tlo ronglaq. Jamkhano ngukla Ramungtan ka aje niishe!”

Matthew 5:16

Akhiisii hali, namshiq walü li kiimin, mangjong maiqse man na liliim ra tlo. Akha liliim wan han jiitiq, namshiq raq jaqsham ahea shamtlan thun kra tsangshiq raq michhi. Kiimaq tsangshiq raq nam We ramungtan na sitiwe kra mitiitsam kam.”

Matthew 9:15

Kiijiishe Jesuq raq treto, “Kherüsea poi lomdamti wanwe ka songtsi ramtsi miili siwan chang ngutiisha tiima tlan? Riimak! Tsangshiq ka junlamti we rai polokhiq maq phaqsea wan chang. Shatmaq ranaiq shi akhing she tsangshiq phong wa junlamti we ka ahin niishe mishea wan. Kra akhing niishe ka tsangshiq min amang maq achu jaü chang she miraq.”

John 18:3

Krai mren, Judas ka Roman phenlanok kongshi, kiimaq ramwe jongbi nai Phorisinok raq atiiwa Shomjam kheti petanok kriiri kongshi shea wan raütiishe kra, Olip pero kiina wawanto. Tsangshiq ka rewa awarai. Kriikha maq, tsangshiq ka wiija wiipiq, kiimaq waniitei thun piraq chhaq kiimaq lemtem thun ka doraq chhaq maq kiijaq saü wanto.

John 3:29

Junwati nyung kriika, junlamti we rii. Shatmaq, kherü lam sheati kiimwe sitlaq kriika, rohunti we kra chochi kra chhi raütli, apaiq kiimin kai chochi dam tlo. Ikiikhiisii hali, ngi armin la, kai chochi dam tiikang.

Acts 20:8

Naishiq ngatiikai rathong khok niika lem ka apawiq tlü shat asi riito.

1 Corinthians 11:2

Namshiq raq ngi ka laq thaq man phan maq, tsan na tiitsang shat maq sitlan, kiimaq ngi raq namshiq ma shrinkuq kang traho bomchong kra tsapkapkap maq lang tlan kra miitu, ngi raq namshiq ka kai tiitsam kamsiq tiikang.

2 Corinthians 11:2

Shiikeawe raq namshiq ka jamkho lungwii tlaq, kiikha ngi riimin namshiq ka lungwii tiikang. Namshiq ka ngi raq Jesuq Khristo ma tiiwa ma nguta, junrii wahüse ikha, weshi Jesuq Khristo rii li she nguta shiikap kang. Namshiq ka norii ahinti rai riibom kai ka maimak she. Junwa ranaiq na saüli, asii maq sirong laq.

2 Timothy 4:8

Riita, ngi raq aju riilong ka ong kang she. Shiikeawe raq ngi miitu poksi kechang ümchaü tiijeshat she thütlo. Ara poksi arka kechu rilung siwanti maiqse tarü ma kuqtlo. Tingting maq khaphoketi we Tati Jesuq Khristo raq, ngi miimin Phangthum Khapho Ranaiq mikuq nguta mongngam maq sitiikang. Apaiq raq kra Phangthum Khapho Ranaiq na, apaiq saükai khetibi tarü ma poksi mikuq.

Titus 2:13

Nashiq raq tsankhun maq, ranaiqshishi ka, nashiq ma Ajong Shiikeawe khushü jonghea luhea achhai anyii liliim sitlaq kra, michhi rong i nguta, khewan tiikai. Kriika nashiq Chhiitiwe Jesuq Khristo saüki tlaq, achu shiiman jonghea Ranaiq na michhi rong i nguta kamto maq khe laita sitiikai.

Revelation 14:4

Tsangshiq ka jechakre rai kiicham mak maq, siirairai maq siti. Tsangshiq ka junsangse kong. Tsangshiq ka Skuse jai phanphan shongati. Tsangshiq ka mangjong maiqse phong wa adaa wan. Raüta, Shiikeawe nai Skuse ma tsamwi poi wong ikha, honglu na akuq.

Revelation 19:7

Nashiq tarü raq kai khoqriiq shishiiq maq chochi rong i! Apaiq jonglu kli tiitsam rong i! Jamkhano ngukla, Skuse maiqlam Poi akhing ka saü wato she. Junrii nyung ka khungron poi miitu tiijeje she.

Revelation 21:2

Kiimaq ngi raq Asii Chela Jerusalem anye ka junriise, awese phana ajun wakai ma tiimiikhiiq raüta kitlaq ikha, tiimii raüta Shiikeawe pha wa ramungtan maq asat kai chhikang.

Revelation 21:9

Rasetiim miishi atiithum thawa miishi rümti phong wa ashi ka i phana kito. Raüta ngi heato, “Wara, ngi raq ümniima Skuse raq lamchang junrii Nyung ka tiichhi kuq pha.”

Revelation 4:5

Kra hokham ngacho maq rachhai ralüp wa trang, ramok wa trang la chhai liip tlo. Hokham ngacho khaki na, wanii tu ka tu miishi tiiniishat maq chaqto. Kriika Shiikeawe wenyi miishi sitlaq kra.

Revelation 8:10

Kiijiishe, rase atsam ngojati riishe, alerong ka tsüto. Kra tsü kiita raiqsaiqpo kaü jonghea ashi ka wanii tu ikha, ali aliim wala rawang win wa, mangjong hiq na tiidea baiqto. Kra raiqsaiqpo tiidea baiq wantaq kriiraq, mangjong hiq wa jürai ümchuwa sitlaq kiimaq jüserai thun sitlaq kra wa mantsam wa manshi rii ka wiita nyamto.