Matthew 24:51 - ASII LAKDAP Bible (BSI)

⁵¹ Krai mren, atijong we raq apaiq ka bunlak buncha michum baiq. Raüta mongnam nok rai khoshi na mitübaiq. Kiijaq apaiq ka aho anyi wa la kiimaq arong awi tiichitwa trang liishe mongnam nok rai mihoq phaq dam.”

Hawa Naga Bible 2001

⁵¹ piq jiyungx waz rueq piq kuex huyhut thvt ruiux, kvyonc yuk thuinz httaz jix waz murx kuex piq muex muinz phvlx kuq tvrvhumc shuex. Kvruex yuq piq kuex vkhoarc vsez maq vwac tvtsuir vtueq httax tuex.

Muklom

⁵¹ Esho piq aa ethi sanga wa tha aming mingsa pin duk na etho takhi eq somtey tang haq piq ma kona. Eshina qhap ngey eq paa tachik kakna.”

Matthew 24:51 Referencias Cruzadas

YOBA 20:29

Ashut maiqse thun kharii ka arli she, ahata Shiikeawe raq akuq tsangshiq kharii.

ISAIA 33:14

Ngaraibuli sitlaq Jajon chelati ka haisitsi ma atiikhairokrok she sitlo. Tsangshiq raq ngutlo, “Shiikeawe raq khapho ka pattup pat-sa walü nyai raitlaq raüta khiimtlaq ikha. Nashiq phong wa maiq weshi ra ka ara wamong wa milun lot rong i shea?”

JEREMIA 13:25

Apaiq raq chongto she. Arka namshiq kharii dongdii she. Apaiq raq namshiq ka akha tiichamchao wan chang dongdii nguta kha atan wan kun she. Jamkhano ngukla namshiq raq apaiq ka laqbaiq lan. Lantea arot phra thun kiimiishe namshiq kamtsantsii ka thü wan lan.

Matthew 22:13

Kiijiishe hokham we raq, ‘Arwe ara ahok ajaq ka wiita raü maq kha lanta kinphai na ranyaq nyang mong na hitthü baiqki rong- kiq. Kiijaq apaiq ka aho asii, arong awi kra tiichit wa liishetiq mihoq phaq wan laq!’” nguta ajaqshamtibi ka thaüto.

Matthew 24:50

Akha ümtum ümmai haisea bala liipan na atijong we ka tiidong chhaq miili she misaüki.

Matthew 25:30

Kiimaq ara thiihü jaqshise arka, ümchaü sanha i na kinphai ranyaq nyang mong kiiniishe hitbaiqki rongkiq. Kiijaq apaiq ka arong awi tiichitwa trang liishe mihoq phaq wan laq.’

Matthew 8:12

Shatmaq maiq pahea Ramungtan na ngawa chang wiika, ranyaq nyang mong na mitiidea baiq wan. Kiijaq tsangshiq ka aho asii, arong awi tiichit wa trang liishe micham chao wan.”

Luke 12:46

Raüta, apaiq ka akha shonbii rai tlaq bala niili, atijong we ka apaiq raq alo saüho mak miraq nguta atiima bala, apaiq raq sapmak shon niili misaüki. Raüta, atijongwe raq apaiq ka bunlak buncha chum raüta, apaiq ka thatsang maiqse rai khoshi na mitiidea baiq.”

Luke 13:28

Kiijaq, namshiq ka namrong namwi kra tiichit watrang liishe mihoq phaq han. Namshiq raq kiijaq, Abraham, Isak kiimaq Jakob kiimaq shammibi thun tarü, Shiikeawe mungtan na michhi han. Kiimaq namshiq maiqmii riiwe kriika, kinphai na mishang baiq.