Matthew 24:37 - ASII LAKDAP Bible (BSI)

³⁷ Maiq Se saükai ranaiq akhing ka Nowaq pat na rathup jüjang wan raq mangjong maiqse ka jamkho tiithen baiq wantaq kiikha miraq.

Hawa Naga Bible 2001

³⁷ Miq Saz httuiuc kaz yaq kuex Noa pat nuex yaungx wvnc tueq rulc rv-ngvlc yaungx tuex.

Muklom

³⁷ “Noah tok o chamal angta ethimal hun Miqna Sa kat rangham sho tho angna.

Matthew 24:37 Referencias Cruzadas

RAPHA HIQWA LAK 6:8

Shatmaq Tatiwe ka Nowaq rai tsan aheawiq sito.

Matthew 16:27

Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.

Matthew 24:27

Ara jamkhano chongkuq tiipha ngukla, Maiq Se saükai akhing kriika ra rachhai ralüp wan tlaq akhing na shedong maq riita shenyap chong na saüli maklii liipan niili chhai rai tlaq ikha tiihanghiiq miili misaüki.”

Matthew 24:3

Jesuq ka Olip Pero Hiqlam na anga riito. Kiijaq ajaqshisetiim ka apaiq phana waraüta tsangshiq hon honse bala na, “Naishiq ma chongkuq liita, ara chongtlaü Shomjam tiithen baiq akhing arka ümtincho wa misaü wan? Kiimaq ümnaq saükai akhing she saüto nguta kiimaq phangthum wan akhing ka saüto she dea nguta akhing sap chang miitu ka jamlai phan she wa mitiiji shi wan!” nguta bom ka apaiq ma waito.

Matthew 24:30

Kiijiishetiq Maiq Se saükai akhing ka saüto she dea nguta rawang win na phanrap ka mitiiji shi. Kiimaq kra tiiji shi tlaq kriishe mangjong maiqse wiita raq michhi. Kiimaq mangjong maiqse kunli raq rawang win na Maiq Se ka phumda mong na Shiikeawe ningkun ajong kra ho raüta kiimaq achhai anyii khushü liliim kra horaüta apaiq saüho kra michhi. Kra chhi raüta, mangjong maiqse kra maaho manyi she mihoqsii trang.

Matthew 24:39

Kiimaq tsangshiq riika jamtho jampha min hemak shonli, rathup jüjang wan raüta, mangjong maiqse kunli kham raq lam wan raüta laimiq tiithum baiq wanto. Ikiikhiisii hali Maiq Se saükai akhing ranaiq niimin misaü.

Hebrews 11:7

Nowaq raq Shiikeawe ma kamtsantsii thü kha maq, Shiikeawe raq apaiq ma mak maq michhi shaqli, jai na saüho chang rathup jüjang tsütsa chongkuq taq kra taito. Raüta, apaiq raq Shiikeawe aming maq, laikaü ashi tato. Kra laikaü na ngawa raüta, apaiq nai achak ase tiim ka rathup jüjang mong wa tiichhiito. Krai mren, apaiq rilung na jaqsham wantaq kra lümaq, phiijawa ka shutto dea nguta, shra baiqto. Kiimaq Shiikeawe raq Nowaq dea kechu maiqse nguta pong na, rairiito. Arka apaiq kamtsantsii thütaq kha maq, Shiikeawe raq raikuqto.

2 Peter 2:5

Nashiq raq asap i, Shiikeawe raq man na, richü pat wa ngarai lamphanti mangjong maiqse kunli tiimiqchup thaübaiqto. Apaiq raq rathup jüjang tlüm raüta mangjong maiqse wiita laimiq tiithum baiqto. Shatmaq apaiq raq Nowaq nai ajamti maiq miishi kli tiichhii kuqto. Nowaq ka kechu rilung lamphan chongketi.

2 Peter 3:6

Kiimahali, kham maq rathup jüjang tiiwa raüta, man na tiiq chü mangjong hiq ka shiithen baiqto.