Matthew 24:36 - ASII LAKDAP Bible (BSI)

³⁶ “Shatmaq kra ranaiq saükai ka jurmin sapmak. Rasetiim riilo, Ase riilo min sapmak. Kriika Awe riili saptlo.

Hawa Naga Bible 2001

³⁶ “Yuq muinz kvkhoc yaungx wvnc tuex vraungx nuiyq nuiyc vkhing kuex uraq muinz tuiuz muq; raungkamx bix nuiyc Vsaz rueq doc muinz kvruex tuiuz muq; Vwaz rueq dvyx kvruex tuiuz yaq.

Muklom

³⁶ “Ethi saal nia ethi rangham sha utang eq tho sam moq, rangkamwa tang etho Usa atho sam moq, etharin Iwa Shkewa hun sam aa.”

Matthew 24:36 Referencias Cruzadas

JEKERIA 14:7

Kiimaq ranyaq kiimin ahüshe miraq. Rawa thung niimin, rawüli li ikhli she miraq. Ara akhing saü wan ka Tatiwe raq saptlaq kli.

Matthew 24:42

“Ara chongtiikang arkha maq, namshiq ka pinthum honkam shatmaq shongnga ronglaq. Ara jamkhano chongtiikang ngukla namshiq raq Tatiwe saükai ranaiq akhing ka sap man.

Matthew 24:44

Krai mren namshiq kiimin Maiq Se saükai kra khewan wranaiqshe tiijeshat maq sichang. Ara jamkhano chongtiikang ngukla Maiq Se ka namshiq raq misaüki sham nguta tiima ra wan man bala apaiq ka tiidong chhaq miili misaüki.”

Matthew 25:13

Raüta Jesuq raq abom chong ka akha shatto, “Arkha maq, namshiq ka honlam shatmaq sironglaq. Ara jamkhano chongtiikang ngukla Maiq Se ka ranaiq niisha rawa niiwa saüki tlaq riila, kriika namshiq raq sap man.

Mark 13:32

“Riita ara chong tiikang ranaiq akhing saükai arka jurmin sapmak miraq. Kra akhing ka rasetiim riimin sapmak. Kiimaq Maiq Se apaiq raq dongdii min sapmak. Kra akhing saükai ka Awe raq lamlam li saptlo.

Acts 1:7

Kiijiishe, Jesuq raq tsangshiq bom ka akha treto, “Israilnok ma munglang wan mungtu jaqsham kewan kriika, ümtincho na kewan chang wa, kra akhing rahiq jipi ka, i We apaiq riili saptlo. Kriika namshiq raq brorii kai chang ka riimak. Kriika, apaiq raq thapthi chang li.

1 Thessalonians 5:2

Ara jamkhano chongtiikang ngukla, namshiq maiqmii riimin la, Tatiwe saükai Ranaiq ka, rawa na ahuk saüwa tlaq ikha, tiidong chhaq miili misaüki nguta, samhea wiq asap han she.

2 Peter 3:10

Shatmaq Tatiwe Saükai Ranaiq ka ahuk dong wa tlaq ikhli, tiihanghiiq miili misaüki. Kra Ranaiq na ra thun nai ra na diim tlaq raiqsaiq jipi thun wiita hiq maq hutse, amok dungdung, apat arat wa trang liishe, wa raq tiibunlak, apun min ahü mikhiim baiq. Kiimaq ara mangjong hiq diim armin, hiq raikhü na ümchuwa diim tlaq kra wiita hutjok, tiisiirai wa maq michaq baiq.

Revelation 16:15

Tati raq nguto, “Tairong laq! Ngi ka ahuk dong kai ikha tiihang hiiq miili misaüki ha! Kechu jonghea, juwa akon riilaq mak maq, asam maq kheshat sitlaq. Kiimaq miirii ka tiije je maq sitlaq. Krai mren nokwe phong na apaiq ka raiqhü ma kha na nguta jea ngaü chang ahü miraq!”

Revelation 3:3

Arningkhan, man na namshiq Phung na shang wan pha ji na achongkuq, tengteng bomtsi raü kra, tsan na samhea tiitsang shat thü rong laq. Lanta, lang wan ruq maq sirong laq. Lang tlan krai mren, ngarai ka baiq rong liishe. Namshiq ka akon wa sam wan man li sihan jiila, ngi ka ahuk saüki tlaq ikha, namshiq phana tiihanghiiq miili misaükiha. Namshiq riika ngi saükai akhing min sap man mirhan.