Matthew 23:14 - ASII LAKDAP Bible (BSI)

¹⁴ Phorisinok nai Thungtri shrinketibi le, namshiq ma phiiptsi chang asi! Mongnam nok le! Namshiq raq thümwaq mantibi ka nanshan shan lao phaqsiq tlan. Lanta maiq ma tiichhi ma nguta shetangtang achu jaü tlan! Arkha na Shiikeawe raq namshiq ka achan ana mitsa sha wan. Raüta namshiq ka mitiicham-chao!”

Hawa Naga Bible 2001

¹⁴ [Kvyonc yuk jix Tvrac tvluingc waz hez nuiyc Pharise nuk lex, nuimshiq kvhiz juing httax yaq! Nuimshiq rueq mvntix nyuiuz tamx yuimx vwuik htenc nuiyc hup vsvmx htenc kuex nyvlc wvnc vtueq, miq muik lawc tvhvlc muex vjux loayc hvlc thoz vshuinx. Kvkhoc rvtueq nuimshiq kuex murx yunghvlc tvgurc rvhumc tuinx!]

Muklom

¹⁴ Thong tataltey tang ni Phorisi tang, nim ma rapney tsamnang. Nim takhi eq somtey tang! Nim aa notinu tang him sha jokchak inn, etho miq ma takhi rangma daklot romtam chu inn, ethirangma nim aa ahan tsamnang sha kap nin.”

Matthew 23:14 Referencias Cruzadas

YOBA 22:9

Ümniiraq manti nyungre ka khrum maüdea riilaü, kra lamlam li min riimak, ümniiraq jechisetiim hupsam kra tek wan laü kiimaq tsangshiq ka ji maq nishishi haihii laü ihata.

YOBA 31:16

Ngi raq miitsan maiqse khrum jaqsham ka naq nguta jangshi min tlea mang; ngi raq manti-nyungre ka ümtiikiimin tlitkot mang

DUNGWVNC 22:22

Manti nyung lo riimakla jechi se ka naq haihiikiq.

Matthew 11:24

Namshiq ka khekham maq siwan rong liijo. Phangthum Khapho Ranaiq na Shiikeawe raq namshiq nam ma Sodom chelati ma mangchan ka apa lin mitiichhi kuq!”

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

Matthew 23:33

Namshiq ka paüsang nyiqla setiim kiimaq paüsang nyiqla phan! Wamungtan na tiidea wan tlaq kra wiika jamkhii mitiichhii rong i nguto tiima tlan?

Mark 12:40

Tsangshiq riika manti-nyungre tsiiqchong nyamchong kra nyeaho kham ma, rakhütsiri maq shetangtang achu jaü kuqtlo. Shiikeawe raq tsangshiq ka achong lot mai she mitiichamchao wan.”

Luke 12:48

Shatmaq, atijong we raq jamlai jaqsham achong wa, kra sapmak kha maq, ajiq aphiq mosham mosham sham wanti we jaqshise kra riimin, mo ka miho. Shatmaq, apaiq raq mo ka achü linlin li miho. Riita, ju miiwa arang apa kuq taq, kriiti raq momin apa miho. Kiimaq ju miiwa arang ka atsap lin li kuqtaq, kriiti riika momin achhü linlin li miho.”

Luke 20:47

Tsangshiq riika, manti liihi nyungre ka süpsi wantlo. Kiimaq achu jaü ka, shetangtang tiichhi ha jaü raüta, tsangshiq jamkun ka wiita laolii phaqsiq wan tlo! Tsangshiq khuthaq na Shiikeawe raq kha ka jonghea mikuq. Kiimaq tsangshiq miika pinthum achonglot mai chamchao jonghea mikuq wan!”

2 Timothy 3:6

Ara chongtiikai arot shrabi phong wa wiijamti riika, jechakre wiijamti juwa maiqmii rilung na ngarai boqchum na riinyat raüta sitlaqti, raüta tsangshiq tsantsii ka, ngarai han-ngam peo lam na siti thun kra tiijom na raü raüta, tsangshiq wokhong na tiisitlo.

Titus 1:10

Ara jamkhano chongtiikang ngukla, Phungmaiqsetiim phong na maiq pahea asi, akhek ka Jehudinok wa Phung na shang wantiiti phong na sitlo. Tsangshiq raq ara chongtiikai tingting kamasham bomtsi tri raütu arka, ajiq lam na chongkuq tlo. Tsangshiq raq athohan poi ka lang raa tlo nguta shrinkuq tlo. Akha ajiq lam na shrinkuq raüta, Phungmaiqse kamtsantsii ka tiiphing phiim tlo.

James 3:1

Lungwii Phungmaiqse phunainotiim lei. Ngi raq namshiq ma tsii chongkero ka ara. Namshiq phong wa maiq pahea raq, ashrinketi shrabi ma jawan hai jiilei ngutiika, manhii rat man ngu raü jiika ahea miraq. Ara jamkhano chongtiikang ngukla, namshiq tarü raq asaphan. Shiikeawe raq nashiq ashrinketi shrabi kha ka, nanok Phungmaiqse ahinti kha thaq na, tri atsin linlin maq mipho.

2 Peter 2:14

Tsangshiq riika sethoq sepii jati jechakre rai hai nga dam kli rittlo. Tsangshiq tsan mong niika ngarai rilung peosea kli walü wa ikha nyai tlo. Tsangshiq raq kamasham na jehin nore ikhiiti wiita tsangshiq thiikho na tiithap wan tlo. Tsangshiq tsan atsii ka ngarai sükha tum raq aliim wan wishe. Tsangshiq ka Shiikeawe manson walü mong niishe sitlo!

2 Peter 2:3

Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.