Matthew 22:8 - ASII LAKDAP Bible (BSI)

⁸ Kra jai miishe, apaiq raq ajaqshisetiim ahinti she hali hea nong raüta, ‘Ngi raq kherüsea poi ka atiije kun she. Shatmaq wanwe ümchuwa tiihea kang kong kra thun raq, ara poi ara lom dam ka thek mak.

Hawa Naga Bible 2001

⁸ Kvruex yimaq piq nvrc waz hez kuex gvl vtueq, ‘Isaz muex miqlvmc moalx kuex vtvyoalc lot wuez shex, yuq muinz ngaz rueq vgvlc hez kuex kvrulc hungx htaungx muq.

Muklom

⁸ Ethi jio piq aa usanga tang ma batta, ‘Rungsat tha achol sey, etharin phaksat ma halti winwa tang raa thok rol ang moq.

Matthew 22:8 Referencias Cruzadas

Matthew 22:7

Kriikha miishe, hokham we ka pinthum walüwa ikhiishe khiqto. Kiimaq apaiq raq phenlanok tiiki raüta, matwe jawanti kong kra tiitsat baiqto. Raüta tsangshiq chela thun kra wa miishe tiichaq baiqto.

Matthew 22:9

Riita ümchaü min namshiq ka chela mong na munglam jong riihum chang lamhum ba ba thun kiina kironglaq. Lanta kherüsea poi ara lomwa dam miitu maiq ahumhum ka ana heaki rongkiq,’ nguta tsangshiq ka thaüto.

Matthew 9:15

Kiijiishe Jesuq raq treto, “Kherüsea poi lomdamti wanwe ka songtsi ramtsi miili siwan chang ngutiisha tiima tlan? Riimak! Tsangshiq ka junlamti we rai polokhiq maq phaqsea wan chang. Shatmaq ranaiq shi akhing she tsangshiq phong wa junlamti we ka ahin niishe mishea wan. Kra akhing niishe ka tsangshiq min amang maq achu jaü chang she miraq.”

Luke 20:35

Shatmaq, Shiikeawe raq khaphoke jai she, ümriiti wa ama wa dong wan thek tlo nguta phokuq tlaq, kriiti miika, saüho tlaq pat na arlam arwa ngutiika ahü she.

Luke 21:36

Ara chong tiikai mra pin akhing saü wan tlaq kra thun ka wiita kunkun tang wan miitu, lanta namshiq ka tiichhii wan miitu, achu jaü shatmaq kiimaq, honkamshat maq si ronglaq. Lanta, namshiq ka Maiq Se man na chap wan li chang miitu, pharang rang maq si ronglaq.”

Acts 13:46

Shatmaq, Paul nai Barnabas riika, kra thaq na achat raütiishe, chaqchaq miishe hali akha ngutiishe tra hokuqto: “Shiikeawe bomtsi ka namshiq ma kongkhu chongke chang akhek. Kriikha maq namshiq ma kongkhu chongkuq tiikai. Shatmaq, ümchaü namshiq raq, Shiikeawe bomtsi ka shipoq baiq tlan. Krai mren, namshiq ka pattup pat-sa tsitsü rilung lap wan chang wa, sinchiitsap jamkho tsuq baiq tlaq ikhli she, maiqmii nai maiqmii li she tiitsuq baiq wan tlan. Riita, ija ahea na. Ikhiijiika, ümchaü sanha, namshiq ka baiqthü laitiishe, naishiq raq Shiikeawe bomtsi ka Pongnok phan maiqse miishe michong kuq hai.

2 Thessalonians 1:5

Riita, arthun chongtiikai ara miili she, Shiikeawe raq kha phokuq tlaq arka, tingting maq shin raütiidea phokuq tlo nguta, nashiq raq sap tiikai. Kiimaq ümchaü namshiq chamchao tlan arkha maq, namshiq ka apaiq Mungtan na, awokhong na, awongsii asengibi ma mitiija wan.

Revelation 22:14

Kechu jonghea jurwa maiqmii samtong jong ka tiisii heje sam raüta sitlaq. Tsangshiq ka chela mong na minyap wan lot kiimaq tsangshiq ma rilung tsitsü petsi chong kiiwa petsi pansea miitu arang asi miraq.

Revelation 3:4

Shatmaq, namshiq Sardis na siti Phungmaiqsetiim liipan wa maiq wiijamti ka asii sitlan. Namshiq asii maq siwantibi ka, ngi rai adam na khealü miirii sam lanta misi wan dam han. Jamkhano ngukla, namshiq ka wenyi na awongsii maiqshaq sitlan.