Matthew 22:8 - Hawa Naga Bible 2001

⁸ Kvruex yimaq piq nvrc waz hez kuex gvl vtueq, ‘Isaz muex miqlvmc moalx kuex vtvyoalc lot wuez shex, yuq muinz ngaz rueq vgvlc hez kuex kvrulc hungx htaungx muq.

ASII LAKDAP Bible (BSI)

⁸ Kra jai miishe, apaiq raq ajaqshisetiim ahinti she hali hea nong raüta, ‘Ngi raq kherüsea poi ka atiije kun she. Shatmaq wanwe ümchuwa tiihea kang kong kra thun raq, ara poi ara lom dam ka thek mak.

Muklom

⁸ Ethi jio piq aa usanga tang ma batta, ‘Rungsat tha achol sey, etharin phaksat ma halti winwa tang raa thok rol ang moq.

Matthew 22:8 Referencias Cruzadas

Matthew 22:7

Hokhvmx waz kuex pinhtumc khaq vtueq piq nolaungx bix kuex tvkaz ruiux raz tueq miq thvy jix htenc kuex tvthvt gay kaz tueq, tsuingshiq ghaq kvmuinz wvr maq jauk gay tueq.

Matthew 22:9

Majuiuc lvmx laungx lvmx yungx htenc nuex kaz vtueq nuimshiq rueq humc shuinx miq htenc kuex moalx vyuq gvl wvnc wuez luit,’ ngoz tueq nvr tueq.

Matthew 9:15

Yesu rueq tsuingshiq muex, “Waz nyalx waz miqlvmc moalx nuex seng yaq kungjix hez kuex, waz nyalx waz rulc roc nuex httax yaq baunglaung tsuingshiq thuinbac thamx yec juing haz httax tvnx? Yuq muinz waz nyalx waz kuex tsuinghez kox wawc tvrv-phvlc wvnc shuex raungnuiyq httuiuc wvnc tuex, kvkaq jix tsuingshiq rueq phuiuz svy mamc wuez shuex.

Luke 20:35

yuq muinz vthueyc wawc yuing kvtenc wvnc vtueq raungmungx nuex nyuip aungx jix miq htenc kuex miqlvmc miq tvwaungc ngoz tueq muinz vguez shex.

Luke 21:36

Nuimshiq rueq kvruex yaungx wvnc yaq lvmz lotlaz kuex lvy wvnc lot tvkoc hungc vlaungc lvp wvnc wuez shuinz, Miq Saz vruex htumc nuex khac phoc khvmc tvkoc jvp lot aungx yaq jix htenc yaungc wuez kuinz vjux thoz vtueq honc lvmz hvt rvshuinz,” ngoz tueq.

Acts 13:46

Polu nuiyc Barnaba rueq khvmc thuinz maq jungx tueq kuex, “Nuiyshiq rueq Tishox bomjungc kuex nuimshiq muex kungkhux tvluing kuq vphix, yuq muinz nuimshiq rueq kvruex tvrac kuex tuip gay ruiux, miqmac shauk vgvnz kv-ngoc pattup rullungx rulc hungx htaungx muq jix ngoz tueq kv-ngoc vtuinx ningkhvnc nuex nuiyshiq kuex nuimshiq kox wawc dung wvnc vtueq, Pungnuk miqsaz kox nuex kaz wvnc vtix.

2 Thessalonians 1:5

Tishox rueq khac phox yaq kvruex kuex tvrac vlvmz httax yaq lvmx kvkhic yaq, kvkhoc rvtueq nuimshiq kuex vpiq Mungtan nuex hunghtaungx yaq hez muex yaungx wuez tuinx, kvruex laung nuex juex nuimshiq vkuilc vdaz rvhumc wuez vtuinx.

Revelation 22:14

Rullungx tvraungx juing pulx thuey svy lvp muex nuiyc ghaqyungx kaluix maq nyuip lvp vkhangx lvp tvkoc miqmac khoz vkhvy tvsawc huy jix htenc kuex thuinhvlx yaq.

Revelation 3:4

Yuq muinz Sardi ghaq nuex miqmac khoz vkhvy tvshuy shac muq jix miq raungluingx saz httax yaq. Tsuingshiq kuex hunghtaungx yaq jix htenc rvtueq ningkhvnc nuex vluiz vsawc khoz vkhvy svmx vtueq, ngaz rulc roc nuex khuemx shamx naungx phuex.