Matthew 21:16 - ASII LAKDAP Bible (BSI)

¹⁶ Kra kha miishe, tsangshiq raq Jesuq ma waito, “Riita, ümniiraq ara tsangshiq raq jamlai wa gisii trang rai wantaq arka tai tlaü khata?” Kiijiishe Jesuq raq, “O, arka ngi riimin la taishat na!” nguta tsangshiq bom ka treto. “Riita, namshiq raq asii lakdap na, ‘Ümniiraq nosere nai noshiisetiim ma pinthum athuk atsom tiitsam kam bomtsi ka shrinkuq laü!’ nguta chongtlaq kriika namshiq raq phat man dea sha riilan?” nguta tsangshiq ma waito.

Hawa Naga Bible 2001

¹⁶ Kvkhoc rvtueq tsuinghez rueq Yesu muex, “Vruex hez rueq yvmx lac ngoz yaq nguinx mnoz rueq tay vshuiux haz?” ngoz tueq wiz tueq. Yesu rueq, “Ngaz rueq tay vshaungx, ‘Nosaz rulx nuiyc puix nuingc jix sahez rueq tvtsvmc tvkoc tvluing kuq tueq,’ ngoz tueq kuex Rumvrc luik wawc nuimshiq rueq mkaq muinz wvllawc muit doc haz?” ngoz tueq tsuinghez muex wiz tueq.

Muklom

¹⁶ Req ning aa Jesu ma batta, “Ning cham ta ring aa ni, nang aa tat mu i?” Jesu aa batta, “Utat eq ang. Nim aa Asang likwit na irimal thawit tha phat min ang tin i? ‘Nijang mey etho pung chep kam tang nung wang Teyhungwa, ba rangma khakla tasapsey kap tu.’”

Matthew 21:16 Referencias Cruzadas

Tvtsvmc 8:2

Arka nosere kong raq nai noshiisetiim raq shingetlo. Ümniika ümjaqtinok maklii wa tiiwongshat kiimaq angang alang sitlaü; Jurwa ümkiq khiitlaq kra tiikaiqshakli tiinga baiqtlaü.

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

Matthew 12:3

Kiijiishe, Jesuq raq treto, “Namshiq raq Dawit nai akongtitiim raq tsangshiq ka ramtsi raq ahaü akhing ranaiq na jamlai wa phaqsiq wantaq kra, nashiq Thungtri lakdap wa jangshi ra dongdii min phat man dea sha riilan?

Matthew 19:4

Kiijiishe Jesuq raq treto, “Namshiq raq Asii lakdap na maiqse Tiiq wanti we raq rapha hiqwa miiphü dongdii, maiqse ka jechak nai maiqwe tiihong raüta klo wanto nguta chongtlaq kra phat wan man dea sha riilan?

Matthew 22:31

Kiimaq maiqse ka ama wa dong wan lam ka Shiikeawe raq namshiq ma jamlai wa chongtlaq kra jangshi min phat man sha riilan? Apaiq raq chongto,

Mark 13:17

Kra mung mra pin chhanghang jonghea bala ka, jechakre juwa wiihü wiihan sitlaq, kiimaq noshii nyungre sitlaq, tsangshiq miika nü maq achonglot mai chang chamchao jonghea akhing miraq!

Mark 2:25

Kiijiishe Jesuq raq treto, “Dawit ka ranaiqshi aramtsi hea bala akhing na, jamlai wa phaqsiqta, kra namshiq raq jangshi ra min phat man dea sha riilan? Apaiq nai akongtibi ka ramtsi hea, apit riito.

Luke 21:23

Kra phiiptsi chang rahiq akhing ka, jechakre wiihanti nai noshii nyung re ma kai phiiptsi jiiptsi chang akhing miraq! Ara mungti ma, kra rahiq akhing kriika, pinthum chamchao riiweachhi akhing miraq. Kiimaq, kra akhing kriika, Shiikeawe raq arnok ma chamchao tiisaü akhing rahiq miraq.