Matthew 21:15 - ASII LAKDAP Bible (BSI)

¹⁵ Shatmaq, Ramwe jongbi nai Thungtri shrinketibi thun ka, apaiq raq awang chang jaqsham kewan kra chhi raüta kiimaq nosere raq Shomjam maq, “Dawit Se kli tiitsam ronglaq!” nguta siitrang wan tlaq kra chhi raüta, tsangshiq ka kai akhiq ariq she riito.

Hawa Naga Bible 2001

¹⁵ Shomc walaungx bix nuiyc Tvrac tvluingc waz hez kuex vpiq rueq shuimx wvnc tueq vwangc juing phvnx htenc kuex khiz vtueq, “Dawid Saz nuex Hosana m-yaungx wvnc kueq!” ngoz tueq Shomc Yuimx mungx nuex guyc yaq nosaz rulx kuex khiz vtueq, tsuinghez thuinkhaq wuez tueq.

Muklom

¹⁵ Jesu aa patja jaksom tang somlo aa tha khi ta etho “David Miqwasa, Hosana” ta nijang mey tang rangnuk him wang ring tha khi eq ajong tingwa tang nia thong tataltey tang rapney khata.

Matthew 21:15 Referencias Cruzadas

ISAIA 26:11

Ümjaqtinok riika ümniiraq tsangshiq ma mo mitiihohaü ngutiika sapmak. Tatiwe lei, tsangshiq ma jea tiingaülaq. Laüta tsangshiq ka tiichamchaolaq. Ümniiraq tsangshiq ma mo tiihochang tiije laü kra mihophaqlaq. Ümniiraq ümsenginok ka ümtinkhan wa lungwiitlaü kra tsangshiq ma tiichhikuqlaq.

Matthew 20:24

Kra bomtsi ka ajaqshisetiim roqshi raq tai raütiishe, tsangshiq ka tsangnai ma akhiq she riito.

Matthew 21:23

Jesuq ka Shomjam na jangwa nongto. Raüta apaiq ka nokmaiqse ma trahoke rea riito. Kra akhing na ramwe jongbi nai welabi ka apaiq phana waraüta, “Ümniiraq arthun ara sham miitu arang ka ju jaqwo laplaü? Ümniima juro kuqta?” nguta apaiq ma bom ka waito.

Matthew 21:9

Jesuq khaki na nai apaiq jai na mungmaiqse watlaq thun kra raq, “Dawit Se kli tiitsam ronglaq! Shiikeawe le, Tatiwe mang na juwa kitlaq kiima achu shiiman kuqlaq! Shiikeawe li tiitsam ronglaq!” nguta rü riiq trang wanto.

Matthew 22:42

“Namshiq raq Messia ka ju nguto tiima tlan? Apaiq ka juta se wa?” Kiijiishe tsangshiq raq, “Apaiq ka Dawit weraü wa,” nguta bom ka treto.

Matthew 26:3

Kra akhing na ramwe jongbi nai welabi thun ka Ramwe Ajong Pinthum we Kaiaphas jam na ngongthun ngato.

Matthew 26:59

Ramwe jongbi nai Jehudinok Rung wa ajong alabi raq Jesuq ka tsea baiq miitu, Jesuq ma arot akiq kha nyanti arot hakhi kewanti maiq ritto.

Matthew 27:1

Ranap chu miili she ramwe jongbi nai welabi raq Jesuq ka atsea baiq chang nguta kha ka tanto.

Matthew 27:20

Kra liipan bala, ramwe jongbi nai welabi raq mungmaiqse ma Pilat jaq wa Barabas ka tiidongke ra. Kiimaq Jesuq ka atsea riibaiq ra, nguta jaü ronglaq nguta, raikao ka atat wishe riito.

Matthew 9:27

Jesuq ka kiimaq tiido wan raüta, lam na khumshkhum awa rai she riito. Kiijiishe maiq makchuk wenai raq apaiq jai ka phanshphan maq phan wanto. Tsangnai raq, “Dawit Se le, nainai ara mangchan kuq wan phiidea!” nguta agitrang lam maq apaiq jai ka phan wanto.

Mark 11:18

Ramwe jongbi nai Thungtri shrinketibi raq ara jaqsham wantaq kra tsütsa ka taito. Raüta, tsangshiq raq apaiq ka atsea baiq ma nguta tsangshiq raq lamlu she ritto. Mungmaiqse ka apaiq traho bomchongke kra tairaüta kai amao riito. Kriikha maq, tsangshiq ka ahai she riito.

Luke 20:1

Ranaiqshi Jesuq ka Shomjam na nokwe ma, Tsütsa Ahea shrinke rea nai traho bom chongke rea riito. Kra akhing na, ramwe jongbi nai Thungtri shrinketibi thun ka welabi rai adam na ri raüta, Jesuq phana wato.

Luke 22:2

Ramwe jongbi nai Thungtri shrinketibi thun ka mungmaiqse ma ahai. Kriikha maq, tsangshiq raq Jesuq ka ahukse maq tsea baiq ma nguta, lampu rit konchon wan shat miishe kheto.

Luke 22:66

Rawü wan kiitiishe, ngongwebi phong wa welabi, ramwe jongbi, kiimaq Thungtri shrinketibi thun kriika ngongthun nga wanto. Raüta, Jesuq ka tsangshiq Rung na tiichapto.

John 11:57

Shatmaq, ramwe jongbi nai Phorisinok riika, Jesuq ka alap ra nguta aming ka atatwi she riito. Jurwa Jesuq thohe jiiq, kriiti raq welabi ma tsütsa ka tiitai ra nguta aming ka tatthü je she riito.

John 12:19

Ara mungmaiqse raq Jesuq tao wan kra chhi raütiishe, Phorisinok ka tsangshiq nai tsangshiq liipan na, bom ka akha riichongto, “Liimanta, notsam, nashiq riika tanglot mai dongdii she! Liirong laq, mangjong maiqse tlotli raq, apaiq jai li she phan wanto!”

John 4:1

Phorisinok riika Johan nam ma, Jesuq raq asengi ka apa she lap wan tlo kiimaq apaiq raq nokmaiqse ma kham lamkuqtlo nguta tsütsa ka taito.

John 7:42

Asii Bomtsi na Khristo ka Dawit weraü phan wa mipoki. Kiimaq Dawit changkhü Bethlehem hiq na michiiki nguta chongtlo,” nguta riibomto.