Matthew 2:5 - ASII LAKDAP Bible (BSI)

⁵ Kiijiishe, tsangshiq raq, “Judia wang na Bethlehem chela na michii,” nguta treto. “Jamkhano ngukla, shammibi raq akha waiqthüto:

Hawa Naga Bible 2001

⁵ Tsuingshiq rueq, “Yuda mungx Betlehem ghaq nuex jawx kaz tuex. Yvmx khoc lac ngoz ruiux lec shvmmax vkhoc ngoz tueq wuiyq shec tueq,

Muklom

⁵ Ning aa batta, “Judea mung Bethlehem samhaq na; chammatakoi rangsamal aa irimal witta:

Matthew 2:5 Referencias Cruzadas

RAPHA HIQWA LAK 35:19

Riita Rechel ka tsaiki kiita, apaiq maa ka Ephrath hiq na walam lamkii na lapto. Arka ümchaü Bethlehem ngutiishe ngutlo.

Matthew 2:1

Jesuq ka Judia wang na Bethlehem chela na chiito. Kra akhing na hokham jati ka Herod riito. Kra jai maq jaqlo sijai niili Jerusalem maq shedong mung na siti, ra na raiqsaiq jipi khumshiim shri ra liiwanti taksu maiqsebi ka Jerusalem na kito.

Matthew 2:4

Kiimaq apaiq raq ramwe jongbi nai Thungtri shrinketibi shrabi thun ka adam na triitam hea raüta tiingato. Raüta tsangshiq ma akha waito, “Riita Khristo ka ümriiba niiwa michii?”

John 7:42

Asii Bomtsi na Khristo ka Dawit weraü phan wa mipoki. Kiimaq Dawit changkhü Bethlehem hiq na michiiki nguta chongtlo,” nguta riibomto.

JOSHUA 19:15

Ara hiqrai mong na Katta, Nahalal, Shimron, Idala, kiimaq Bethlehem chela thun tlom wan damto: chela roqshiri anai kiimaq kra tro binjü wa chela aransetiim thun kiimin romshaq na raito.

PHOWEBI 17:7

Kra akhing na Lewi phan wa jero weshi ka Juda mung na Bethlehem chela na sito.

RUTHA 1:1

Phowebi raq Israil mung lang tlaq pat na, lakshi ram jonghea dongto. Ramdong kha na Juda wang wa Bethlehem chela na siti maiqwe ashi ka tsangnyung rai asenai kra sheaho raüta, Mob mung na sikai laühoto.

RUTHA 1:19

Krai mren, tsangnai ka Bethlehem chela na saüli she wawanto. Tsangnai saü wan kiita, chelati nokmaiqse wiitarü ka chojong chise she riitam wanto. Kiimaq jechakre thun riika, “Riita, notsam arka Naomi irdea sha?” nguta bom wito.

RUTHA 2:4

Heashi sijai niishe, Bethlehem maq aki Boaj ka wak na saükito. Raüta ningchangtibi rai, “Tatiwe ka namshiq rai misi laq!” nguta riibomto. “Tatiwe raq ümniima mishman laq!” nguta tsangshiq raq treto.

RUTHA 4:11

Kiijiishe, mung shiilangbi nai nanok ahinti thun tarü raq, “Tengto. Naishiq tarü ka ara miitu saqsebi. Tatiwe raq ümjamti nyung ka nawi nai Israilnok phan ma wipai Rechel nai Lea raq nati Jakob ma asetiim ka wiqrai rü atang tiipuchi kuq wantaq ikha, mitiipu kuq wan laq. Namsetiim ka tere rü atang ikha Ephrath hiq shong na mipuchi wan laq. Raüta, Bethlehem chela na tsangshiq mangchong ka, ra tsa ikha mijong wan laq.

1 SAMUEL 16:1

Tatiwe raq Samuel ma nguto, “Riita ümniika, atinkhan atsaq min tsaq maü lailai, Saul miitu ka jamlai nguta jümiisea wa? Ngi raq apaiq ka Israilnok hokham ngachang wa ashleq baiq wishe. Riita, ümchaü min ümniika olip petsi tel phanshi lamho laüta, Bethlehem chela na maiq weshi Jesi ngutlaqwe phana kilaq. Jamkhano ngukla ngi raq asetiim phong wa weshi ka Israilnok khuthaq na hokham ma atsea wan kun she.”