Matthew 2:4 - ASII LAKDAP Bible (BSI)

⁴ Kiimaq apaiq raq ramwe jongbi nai Thungtri shrinketibi shrabi thun ka adam na triitam hea raüta tiingato. Raüta tsangshiq ma akha waito, “Riita Khristo ka ümriiba niiwa michii?”

Hawa Naga Bible 2001

⁴ Herod hokhvmx rueq shomc walaungx bix nuiyc Tvrac tvluingc waz hez lotlaz kuex tvtuimx gvl vtueq, “Mesia kuex mruex baung nuex lac jawx kaz tvnx?” ngoz tueq tsuinghez muex wiz tueq.

Muklom

⁴ Herod aa ajong tingwa tang etho thong tataltey tang tha hal eq pitta, “Khristo barina chang ma ta?”

Matthew 2:4 Referencias Cruzadas

2 KAÜWA WERAÜ 34:13

Kiimahali Lewinok ahinti ka huk asam thun kra bashi maq riita bashi wa hoke wan, kiimaq phan phan jaqshamti maiq thun kriima jaqsham kra liiko kewan, kiimaq ahinti riika raüpot kra waiqthü wanto, riimakla kinkheti tsongkuq wanto.

2 KAÜWA WERAÜ 34:15

Apaiq raq Shaphan ma, “Ngi raq Thungtri Lakdap ka ara Shomjam mong wa humkang,” nguta nguto. Kiimaq apaiq raq kra lakdap ka Shaphan jaq na kuqto.

2 KAÜWA WERAÜ 36:14

Kriithaq niimin, Juda mung wa welabi, ramwebi, kiimaq mungmaiqse thun tlotli raq, tsangmung tro na siti maiq pong mungti thun raq shomnoq tlaq sumla phra kong thun kra shomnoqto. Raüta tsangshiq raq Tatiwe apaiq raq asii atiija wan Shomjam kra tiisheshi baiqto.

EJRA 10:5

Kra chongtaq krai mren she, Ejra raq ramwebi wa ashun sheati maiqlare kra, kiimaq Lewinok kra, kiimaq mungmaiqse angu wiita riishe, chap raüta Shekania raq tri raütsi tiidea chongtaq kriidea miklo rong i ngutiishe, mungmaiqse ka atiitum she riito.

EJRA 7:6

Israilnok Shiikeawe raq Mosheq ma Thungtri kuqto. Riita Ejra ka Thungtri shamwantiwe taksu maiqse riito. Ejra khuthaq na apaiq Tati Shiikeawe achu shiiman ka asi kha maq, Ejra raq hokhamwe jaq wa jamlai phan wa jaütaq, kriika hokhamwe raq Ejra ma khrum kuqto. Riita ara chongtiikai arai mren, Artajarses raq munglang wanli maq wiimiishi she angu na, Ejra ka Bebilon mung maq Jerusalem na kaiho kiimwiiq phahoto. Apaiq rai Jerusalem na laüho damti Israilnok mungmaiqse ka arthun armin kiho damto. Ramwebi, Lewinok, Shomjam na ashi ashunti, Shomjam kheti petabi, kiimaq phanrap shamti thun laühoto.

Tvtsvmc 2:2

Tsang hokhambi maiqmii wela ja phetrang hoto, tsang tuwebi ka adam riitam raüta Tatiwe nai apaiq raq ashong hokhamwe kra khat miitu redong süriitlo?

JEREMIA 8:8

Akhiitaü miinya, namshiq ka maiqshaq, kiimaq namshiq raq ithung ilai ka asaphan nguta tiitsakitlan? Liironglaq, ajok aliiq shrabi raq thungtri ka alai she riibaiqto.

MALAKI 2:7

Ramwebi jaqsham ka riikhaqli maq nokmaiqse ma Shiikeawe tiisap wan shrinke wan kra riito. Nokmaiqse tsangshiq phana kitlaq kriika, ngi tiima tsantsii kra sapkai miitu kitlo. Jamkhano ngukla tsangshiq ka Tati Ningkun Ajong Pinthumwe kiimwebi.

Matthew 13:52

Kiijiishe Jesuq raq treto, “Ikhiijiika Thungtri shrinketi phong wa, juwa Ramungtan na asengi ma tiija wan tlaq, kriiti ka maiq laopan weshi raq, apaiq jamkun mong na atsiiq anyam tum totlaq kra, tsiiq chü nai tsii nye thun kra lam raüta, damjong na raüphong tlaq ikhiishe chiithe jong she mija wan.”

Matthew 2:3

Hokhamwe Herod raq kra tsütsa ka tai raüta apaiq ka pinthum chapato. Kiimaq apaiq rai Jerusalem na siti maiq tarü chapato.

Matthew 2:5

Kiijiishe, tsangshiq raq, “Judia wang na Bethlehem chela na michii,” nguta treto. “Jamkhano ngukla, shammibi raq akha waiqthüto:

Matthew 21:15

Shatmaq, Ramwe jongbi nai Thungtri shrinketibi thun ka, apaiq raq awang chang jaqsham kewan kra chhi raüta kiimaq nosere raq Shomjam maq, “Dawit Se kli tiitsam ronglaq!” nguta siitrang wan tlaq kra chhi raüta, tsangshiq ka kai akhiq ariq she riito.

Matthew 21:23

Jesuq ka Shomjam na jangwa nongto. Raüta apaiq ka nokmaiqse ma trahoke rea riito. Kra akhing na ramwe jongbi nai welabi ka apaiq phana waraüta, “Ümniiraq arthun ara sham miitu arang ka ju jaqwo laplaü? Ümniima juro kuqta?” nguta apaiq ma bom ka waito.

Matthew 26:3

Kra akhing na ramwe jongbi nai welabi thun ka Ramwe Ajong Pinthum we Kaiaphas jam na ngongthun ngato.

Matthew 26:47

Jesuq ka abom miiqshmiiq liipan niili, ajaqshisetiim roqshi ri wenai phong wa Judas ka saü wato. Apaiq rai maiq ka kongnyung kaüshi, tsangshiq ka nepja hi wiraq kiimaq klata piraq chhaq maq saü wato. Tsangshiq ka ramwe jongbi nai welabi raq atiiwa.

Matthew 27:1

Ranap chu miili she ramwe jongbi nai welabi raq Jesuq ka atsea baiq chang nguta kha ka tanto.

Matthew 7:29

Apaiq traho bom chongke wan kriika, Thungtri shrinketi bi raq traho bom chong kuqtlaq ikha riimak. Apaiq riika arang aheng maq traho bom chongkuq tlo.

Mark 8:31

Kiijiishe, Jesuq raq ajaqshisetiim ma tsii ka akhiishe chongkuq hoto: “Maiq Se ka pinthum chamchao ra dongdii. Kiimaq welabi, ramwe jongbi, kiimaq Thungtri shrinketibi raq apaiq ka mitiishaü baiq. Apaiq ka atsea mirbaiq. Shatmaq, ranaiqtsam jai maq apaiq ka adong mirwan nong.”

Luke 20:19

Kra tai raüta, Thungtri shrinketibi nai ramwe jongbi raq, Jesuq ka kriijiili lapholai nguta danto. Kra jamkhano tanta ngukla, kra manphan shiiton maq tsangshiq ka shiitanto nguta sapto. Shatmaq, tsangshiq ka mungmaiqse ma ahai kha maq, apaiq ka lap mak dea riito.

Luke 23:10

Ramwe jongbi nai Thungtri shrinketibi raq, Herod man na chap raüta, Jesuq ma achaq awaq kha pahea nyanto.

John 18:3

Krai mren, Judas ka Roman phenlanok kongshi, kiimaq ramwe jongbi nai Phorisinok raq atiiwa Shomjam kheti petanok kriiri kongshi shea wan raütiishe kra, Olip pero kiina wawanto. Tsangshiq ka rewa awarai. Kriikha maq, tsangshiq ka wiija wiipiq, kiimaq waniitei thun piraq chhaq kiimaq lemtem thun ka doraq chhaq maq kiijaq saü wanto.

John 3:10

Kiijiishe Jesuq raq treto, “Ümniika Israil mung na shrinketi we ajong ashi. Kra riishe, ara bomtsi ara saplot maü jiika ja she wa michong i?

John 7:32

Phorisinok wiijamti raq nokwe phong na, Jesuq tsaki riishap shaü wan tlaq kra tho ka heto. Krai mren, tsangshiq nai ramwe jongbi raq Shomjam kheti hokrabi ka apaiq lapkai tiikito.

John 8:3

Kra akhing na, Phorisinok nai Thungtri shrinketibi raq maiqnyung ashi, tsangwe sishat maq maiq rai sethoq ja chhi raüta alap riiwanto. Tsangshiq raq kra nyung ka mungmaiqse khaki na tiichapto.

Acts 23:9

Krai mren she, tsangshiq riikhii tatso gisii trang wan tlaq kriika henghea riiwan wan she heng wanto. Kiimaq Thungtri shrinketibi phong wa, maiq welabi wiijamti Phorisinok phungti ka chap raütiishe, achaq awaq maq latlat she, tri ka akha ngutiishe riikhii wanto: “Naishiq raq lii kai jaq arwe dü na kha ka jam min ahü chhi mai! Jursap, apaiq ma ngohea dea wenyi riilo, riimak la, rase riidea wa bom asa ka chongkuqla riila!”

Acts 4:5

Anap ranaiq miishe, Jehudinok mung welabi, shiilangbi, kiimaq Thungtri shrinketi shrabi thun ka, Jerusalem na ngongthun ngato.

Acts 6:12

Tsangshiq raq akha lule klo raüta, mungmaiqse, welabi kiimaq Thungtri shrabi thun kra tiishai baiqto. Raüta, tsangshiq raq Stephen ka lap raüta, Rung na hit wanto.