Matthew 2:16 - ASII LAKDAP Bible (BSI)

¹⁶ Herod raq shedong mung wa aki wanwetiim raq apaiq ka laoratto ngutiishe sapraüta, apaiq ka kai khiqto. Kiimaq apaiq raq Bethlehem chela na siti nai kra tro binjü na siti maiqwe sere, arawii wiinai nai wiinai takiq na ümchuwa siwan tlaq kra tsea baiq miitu aming kuqto. Apaiq raq ara aming kuqtaq arka wanwetiim raq raiqsaiqpo chhitaq akhing rahiq jipi kra shiiton raüta aming kuqto.

Hawa Naga Bible 2001

¹⁶ Shaldungc mungx wawc phaqjic vhttax jix hez rueq piq lauc gay shec tueq lvmz Herod rueq helc vtueq piq pinhtumc vthuinz khaq tueq. Kvkhoc rvtueq phaqjic vhttax jix hez kox wawc wisoz tuiuz tueq rulc rv-ngvlc ruiysuiyq khiz tueq vkhing kuex hesap lawc vtueq Betlehem nuiyc kvruex tvroz miqghaq htenc wawc rullungx wawc nueyc maq kaq kox miqwaz saz htenc kuex lotlaz thvy gay tvkoc nvr tueq.

Muklom

¹⁶ Herod aa saal qhang kowang thuta ataal miqtang eq piq ma hutdipta ta sam atho piq rapney khata. Etho piq aa Bethlehem etho ethi rel haq wang, pang ni etho eshiwang náng eq nijang miqwasa tang tha tatik chak ma raaqkhat kotta. Piq aa ataal miqtang eq batta rangham tha sam eq irimal somlo ta.

Matthew 2:16 Referencias Cruzadas

RAPHA HIQWA LAK 39:14

apaiq raq ajam na jaqshamti jaqshisetiim thun ka heato. Raüta akha nguto, “Liirong laq ara! Ara Hibrunokse, ijamtiwe raq arjaq jaqsham ma asheaho se raq nashiq ka shummiitlo. Apaiq ka itap na nyap wato. Raüta ngi ka haihiila nguta danto. Shatmaq ngi raq tiihong lata siiho kang.

RAPHA HIQWA LAK 39:17

Kiijiishe tsang-nyung raq tsangwe ma ajaqshisetiim ma jamkho chongtaq kiikha chongto: “Kra Hibrunok phan dise ümniiraq arjaq na jam na shea wan laü kra itap mong na wato. Raüta ngi ka shummiito.

RAPHA HIQWA LAK 49:7

Tsangshiq tsankhiq tam ma manson misilaq. Jamkhano ngukla kriika henghea, Kiimaq tsangshiq phok tlaq kra thaq na misilaq, jamkhano ngukla kra bihea. Ngi raq tsangshiq ka Israil mung hamli na minyin baiqha. Ngi raq tsangshiq ka anok ata phong na wiita minyin baiqha.

2 HOKHVMX 8:12

Kra chhi raüta, “Shiilangwe lei, ümniika jam nguto hoq tlaü?” nguta Hajael raq waito. “Jamkhano ngukla ümniiraq Israilnok ka phiiptsi jiiptsi mitiichamchao haü kra sap lata hoqtiikang,” nguta Elisha raq treto. “Ümniiraq tsangshiq chela thun trotam maq kiitelong maq rukje thun kra wa maq michaq baiqhaü. Laüta tsangshiqnok jerobi shamhea shamjü thun kra wiita mijiip baiq haü. Kiimaq tsangsetiim nosere thun ka hiq na tiinam miitok mitiiq baiq haü. Kiimaq jechakre wiisewok nyungre thun ka nepjasai maq kholam kholiiq tsangshiq wok ka miriip baiq haü.”

YOBA 12:4

Ümchaü ka ikongtitiim riimin ngi ka anaikü li she riitlo, ngi ka kechu maiqse kiimaq jamshut ahü li jiimin; shatmaq man na Shiikeawe raq ngi achu jaü trekutlo.

TAKSU LAK 28:15

Mung rümtiwe ka abi raüla, asengi miitsan maiqse ka jamkha ijasiq miraq, Hangsikaü ikha ahok ahii wali miraq, Kiimaq chapbikaü hoktlaq ikha miraq.

TAKSU LAK 28:17

Matwe jati riika apaiq maakho, jaqlolo thutlo. Apaiq ka naq tiiwinkiq.

ISAIA 26:21

Tatiwe ka apaiq sichang ramungtan jam maq aki saühotlo she. Apaiq ka mangjong maiqse raq ngarai thun klo khana tsangshiq ma mo tiihokai kitlo. Mangjong hiq na ahukse maq maiq atsatbaiq thun ka wiita mitiichhikuq. Kiimaq maiq ümchu wa tsatbaiqtaq thun ka hiqraikhü riimin paülot mak she miraq.

ISAIA 59:7

Namshiq raq ranaiqtek abi kiimung sürii wantlan. Kiimaq namshiq raq kra abi jaqsham kra klo wanhü miika namshiq ka sanglili maq ngalot man. Namshiq raq maiqtu ngampiiti thun kra tseabaiq wan miitu akhiismin kankop man. Namshiq ümnüno kitlan, namshiq jai niika athen ajen wan lamlu kli sitlo.

DANIEL 3:13

Kra tairaüta, hokhamwe tsankhiq ka wak chaq walüwa ikhiishe phok wanto. Kiimaq apaiq raq tsangtsam ka apaiq phana tiiheakai miitu aming kuqto.

Hosea 10:14

Kriikha na chiqdong redong misaü wan. Kiitelong maq aruk namchela thun mikhat wan. Botkhulai rai mishot wan. Hokham Shalman raq Beth-arbel chela khattaq kiikha, anyungre nai noshiisetiim hihut re raq mijiip wan.

WEAWEA 22:29

Balaam raq treto, “Ümniiraq ngi ka angiwe ma tiijaho laü kata! Ijaq na nepja asi nguraü jaq, ümniika ase baiqwi she mirha wa.”

WEAWEA 24:10

Balak ka atsan khiq tsi ma ajaq tham tiitam saq raüta Balaam ma nguto, “Ngi raq ümniika ijaqtinok sonlaq nguta tiihea kang. Shatmaq ümniiraq ümchaü jangtsam she tsangshiq ma ram kham khoti tiibok kuqlaü.

Matthew 2:1

Jesuq ka Judia wang na Bethlehem chela na chiito. Kra akhing na hokham jati ka Herod riito. Kra jai maq jaqlo sijai niili Jerusalem maq shedong mung na siti, ra na raiqsaiq jipi khumshiim shri ra liiwanti taksu maiqsebi ka Jerusalem na kito.

Matthew 2:17

Arka shammi Jeremia raq riisham bom achongthü kra phan- phan she kuwanto. Shammi raq akha chongto:

Matthew 2:7

Krai mren she, Herod raq shedong mung wa aki wanwetiim ka ahukse maq hea raüta, tsangshiq raq no raiqsaiqpo chhitaq rahiq akhing ka riikhaqli tiitsang rii waito.

Revelation 12:4

Ra na raiqsaiq diim tlaq kiiwa, mantsam wa manshi rii ka prenkaü maita maq chhii raüta, mangjong hiq na wan baiqto. Apaiq ka maiqnyung khaki na chapshat maq kheshat riito, maiq- nyung raq ase ka chiiri, apaiq raq noshii se ka phaqho ma nguta khekham riito.

Revelation 17:6

Ngi raq kra nyung ka, asii maiqsetiim tiijai nai Jesuq hakhi ma jawanti tsatbaiq wantaq kra tiijai nyang raüta, chephe maakaiq chhikang. Ngi raq apaiq ka chhi lata pinthum awang raili she riikang.

PHOWEBI 16:10

Kiijiishe Delila raq Samson ma nguto, “Liilaq! Ümniiraq ngi ka angi ma tiija tlaü! Ngi ma riikhaqli bomtsi ka chongkuq maü dea. Mangchan laüta ngi ma bom ka riikhaqli chonglaq, maiq raq ümniika jamkho raü maq tiingathu mikhalot.”