Matthew 2:16 - Hawa Naga Bible 2001

¹⁶ Shaldungc mungx wawc phaqjic vhttax jix hez rueq piq lauc gay shec tueq lvmz Herod rueq helc vtueq piq pinhtumc vthuinz khaq tueq. Kvkhoc rvtueq phaqjic vhttax jix hez kox wawc wisoz tuiuz tueq rulc rv-ngvlc ruiysuiyq khiz tueq vkhing kuex hesap lawc vtueq Betlehem nuiyc kvruex tvroz miqghaq htenc wawc rullungx wawc nueyc maq kaq kox miqwaz saz htenc kuex lotlaz thvy gay tvkoc nvr tueq.

ASII LAKDAP Bible (BSI)

¹⁶ Herod raq shedong mung wa aki wanwetiim raq apaiq ka laoratto ngutiishe sapraüta, apaiq ka kai khiqto. Kiimaq apaiq raq Bethlehem chela na siti nai kra tro binjü na siti maiqwe sere, arawii wiinai nai wiinai takiq na ümchuwa siwan tlaq kra tsea baiq miitu aming kuqto. Apaiq raq ara aming kuqtaq arka wanwetiim raq raiqsaiqpo chhitaq akhing rahiq jipi kra shiiton raüta aming kuqto.

Muklom

¹⁶ Herod aa saal qhang kowang thuta ataal miqtang eq piq ma hutdipta ta sam atho piq rapney khata. Etho piq aa Bethlehem etho ethi rel haq wang, pang ni etho eshiwang náng eq nijang miqwasa tang tha tatik chak ma raaqkhat kotta. Piq aa ataal miqtang eq batta rangham tha sam eq irimal somlo ta.

Matthew 2:16 Referencias Cruzadas

RAPHA HIQWA LAK 39:14

nvrc waz hez kuex vhtaq maq vgvl, “Vruex lawc shuinz! Nuimshiq jiyungx waz rueq vgvl taq shec Hebre miq waz rueq naunghez kuex yomnamc gay phuex. Piq kuex ngvy woalchuing nuex nyuip waung vtueq ngaz rulc woalc naungc tvkoc kvmungx ningkhvnc nuex ngaz hung vtueq guyc tauk.

RAPHA HIQWA LAK 39:17

Kvruex yimaq piq rueq kvkhoc hulawx jungx tueq kuex, “Mnoz rueq gvl taq toq Hebre miq dax waz kuex ngvy woalchuing nuex nyuip waung vtueq ngaz kuex yomnamc tvkoc dvnc tueq.

RAPHA HIQWA LAK 49:7

Tsuingshiq thuinkhaq yaq kuex bac hvlc, Tsuingshiq thuinkhvy phuk ningkhvnc nuex, mvnhttonc mrvhumc kueq. Ngaz rueq tsuingshiq kuex Yaku kox wawc tv-phvlc nyanc gay shaungx. Miqmac phvnx nyuing wawc miq phungc tv-phvlc gay shaungx.

2 HOKHVMX 8:12

Hazael rueq, “Jiyungx waz lex, mnoz yvmx ngoz tueq lac khoar kaz tuiux?” ngoz tueq wiz tueq. Elisha rueq, “Israel miqsaz muex mnoz rueq ruez kuq shuiux vkawc yawc juing yauk shuimc kuex ngaz rueq tuiuz yaq. Mnoz rueq tsuingshiq nolaungx ghaqshungc htenc kuex jauk kuq gay ruiux, wvhungc wvlaungc yalxrox bix kuex rumz gay shuiux, tsuingshiq nosaz rulx htenc kuex nuiuz vtueq thvt gay ruiux, wvgvnz nyuiuz tamx wuk kuex gauk shuiux ningkhvnc nuex rvtueq,” ngoz tueq tvralc tueq.

YOBA 12:4

Majuiuc kuex ngvy kungjix hez doc muinz ngaz muex nueyx wuez yaq; ngaz kuex tsuingrux miq nuiyc mvrax vguez rvtauk rvyruiux, tsuinghez nueyx wuez yaq; yuq muinz Tishox rueq ngvy vjux thoz kuex tay kuq wvnc phuex jauz httax wvnc tueq.

TAKSU LAK 28:15

Layx bac mungx walaungx waz htumc nuex htemc saz jix kuex romc kuy jix vguez; kvruex waz kuex vhuk hex rvyaq hangsic nuiyc vphuiuz vsvy thuiyc khuemx yaq japbawx rulc rv-ngvlc kvhiz juing rvtueq.

TAKSU LAK 28:17

Miq thvy gay jix waz kuex piq luip khurx yauk lox htat htat htuz tvhungx yaq. Piq kuex nauk tvthauk kaz.

ISAIA 26:21

Yehowa rueq ghaq wawc miqsaz htenc rueq vshuimx mvrax htenc tvkoc nuex murx tvgurc yaq, vpiq kuex raungmungx vhttaz juing baung kvmaq kaz yaq. Ghaq htauk nuex miqsaz thuiuzthuic vyumx maq thvy gay jix htenc kuex kvkhic wvnc tuex, ghaq kuex kvkhoc thvy gay rvhumc jix hez kuex raungluingx saz muinz httuiyq puiuc taq shuex rvmuq.

ISAIA 59:7

Nuimshiq rueq vbac phvnx shishiz kuex mkaq muinz dvnc dawc vtueq, mvrax kuex thauk muit maq shuimx kaz vshuinx. Nuimshiq rueq mvrax vguez miq thvy gay tvkoc mkaq muinz lv-nyvnx muit. Nuimshiq httuiuc vtuinx baung htenc nuex tvbac tac gay dvyx kvjungx yaq,

DANIEL 3:13

Kvkaq hokhvmx waz thuinkhaq vtueq kvruex waz thuimx kuex piq khaungkac nuex shvlc wvnc tvkoc nvr tueq.

Hosea 10:14

ralx rvlungc kuex nuimshiq miqsaz nuex httuiuc vtueq nuimshiq nolaungx ghaqshungc htenc bac wvnc tuex. Kvruex raungnuiyq kuex ralx rvkhvt nuex Hokhvmx Shalman rueq Bethabela ghaqyungx kuex tvbac gay raungnuiyq ikhoc yaungx tuex, kvmaq vnyuiuz tamx nuiyc tsuingshiq sahez muinz nyet thvy gay rvhumc tuex.

WEAWEA 22:29

Balam rueq, “Mnoz rueq ngaz kuex vruc vngaz muex tvyaungc vphux nyix! Ngvy yauk nuex yaung vhttax ngoz ruiux yuq, mnoz kuex thvt gay khvmz phaungx,” ngoz tueq tvralc tueq.

WEAWEA 24:10

Balak kuex vthuinz khvy thuiuz muex vyauk htuimx tvtuimz vtueq Balam muex ngoc, “Ngvy ralx hez kuex httonc tvkoc mnoz kuex shvlx laq phaungx, yuq muinz mnoz rueq tsuingshiq muex laukthuimx nuex httuiuc lac ruimruimx kuq toq.

Matthew 2:1

Herod hokhvmx pat, Yuda mungx Betlehem ghaq nuex Yesu jawx kaz tueq. Kvkaq yauk lox nuex dvyx, shaldungc mungx wawc phaqjic vhttax jix miq wvyvmc Yerusalem nuex httuiuc kaz vtueq,

Matthew 2:17

Vruex kuex shvmmax Yeremia rueq vjungx kvjaz tvhungx rvtueq:

Matthew 2:7

Kvkaq Herod rueq shaldungc mungx wawc taksux vhttax jix hez kuex vyumx maq gvl vtueq, ruiysuiyq dung tueq lvmz kuex tsuinghez kox tvsuip tv-phaungc wiz tueq.

Revelation 12:4

Piq rueq raungwawc ruiysuiyq htenc mvnthuimx wawc mvnshiz kuex vmiz maq het vtueq ghaq nuex tuip gay tueq. Yungrex kuiux kuex yalxjuik nyuiuz nox wuic khiz khvmkhvmz khaungkac kvyuq jvp vtueq, yalxjuik nyuiuz rueq vsaz jawx shuex rulc rv-ngvlc nox kuex yuk gay tvkoc bvmc yaq.

Revelation 17:6

Yalxjuik nyuiuz kvraq Tishox miqsaz htenc tvguiy muinz, Yesu htauk nuex tvmtuing httaz ningkhvnc nuex vthvy gay rvhumc jix htenc tvguiy kuex nuingx vtueq jukpawx yaq kuex ngaz rueq khiz tauk. Piq khiz vtueq vsuing ngaz kuex vwangc rvtauk.

PHOWEBI 16:10

Delila rueq Samson muex ngoc, “Lawc shuiuz, mnoz rueq ngaz muex vlvmz rvkhauk laz kuex jungx kuq muq maq ngaz kuex vngaz muex tvyaungc vphux. Miq vshiz shiz rueq mnoz kuex yvmx khoc maq khvrc lot juing lac ngaz muex kejux maq jungx kuq koq,” ngoz tueq jungx tueq.