Matthew 2:11 - ASII LAKDAP Bible (BSI)

¹¹ Tsangshiq ka kiijaq saü raüta jam mong na wato. Kiimaq no ka anyung Meriq rai chhito. Raüta tsangshiq ka lakü maq nga raüta apaiq ka shomnoq wanto. Kiimaq tsangshiq raq ahoho kongphiq chaq, pechong mong wa alam homseng tsai, kiimaq penaihomseng thop kra tsangshiq thongkhiiq mong wa lam raüta, no jichong niishe kai shreng raüta tokuq wanto.

Hawa Naga Bible 2001

¹¹ Tsuinghez kuex kvruex yuimx kvyuq nyuip wvnc koq tueq, kvruex nox kuex vnyuiuz Mary rulc vdvmz nuex khiz vtueq, tsuinghez kuix tsvrung nuex bumx ruiux vpiq muex nawk palx wuez tueq. Miqmac khak kuex daz vtueq vpiq muex kuimshawx, loban nuiyc murra htenc maq yauk noalc kuq wuez tueq.

Muklom

¹¹ Ning himmong thináng nop eq unu Mary jak wang nijangsa tha khi eq piq tha shumnuk ta. Ning sungrang eq ngintit tha lak eq piq ma hun aa cha, shongnol etho atim angam tang tha kotta.

Matthew 2:11 Referencias Cruzadas

RAPHA HIQWA LAK 43:11

Tsangwe jong raq tsangshiq ma nguto, “Riita kiikhiishe dongdii riichang she rakitaq jiika, namung na dongtlaq phan kriiwa ahea pinthum petsi wiqtsam kra namshiq thoila na miironglaq, lanta hoho ronglaq. Kiimaq kra wanghuptiwe ma kongphiq kuqho ronglaq: Trii nai wa phanshi, ngiq ngu phanshi, süse tapan, ahomwiq phan pistakio tsi, kiimaq Almon petsi thun kra hoho ronglaq.

1 HOKHVMX 10:10

Raüta apaiq raq tsangmung wa kongphiq thun ahowan kra Hokhamwe Solomon ma arthun ara kuqto: Chaq ngam kilo hingblai pat achan. Kiimaq pahea suse tapan ahomwiq phan kra, kiimaq pahea longseng thun kuqto. Kriinyung raq apaiq ma kuqtaq süse tapan kriika apaiq raq nanok ahinti jaq wa lakshi wa na ümchuwa lap wantaq kriithun wiita thaq na pahea pinthum kuqto.

1 HOKHVMX 10:2

Apaiq rai asengi akongti maiq kong-nyung kaüshi shea wan raüta wato. Kiimaq kumtsong kong ma süse tapan lao pan hupsam thun, longseng thun, kiimaq chaq ka pahea howan raüta wato. Kiimaq apaiq ka Solomon rai riihum raüta, apaiq raq atsan mong na bom ümchuwa dongtlaq kra Solomon ma waito.

Tvtsvmc 2:12

atiikhai rokrok ajichong na bum ronglaq; riimakla atsankhiq ka tiidongchhaq li minyai wan, krai mren namshiq ka chutli mitsai han. Apaiq wokhong na nyap wanti ma chochi jonghea miraq.

Tvtsvmc 45:8

Ümriihun miirii ka homsengtsai maq anyat homhea; ashi angetibi kong ka ümhokham jam chhiiwi maq atiimii kiijaq ümnaq shiipeo shingetlo.

Tvtsvmc 72:10

Spen mung hokhambi nai khamjong heawea mong na siti mung thun raq apaiq ma tijong kongphiq thun mikuq wan; kiimaq Sheba mung hokhambi nai Seba mung hokhamwe raq apaiq ma kongphiq thun mikuq wan.

Tvtsvmc 72:15

Hokhamwe ka rilung alu misilaq! Apaiq ma Arab mungti raq chaq miphong kuqlaq; apaiq miitu wranaiqshe achu mijaülaq; Shiikeawe achu shiiman kli apaiq ma wranaiqshe misilaq!

Tvtsvmc 95:6

Warong ra, nashiq hiq na bum laita apaiq noqpi rong i; nashiq Tatiwe, nashiq Tiiqtiwe khaki na kaütsrong na bum laita shomnoq rong i!

DUNGWVNC 30:23

“Ahea pinthum süse tapan homseng kham ka kilogram trok, kiimaq ahomwiq phan tsangkürang tsai ka kilogram atsam lam laq, kiimaq ahomwiq phan homkii tsai ka kilogram atsam lamlaq,

DUNGWVNC 30:34

Tatiwe raq Mosheq ma nguto, “Ara ahomwiq tapan thun arwa riingea riingea chhaq maq thap laüta lamlaq: stekte homseng wa, onicha homseng wa, galbanum homseng wa, kiimaq chiisan pechong mong wa alam homsengtsai wa.

ASHICHONG 3:6

Kumtsaiphii binjü lam maq juwa warai tla? Phumda apong ikha mongtlo. Laopanbi raq asha, Homseng tsang homrai tlaq ikha?

ISAIA 60:6

Hupsamhoti kongnyung kaüshi kumtsong kong misaü wan, Midian nai Epha mungti. Tsangshiq ka Sheba mung wa chaq nai homseng howan raüta misaü wan. Mungmaiqse raq tsütsa ahea Tatiwe raq shamtaq kra michong!

LEWI 6:15

Kra raütiishe apaiq raq bunwong wongwin kiiwa jaqkhon shi ajaq na mitso. Kiimaq tel kri milam. Raüta kriithaq na homseng honglu kriishe mithii. Raütiishe apaiq raq Tatiwe ma berong-wacha na tlotli akuq rii na ngamrea ikha mikuq. Ara khiimtsang ka Tatiwe ma tsan tiiheali miraq.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Matthew 1:18

Jesuq Khristo rawüchhi ka akha. Jesuq ma anyung Meriq ka junriise. Kiimaq apaiq ka Joseph raq awai wishe. Shatmaq tsangnai ka mirlam shaq liipan niili, Meriq raq akhum na Asii Wenyi lümaq wiihan she nguta sapto.

Matthew 12:46

Jesuq ka nokwe rai kra riibom rai liipan kiijaq niili, anyung nai anohiitiim ka kiijaq saükito. Tsangshiq kra jamkea na chap raüta nanok ma apaiq rai riihum chang nguta chongto.

Matthew 14:33

Kiijiishe lai mong na ngati ajaqshisetiim thun raq Jesuq ka, “Tengto, ümniika Shiikeawe Se dea!” ngutiishe shomnoqto.

Matthew 2:2

Raüta akha waito, “Jehudinok hokhamwe ma jati no dotaq kra ümchaü ümbano? Naishiq raq apaiq raiqsaiqpo ka shedong mung nü na atiiji arki chhi kai. Kra chhi laita naishiq ka apaiq shomnoq kai ana kikai.”

Luke 2:16

Krai mren, tsangshiq ka taülaü khiq she, Bethlehem na wawanto. Raüta, Meriq nai Joseph ka humto. Kiimaq, noshii ka minsaü pin na weraü dea chhi wato.

Luke 2:38

Kra akhing bala riikhaqli, apaiq ka Shomjam na saükito. Raüta, noshii miitu, Shiikeawe ma kechu tumto. Kiimaq, Jerusalem ka Shiikeawe raq maiqjaq khon mong wa mitiichhii kuq nguta kamwan raüta khe wanti ma, noshii rilung manphan kra chongkuqto.

John 19:39

Kiimaq aphaji na rawa na, Jesuq phana riihumkaiti we Nikodemas kriimin, Joseph rai wadamto. Raüta, apaiq raq süse tapan win ahomwiq phan, maiq maa na nyatke chang phan kriika tok roqtsam tin howan raüta wato.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.

Revelation 5:8

Apaiq raq kra jaüri, atra ngamkaü blai nai nyungwere roqnai ri blai ka, Skuse khaki na hiq na bumrang riito. Tsangshiq khumtek jaq na toropo nai chaq winpin shamraqraq riito. Chaq winpin niika, Shiikeawe sengi achu jaü honglu homseng athü, asho awo amachhaq riito.

1 SAMUEL 10:27

Shatmaq maiq wiijamti pantlat na siti raq akha nguto, “Riita arwe raq nashiq miitu shamhea kaiwa ka misham lot shea?” Krai mren tsangshiq raq Saul ka shipoqto. Kiimaq tsangshiq raq apaiq ma jamlai kongphiq min kuq wan mak riito.