Matthew 2:11 - Hawa Naga Bible 2001

¹¹ Tsuinghez kuex kvruex yuimx kvyuq nyuip wvnc koq tueq, kvruex nox kuex vnyuiuz Mary rulc vdvmz nuex khiz vtueq, tsuinghez kuix tsvrung nuex bumx ruiux vpiq muex nawk palx wuez tueq. Miqmac khak kuex daz vtueq vpiq muex kuimshawx, loban nuiyc murra htenc maq yauk noalc kuq wuez tueq.

ASII LAKDAP Bible (BSI)

¹¹ Tsangshiq ka kiijaq saü raüta jam mong na wato. Kiimaq no ka anyung Meriq rai chhito. Raüta tsangshiq ka lakü maq nga raüta apaiq ka shomnoq wanto. Kiimaq tsangshiq raq ahoho kongphiq chaq, pechong mong wa alam homseng tsai, kiimaq penaihomseng thop kra tsangshiq thongkhiiq mong wa lam raüta, no jichong niishe kai shreng raüta tokuq wanto.

Muklom

¹¹ Ning himmong thináng nop eq unu Mary jak wang nijangsa tha khi eq piq tha shumnuk ta. Ning sungrang eq ngintit tha lak eq piq ma hun aa cha, shongnol etho atim angam tang tha kotta.

Matthew 2:11 Referencias Cruzadas

RAPHA HIQWA LAK 43:11

Tsuingshiq waz rueq jungx kuq tueq kuex, “Kvkhoc ngoz ruiux yuq kuex vkhoc ruez shuinz, Kanaan mungx wawc dung yaq vhvlx pinhtumc phvnx basam thuey raungluingx, nyaq ngurx raungluingx, vhomc vtumc phvnx, pistachio thuey, mvkhoc thuey kuex honoc waz muex yauk noalc kuy muex gurx kuq laq shuinz.

1 HOKHVMX 10:10

Piq rueq Hokhvmx Solomon muex yauk noalc vlvmz laq kuimshawx kilogram 4,000 jvnc, vhomc vtumc phvnx htenc nuiyc lungsex paunghvlc kuex kuq tueq. Solomon muex piq rueq kuq tueq vhomc vtumc phvnx kuex hokhvmx waz rueq mkaq muinz pattup lvp wvnc tueq yauk noalc htauk nuex muinz vpaung pinhtumc rvtueq.

1 HOKHVMX 10:2

Piq kuex piq yix phvnc naungc jix miq phungc tuimz shiz rulc vdvmz kamel htenc nuex vhomc vtumc phvnx, lungsex htenc nuiyc kuimshawx paunghvlc tvdaungc laq vtueq shvlx laq tueq. Piq kuex Solomon rulc rvhumc vtueq, piq rueq tvmaung laq tueq htenc kuex wisoz tueq.

Tvtsvmc 2:12

kvkhuirc yaq maq vpiq muex bumx wuez kuinz; kvkhoc rvmuq ngoz ruiux vpiq thuinkhvy kuex yauk lox kvtenc kvsvmc wvnc vtueq, nuimshiq kuex huingc rvhek laz maq dvyx thueyc wvnc tuinx. Tvkhup wungx kuy tvkoc vpiq kox nuex httuiuc kay jix hez kuex thuinhvlx wuez yaq.

Tvtsvmc 45:8

Mkhvy htenc kuex murra nuiyc aloes htenc homc tumc hvlc; vtuimc vtvlc jix htenc rueq muinz jawz wac maq vtvmarc khak hokhvmx hoc htenc nuex mnoz muex tuimz tvlx tvtsvmc wuez yaq.

Tvtsvmc 72:10

Spain mungx nuiyc julc lomz htenc wawc hokhvmx bix rueq piq muex yauk noalc kuq wuez shuex; Sheba nuiyc Seba mungx wawc hokhvmx bix rueq piq muex shomc kuy juing yauk noalc htenc lvmz kuq laq shuex.

Tvtsvmc 72:15

Hokhvmx waz kuex rullungx mluz kueq! Sheba mungx wawc kuimshawx kuex yauk noalc mlvp wvnc shueq; piq tvkoc vjux thoz jix htenc rueq vkhing ruip rawx mthoz kuq shueq; Tishox kejux htenc piq htauk nuex mkaq muinz mhttax kueq!

Tvtsvmc 95:6

Kaz wuez luit, naungshiq rueq vpiq muex bumx vtueq nawk wuez ix; naungshiq Tvdungc Sungc jix Yehowa khaungkac nuex kuix tsvrung maq bumx wuez ix!

DUNGWVNC 30:23

“Murra puiz kilogram 6, vhomc tumc hvlc tsuingkuix ruingx kilogram 3, shuip saz pvnx kilogram 3,

DUNGWVNC 30:34

Yehowa rueq Moshe muex ngoc, “Vhomc vtumc phvnx rvtueq stake, onicha, pvnchic, loban kvruex lix htenc kuex rv-ngvlc phok shenc vtueq taq shuiuz.

ASHICHONG 3:6

Murra, Loban nuiyc pvkac pvylvyc jix rueq vshaung kuq, vhomc vtumc phvnx ruip saz kuex wvr khuiuq tuz ikhoc, kumtsvy tvnx maq dung yaq kuex yvmx lac rvtvnx?

ISAIA 60:6

Taungshaungc kamel kung yungx kuex Midian nuiyc Epha mungx wawc waung vtueq nyvmc wvnc shuex. Tsuingshiq rueq Sheba mungx wawc kuimshawx nuiyc vhomc vtumc phvnx kuex wvnc shuex. Yehowa rueq shuimx wvnc tueq thuix thaungx vhvlx kuex miq htenc rueq jungphvnx shuex!

LEWI 6:15

Kvruex yimaq vruiy vwungx lotlaz maq shomc kuy tvraung nuex shomc waz rueq wungwanx yaukkhunc shiz, vpuiz tix raungluingx nuex vhomc vtumc kuex lvmz vtueq, shomrawx htauk nuex wvr maq jauk ruiux Yehowa muex shomc kuy rax. Kvkhoc shomc kuy homc tumc kuex Yehowa rueq raungc raq yaq.

MALAKI 1:11

Mungkawx tvsuip baungshiz maq vganc baungshiz nuex httuiuc laz httax yaq miq htenc rueq ngaz muex tvtsanc nganc wuez yaq. Tsuingshiq rueq ngaz muex vhomc vtumc phvnx kuex baung ruip saz nuex jauk ruiux vraungc raq juing shomc nawk juing htenc shomc kuq yaq. Tsuingshiq lotlaz rueq ngaz muex tvtsanc nganc wuez yaq!

Matthew 1:18

Yesu Christu jawx kaz tueq lvmz kuex vkhoc rvtueq, vpiq nyuiuz Mary kuex Yosep rueq vtvkvp taq nyuiuz rvtueq, tsuingnueyc vroc max httax shauk nuex dvyx piq nuex Vsawc Siyac maq vlvp wvgvnz rvtueq.

Matthew 12:46

Yesu kuex miq htenc rulc kvjak thuiyc yaq nuex vnyuiuz nuiyc vnox hez kuex httuiuc kaz vtueq vpiq rulc rvbomc muex kvlc htaq nuex jvp tueq.

Matthew 14:33

Kvkaq lix mungx nuex httax yaq sangac hez rueq vpiq muex bumx vtueq nawk palx ruiux, “Mnoz kuex vsuing Tishox Saz doc rvtoq,” ngoz tueq ngoz wuez tueq.

Matthew 2:2

vkhoc wiz tueq, “Yuda Hokhvmx yaungc tvkoc jawx kaz tueq nox kuex m-yuq lac? Shaldungc mungx nuex vpiq ruiysuiyq dung tueq kuex nuiyshiq rueq khiz lvp vtueq, vpiq nawk palx kay nuiyshiq httuiuc kaz tiq,” ngoz tueq jungx tueq.

Luke 2:16

Kvkhoc rvtueq tsuinghez kuex lvmx lvy waung wvnc vtueq, Mary nuiyc Yosep muinz mansuiux pankhuix nuex woalc yaq nox kvmuinz khiz tueq.

Luke 2:38

Nox kuex lekuy baunglaung kvruex yalxjuik nyuiuz kuex nyuip waung vtueq Tishox kejux kuex tvtsvmc tueq. Kvmaq Yerusalem ghaq kuex palc wvnc shuex ngoz tueq thuinz tvluimc jix miq lotlaz muex nox lvmz kuex phvnx jvnx jungx kuq tueq.

John 19:39

Kungkhux nuex laukshiz Yesu kox nuex raungnyauk nuex guilc kay jix waz Nikodemu rueq muinz murra tix nuiyc Aloes maq vshot vhomc tix kilogram 30 kuex lvmz laq vtueq Yosep rulc vdvmz kaz naungx tueq.

Revelation 19:10

Kvkaq ngaz rueq piq yaz phaungx nuex bumx vtueq nawk palx dvnc tauk, yuq muinz raungkamx waz rueq, “Kvkhoc nauk nawk kaz! Ngaz kuex mnoz nuiyc mphuz mnox hez maq phaungc vtueq, Yesu rueq jungphvnx wvnc tueq tsuingrux lvmx phvnc jix htenc rulc shuimc shiz kayshiz jix nvrc waz dvyx rvtauk. Tishox muex dvyx nawk palx shuiuz!” ngoz phuex. Yvmx khoc lac ngoz ruiux lec Yesu rueq jungphvnx tueq tsuingrux bomjungc maq jix shvmmax bix muex rawshvmx tvwaung kuq yaq.

Revelation 5:8

Kvkhoc lvmz gay koq tueq ngvmx saz bvlic nuiyc walaungx waz roknueyc rac waz bvlic rueq torox htenc maq muinz, Tishox miqsaz hez vjux thoz bomc ngoz yaq vhomc phvnx mvrc yaq kuimshawx kok htenc muinz shuimx vtueq Khelbuenx Saz khaungkac nuex bumx wuez tueq.

1 SAMUEL 10:27

Yuq muinz khuec guez miq wvyvmc rueq, “Vruex waz vraq naungshiq muex vhvlx phvnx shuimx kuq lot phuex haz?” ngoz tueq ngoz wuez tueq. Tsuinghez rueq Sholu kuex wvlc guez waqguez raz tueq yvmx yauk noalc muinz kuq noalx wuez muq.