Matthew 19:9 - ASII LAKDAP Bible (BSI)

⁹ Ara chong wan tlaq krai mren, ngi chongpha, jurwa tsang-nyung ka maiq rai sethoq jaki mak shatmaq miimbaiq tlaq, raüta apaiq raq nyungnye she lam tlaq, kra raüla, apaiq raq maiqchak rai sra sumrai kha tang tlo ngushat she.”

Hawa Naga Bible 2001

⁹ Nuimshiq muex ngaz rueq jungx kuq ix, miqmac taungnyuiuz kuex sahtok sapawx yaungc mvrax ningkhvnc nuex rvmuq maq, vganc mvrax ningkhvnc nuex mamc gay ruiux, nyuiuz nyalx lvmc jix waz ukhaq yuq muinz miqjuik senc wvnc jix waz rvtueq,” ngoz tueq jungx kuq tueq.

Muklom

⁹ Nga nim ma batphang, ashey miqwa uhimteynu aa sathuk jaksom moq ang eq adak raaq ma piq tha wapak kho eq, adak miqnu wey kap ajo, eshi miqwa shey sathuk somlo aa.”

Matthew 19:9 Referencias Cruzadas

RAPHA HIQWA LAK 20:3

Rawashi Shiikeawe ka apaiq phana rawa ma maq tiichhikito. Raüta akha nguto, “Ümniika atsai she mirhaü. Jamkhano ngukla ümniiraq arnyung ara lam wan laü. Apaiq ka maiq ma awa wishe, maiq-nyung.”

2 KAÜWA WERAÜ 21:11

Apaiq riika Juda mung na kin thun kiijaq thatsang chang shomjam thun haito. Raüta Juda mungti nai Jerusalemti ma Tatiwe man na ngarai pahea tiitangto.

JEREMIA 3:1

Tatiwe raq ngutlo, “Riita maiq weshi raq tsang nyung ka amiim mirbaiq. Kiimaq kra junshu nyung ka tsangwe baiqthü raüta maiq weshi miishe miwa wan. Raüla wechüwe raq tsangnyung rom kai nong maimak she. Akha singa raüka mung ka wiita ashe shekhiq miishe mijaki. Shatmaq Israil lei, ümniika ümwesetiim maiq apawiq rai she silaü. Riita ümchaü ka ngi phana hali jang wan nong rotlaü!

JEREMIA 3:8

Juda raq ngi raq Israil ka miimbaiq kang she. Lata ijam wa jobaiq kang. Jamkhano ngukla apaiq ka iwokhong wa juho raüta mephe-nyung miishe jakito ngutiimin sapshat. Shatmaq Israil nyino nyung sethoq nyung Juda ka ahaisi ka ahü. Apaiq kiimin mephe-nyung ma jakito.

EJEKIEL 16:15

“Shatmaq ümshamhea nai ümmang chong tsaki kra chhi laüta, wanwe ümphana juwa lamjap jap wan tlaq kriiti thun loweatek rai changshi na akon anga wan dam nguli li siwan laü.

EJEKIEL 16:29

Ümniika laopan jatinok, Bebilon mungti rai she mephe jawan laü. Shatmaq tsangshiq riimin ümtsan ka hea mak dea.”

EJEKIEL 16:8

“Ngi jangshi ri hali kra lam maq alea wan chakang. Kiimaq Ngi raq ümniika maiq ma wacho she khana nguta liikang. Ngi raq ümkhum kheahü ma kra isamtong jong kaü kriimaq pangkuq kang. Lata ümniika milungwii kang nguta kiqkham kuqkang. Tengto. Ngi raq ümniika ijamti nyung ma nguta jaqkhaq raü tiipakuq kang. Krai mren, ümniika ijamti nyung miishe jaki laü.” Arka, Tati Rakaü Hiqwe raq ngutlo.

Matthew 19:10

Kra tai raütiishe, ajaqshisetiim raq treto, “Atawe raq ata-nyung ka sumrai tang kha niili mimiim baiqlot chang jiika, maiq lamhü maq siraü jiikhoti ahea miraq.”

Matthew 19:8

Jesuq raq treto, “Mosheq raq namshiq ma chakmiim aming kuq wantaq kriika, namshiq tsantsii ka tsinhea, atiitsiilot chang riimak kha maq ara aming kuq wanto. Shatmaq rapha hiqwa akhing na, akha ka ahü riito.

Matthew 5:32

Shatmaq ümchaü ngi raq namshiq ma chongpha: Jurwa tsang-nyung ka maiq rai sra mak shatmaq, laihin khü akha ka nyan raüta miimbaiq tlaq, kiimaq apaiq raq miimbaiq jai she, tsang-nyung ka maiq wenye miishe wawan raü la, tsangwe wechüwe raq tsang-nyung ma maiqwe rai sra ngarai kra tiitang wan ma mija. Kiimaq tsangwe wenye we riimin, maiq-nyung rai sra ngarai tang ma mija.”

Luke 16:18

“Jurwa achak ka miim raüta, nyung nye she lamho tlaq, kriika sipe jawan ngarai tangtlo. Kiimaq jurwa junshu nyung kra romtlaq, kriiwe riimin sipe jawan ngarai tang wan tlo ngushat.”

1 Corinthians 5:1

Riita ngi raq riikhaqli tsütsa taiwan kang, namshiq phong na pinthum sethoq jatlan ngu wa. Arka ni na walot chang riimak. Thatsang maiqse raq ngu raü min ashut dea mingu. Ngi ma tsütsa ka akha chongto. Maiq weshi ka asai, awe tanyung rai hai nga tlaq nguwa!

1 Corinthians 7:39

Maiq ma waje nyung maiqchak she sitlaq kriika, awese atra sitlaq wiiwii, apaiq tsiitsii maq silot mak. Shatmaq awese tsaikai jai she riiwe kla, apaiq raq ümriiti wa lungwii tlaq, kriiwe ma wawan mimai. Shatmaq tiina kriiwe ka Phungmaiqse riichang.

1 Corinthians 7:4

Atanyung ka akhum thaq na atati ka riimak. Shatmaq tsangwe ka atati. Kiikhiisii hali awese ka, akhum thaq na atati ka jalot mak. Shatmaq tsang-nyung ka atati.