Matthew 19:10 - ASII LAKDAP Bible (BSI)

¹⁰ Kra tai raütiishe, ajaqshisetiim raq treto, “Atawe raq ata-nyung ka sumrai tang kha niili mimiim baiqlot chang jiika, maiq lamhü maq siraü jiikhoti ahea miraq.”

Hawa Naga Bible 2001

¹⁰ Vpiq sangac bix rueq, “Vtaungx waz nuiyc vtaungx nyuiuz hvlwvl nuex kvkhoc yaungx ruiux kuex rvlvmc muq maq httax ruiux waz vhvlx rvtuex,” ngoz tueq.

Muklom

¹⁰ Ujiphantey tang aa Jesu ma batta, “Miqnu miqwa jaktung na irimal ang ajo, tharik hung aa tong sha aqhal.”

Matthew 19:10 Referencias Cruzadas

RAPHA HIQWA LAK 2:18

Raütiishe Tati Shiikeawe raq tiingoto, “Maiqwe ma apaiq laq laqseli si ka peo mak. Ngi raq apaiq khrumti kongti riikhaqli ashi mikloha.”

TAKSU LAK 18:22

Jurwa ajamti-nyung hum tlaq, kriika ahea phan humto, kriika Tatiwe khrum riito.

TAKSU LAK 21:19

Abot atsaü nai abat abu wali, nyung rai jam shi na sinam miika, rumnyangkhi kumtsaiphii na, maiqmii laqlaq kaishak shak, siphaq ka ahea.

TAKSU LAK 21:9

Abot atsaü tamli nyung rai, tapshi na sinam miika; chüjung na ngawa ka ahea lin.

Matthew 19:11

Kiijiishe Jesuq raq treto, “Ara chong tiikang tri arka tarü pili miitu ka riimak. Shatmaq Shiikeawe raq ju miiwa ara kongphiq ara kuq taq, kriiti riili milang lot.

Matthew 19:9

Ara chong wan tlaq krai mren, ngi chongpha, jurwa tsang-nyung ka maiq rai sethoq jaki mak shatmaq miimbaiq tlaq, raüta apaiq raq nyungnye she lam tlaq, kra raüla, apaiq raq maiqchak rai sra sumrai kha tang tlo ngushat she.”

1 Corinthians 7:8

Riita, ümchaü namshiq junriibi nai noriibi ma kiimaq manti-nyungre nai mantiwere ma, ngi raq bom chongke chang ka arli. Namshiq ümchaü jamkho ngi sitiikang akha pumsii sitlan, kiikhiili namshiq min siwan han jiika ahea miraq.

1 Timothy 4:3

Tsangshiq riika, Phungmaiqse raq maiqlam min raa mak she, nguta traho kuq tlo. Kiimaq maiqse raq aphaq asea chang phan wiijam ka, phaqsea raa mak, apii nguta shrin kuq tlo. Shatmaq, ara chongtiikai phanrap aphaq asea chang thun arka, Shiikeawe raq maiqse raq aphaq asea wan miitu, aphan sang kuq wan. Kiimaq nashiq ka Phungmaiqse. Shiikeawe ma kam laita sitiikai. Kiimaq tengteng tsütsa asapti miika, phanrap phaq nai sea phan sitlaq kriika, Shiikeawe ma kechutum ramram achu jaü laita, phaqsea chang li.