Matthew 16:16 - ASII LAKDAP Bible (BSI)

¹⁶ Kiijiishe Simon Petar raq treto, “Ümniika atra Shiikeawe Se Messia.”

Hawa Naga Bible 2001

¹⁶ Simon Peter rueq tvralc tueq, “Mnoz kuex Mesia, vtvraungx httax yaq Tishox Saz rvtoq,” ngoz tueq.

Muklom

¹⁶ Simon Peter aa batta, “Nang raa Khristo, atharang Shkewa Miqwasa.”

Matthew 16:16 Referencias Cruzadas

Tvtsvmc 2:7

“Tatiwe raq aming kuqtaq kra ngi raq mitiitaiha” nguta hokhamwe raq ngutlo, Apaiq raq ngi ma nguto: ‘Ümniika ise; ümchaü ranaiq ngi ka ümwe miishe jakikang.

Tvtsvmc 42:2

Imongjii raq ümniili rittlo, atra Shiikeawe lei; ümtincho wa kilata ümniika mishomnoq ha?

DANIEL 6:26

Ngi raq ara imungtan na siti mungmaiqse wiita ma, Daniel Shiikeawe kiima haisong tsantsii thü raa, kiimaq apaiq ka shreng raa nguta aming kuq tiikang: “Apaiq ka atra Shiikeawe, kiimaq apaiq riili pattup pat-sa, mung mipeng. Apaiq mungtan ka pattup thenki mak phan, kiimaq apaiq ningkun ka ümtiikiimin thummak phan.

Matthew 1:16

Kiimaq Jakob se ka Joseph, Meriq lamti we kriishe. Meriq ka Khristo ngutlaq Jesuq ma anyung.

Matthew 14:33

Kiijiishe lai mong na ngati ajaqshisetiim thun raq Jesuq ka, “Tengto, ümniika Shiikeawe Se dea!” ngutiishe shomnoqto.

Matthew 16:15

Kiijiishe, “Riita namshiq riiha? Namshiq raq ngi ka ju nguto tiima tlan?” nguta apaiq raq ajaqshisetiim ma hali wainongto.

Matthew 26:63

Shatmaq Jesuq ka kaiqshakli riito. Kiijiishe Ramwe Ajong Pinthum we raq jangshi ri hali, tumkhamkok ka toraütiishe, Jesuq ma hali akha ngutiishe bom ka tiitsa wai nongto, “Ümchaü ngi raq ümniima atra Shiikeawe mang na tumkham kok tolata bom waipha: riikhaqli chong laq. Ümniika Messia dea sha? Ümniika Shiikeawe Se dea sha?”

Matthew 27:54

Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.

Matthew 4:3

Kiijiishe, Thawe ka apaiq phana waraüta, “Riita ümniika Shiikeawe Se dea jiika, ara longpo thun ara winsii ma tiija laq,” nguta maitaito.

Mark 14:61

Shatmaq, Jesuq raq tsangshiq bom ka poshi dongdii min tre mak, kaiqshakli riito. Kiijiishe, Ramwe Ajong Pinthum we raq, Jesuq ma bom ka akhiishe hali wai nongto, “Riita ümniika shiiman Shiikeawe Se Khristo dea sha?”

Luke 2:11

Ümchaü rawa, Dawit chela na namshiq Chhiiti we, Tati Khristo chiito.

John 1:49

“Shrinketi we, ümniika Shiikeawe Se kha na! Israilnok Hokham we ahata!” nguta Nathaniel raq apaiq bom ka treto.

John 11:27

Kiijiishe, “Tatiwe, kamtiikang! Ngi raq ümniika Khristo, kiimaq Shiikeawe Se, ara mangjong hiq na misaüki nguta chongtlaq we kra, nguta kam tiikang,” nguta apaiq raq Jesuq bom ka treto.

John 20:31

Shatmaq, arjaq waiq kang thun arka, namshiq raq Jesuq kiidea Khristo, kiimaq Shiikeawe Se nguta mikam laq kiimaq apaiq ma kam tlan kra lümaq, namshiq raq rilung milap laq nguta waiq kang.

John 6:57

Tsitsü raüchong rümti atra Awejong raq ngi ka ana tiikito. Krai mren, ngi min atra sitiikang. Kiikhiisii hali, jurwa i ngam phu ara phaq siq tlaq, kriiti ka ngi lümaq atra she misi wan.

John 6:68

Kiijiishe, Simon Petar raq Jesuq bom ka treto, “Tatiwe! ümniika miimbaiq thü laita, naishiq ka jujai she wa miphan hai? Ümniili pattup pat-sa rilung tsitsü raü shamti we.

John 6:69

“Riita, ümchaü sanha naishiq raq ümniika Shiikeawe raq atiiki Asii Maiq Se nguta kamwan tiikai.”

Acts 14:15

“Namshiq raq ara jamlai ngarai wa tangho lan? Naishiq arka namshiq kiikha maiqse siili! Naishiq ka arjaq namshiq ma Tsütsa Ahea tiitaike wa nguta wakai. Namshiq ka ara thiihü sumla phra shomnoq lam phan tlan arwa, atra Shiikeawe ra nai hiq kiimaq sammoktra jü kra phansang wantiwe kiimaq ra nai hiq na phanrap diim tlaq kra tiiqti we Shiikeawe wokhong niishe shang wan tlo ronglaq, nguta tsütsa chongke wa tiina wakai.

Acts 8:36

Tsangnai ka lamphan phan akaiho nguli kihoto. Tsangnai ka akai rai lam maq, bashi na khamchum ashi chhito. Kra chhi raütiishe, siihiip jong we raq Philip ma chongto, “Riita, ümchaü arjaq kham min asi ahata. Ngi raq khamlam miitu ka pahea rangra rai chang min asi sha?”

Acts 8:37

Kiijiishe, “Ümniiraq ümtsan tsii wiita maq kamwan tlaü jiika, ümchaü li khamlamke wan mimai,” nguta Philip raq apaiq bom ka treto.

Acts 9:20

Kiimaq, apaiq raq sinagok thun kiijaq kokkok wawan raüta, Jesuq kiidea Shiikeawe Se nguta trahokuq pha wanto.

Romans 1:4

Kiimaq apaiq wenyi khum kriika, asii Shiikeawe Se. Apaiq ka asii Shiikeawe Se dea nguta tiichhike wan miitu, Shiikeawe raq apaiq ka amaa wa ningkun jonghea maq tiidong wanto.

2 Corinthians 1:19

Silas, Timothi kiimaq ngi raq namshiq ma Shiikeawe Se, Jesuq Khristo tsütsa ka chongkuq wan kai ihata. Kra tsütsa ka Tengteng bomtsi wa, Tengmak bomtsi miika klaiki mak phan. Jesuq Khristo ka pattup miitu Shiikeawe raq atiiki “Tengteng Bomtsi.”

2 Corinthians 3:3

Namshiq ka Jesuq Khristo raq awaiq lak, naishiq lümaq atiiho sitlan. Riita, ara lak arka laktai maq awaiq ka riimak. Shatmaq, atra Sitiwe Shiikeawe Asii Wenyi maq awaiq. Arka longdam thaq na awaiq ka riimak. Maiqse mongjii na awaiq.

2 Corinthians 6:16

Shiikeawe asii shomjam ka thawe makchuk jam rai apong dam chang lamlu min asi sha? Nashiq ka atra Shiikeawe sichang shomjam ahata! Shiikeawe raq akha chongto: “Ngi raq I jamjong ka I sengi rai mihai ha, Lata tsangshiq rai misiha, ngi ka tsangshiq Shiikeawe ma mijaha; kiimaq tsangshiq ka I sengi miraq.”

TRI CHONGKE 5:26

Maiqse ngusaq maiq ashi raq Shiikeawe ka walütu mong maq apaiq rai riibomtlaq kra taijai she, apaiq ka atra silot tlaq asi sha?

1 Thessalonians 1:9

Tsangshiq wiitarü raq, man na naishiq namshiq ma Tsütsa Ahea chongke wa saü wan kai akhing na, namshiq raq naishiq ka, kai tsapkap lanta tao wan lan irthun ira, ümchaü min tsaki wan ruq li tsaki tlo. Kiimaq namshiq ka amaa sumla phra noq lanta, sitlan shaqmii rilung lamphan wa, atra kiimaq riikhaqli Shiikeawe rilung lamshe phan wan lan. Kiimaq apaiq puk na nyap lan. Kriithun ka tsangshiq raq ümchaü min chongruq li chong tlo.

1 Timothy 3:15

Kiimaq, ngi ka ümkhiimiiwa jaqlo kiina saüthin wan mang la tiihit rotki ha jiila, ara lak na nashiq Phungmaiqse ka jamkhii singa chang wa, kra miitu tsii chongkuq tiikang ara lang rong laq. Nashiq ka Shiikeawe setiim. Jamshiti. Ara jamshiti ngutiikai arka, Shiikeawe setiim phungtu sitlaq kra ngo nangnga chongtiikang. Shiikeawe ka pattup pat-sa siwan ruq li. Shiikeawe manphan tengteng bomtsi ka, phungtuti raq thüda wan tlo. Kiimaq tum akhiiq na saiqsam wan tiikai ikha, kai shreng laita ahea wiq, tsapsaü kapse maq thü wan tiikai.

1 Timothy 4:10

Nashiq wiitarü, ara miitu pinthum hunnii tiikai. Kiimaq pinthum shiichaq laita minshiiq tiikai. Ara jamkhano chongtiikai ngukla, nashiq raq, nashiq ran tsantsii ka atra Shiikeawe jaqkhon mong na likuq kaishe. Apaiq ka maiqse angu wiitarü tiichhiiketi we, akhek ka apaiq ma kam tlaqti ka Tiichhiiketi we.

Hebrews 10:31

Riita, arthun ara ningkhan, atra Shiikeawe jaqkhon mong na dea wa ngutlaq kriika, pinthum haisi chang!

Hebrews 12:22

Shatmaq, ümchaü sanha, namshiq ka Jajon pum na, kiimaq atra Shiikeawe sichang chela ramungtan Jerusalem na, ahing amun rasetiim sitlaq, kiijiishe saü wan tlan.

Hebrews 3:12

Lungwii Phungmaiqse phunainotiim lei, namshiq phong wa jurmin tiima tsantsii ka abi naq thü rongkiq. Tsantsii abi thüti nai angiim boqshat maq siti ka, atra Shiikeawe wokhong wa adong mirho. Shiikeawe wokhong wa dongho man chang miitu, honkam shat maq si rong laq.

Hebrews 9:14

Riita ija, akha mrochhi raüta mra ka tiisii kuq tlaq jiika, Khristo raq, akhum ka honglu na kuq raüta, atiijai raübaiqtaq kriika wiitarü thaq na araa pinthum she! Apaiq raq akhum ka pattup pat-sa Shiikeawe Wenyi sitlaq kra lümaq, asii pinthum honglu she kuqto. Apaiq tiijai raq nashiq hon atsii, nashiq mong nai jii ara thiihü, thatsang tri kharü mong wa, apii ashan lang tiikai thungtri kharü mong wa tiisii kuq tlo. Arka nashiq raq, atra Shiikeawe ka tiima tsantsii khangriri maq shomnoq miitu she tiisii kuqto.

1 John 4:15

Jurwa Jesuq Khristo ka Shiikeawe Se dea nguta tantan maq kam tlaq, kriiti ka Shiikeawe rai pumshi hanshi maq sitlo ngushat. Kiimaq Shiikeawe kiimin apaiq rai pumshi hanshi maq sitlo ngushat.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.

1 John 5:5

Riita ara mangjong hiq tangti ka juwa? Jurwa Jesuq ka Shiikeawe Se dea nguta kamtlaq kriiti riili mitang lot.

Revelation 7:2

Kiimahali, ngi raq rase ashi hali shedong mung nü maq, atra Shiikeawe sil ka ajaq na sham raüta dong wanto chhikang. Raüta, apaiq raq hong raüta rasetiim blai, Shiikeawe raq mangjong hiq nai sammoktra jü ka shiithen baiq miitu, arang kuqtaqti kiima riimto taikang.