Matthew 16:16 - Muklom

¹⁶ Simon Peter aa batta, “Nang raa Khristo, atharang Shkewa Miqwasa.”

ASII LAKDAP Bible (BSI)

¹⁶ Kiijiishe Simon Petar raq treto, “Ümniika atra Shiikeawe Se Messia.”

Hawa Naga Bible 2001

¹⁶ Simon Peter rueq tvralc tueq, “Mnoz kuex Mesia, vtvraungx httax yaq Tishox Saz rvtoq,” ngoz tueq.

Matthew 16:16 Referencias Cruzadas

Matthew 1:16

Etho Jacob Joseph wa angta, bara Mary himteywa angta. Mary Jesu nu angta; Jesu sha Khristo angta.

Matthew 14:33

Waqwan o tongtey ujiphantey tang aa Jesu tha shumnuk eq batta. “Asing hun nang raa Shkewa Miqwasa!”

Matthew 16:15

Jesu aa ning ma pitta, “Nim aa chamta tathin inn? Nga utang ta nim aa bat inn?”

Matthew 26:63

Etharin Jesu shu shu tong ta. Req ajong tingwa tang solwa aa piq ma batta, “Nang Shkewa Miqwasa Khristo ang ujo, thang aa Atharang Shkewa miing o í ma bat ko phu.”

Matthew 27:54

Jesu bantey ralkoltey tang solwa ni adak ralkoltey tang aa haq kung shin etho chamlang angta tha khi eq, rapney cho eq batta. “Asing sing ira Shkewa Miqwasa angta.”

Matthew 4:3

Thangwa sha piq rel thináng ka eq batta, “Nang Shkewa Miqwasa ang ujo, iri long tang ri banlo angma bat u.”

Mark 14:61

Etharin Jesu raaq ashey tho raaq hunga shushu eq langta. Etho ajong tingwa tang solwa aa wey pitta, “Nang Shkewa Miqwasa Khristo i?”

Luke 2:11

Thaney saal o David samhaq na nim rangma thaluntey chang ta etho ira hun Teyhungwa Khristo.

John 1:49

Nathanael aa piq ma thawel batta, “Tatalteywa, nang raa Shkewa Miqwasa; nang Israel tang Lungwang!”

John 11:27

Piq aa Jesu ma batta, “Inn Teyhungwa, nga han eq phang, nang raa Khristo, Shkewa Miqwasa, bara mingkang náng katteywa tha nang raa.”

John 20:31

Etharin nim aa Jesu raa hun Khristo, Shkewa Miqwasa ta han ma etho han eq piq miing o rollung kap rangma iri tang witta.

John 6:57

Chamal atharang Iwa nga takat taphang, etho nga Iwa tungkang o atharang tong ang, eshimal utang eq ihanngam phaksa ajo i tungkang o atharang tong aa.

John 6:68

Simon Peter aa piq ma thawel batta, “Teyhungwa, í utang jamnáng ka ni? Pattuk rollung raaq tang bajak na hun.

John 6:69

Nang raa Shkewa Asang Miq ta í aa uhan sey ti etho usam sey ti.”

Acts 14:15

“Nim aa irimal cham ma somlo inn? Í ni tho nim mal miq. Nim jaksom qhaq moq tang wang, mungtan nia mingkang, jungshi, etho iri tang na tongtey tang thaji huntey atharang Shkewa jamnáng katma í ni aa tungtang qhal phanchan chey i.

Acts 8:36

Ning lam náng kachey atho, ning ni amaan jung rel náng thuta, ethi najaq aa batta, “Ira ro jung atha. Nang aa jung jin thalam pha mu i?”

Acts 8:37

Philip aa batta, “Nang thaji tin wang kam u jo jung jin lam eq u.” Etho piq aa thawel batta, “Jesu Khristo Shkewa Miqwasa ta nga uhan eq ang.”

Acts 9:20

Piq achal eq Synagogue náng kata etho Jesu raa Shkewa Miqwasa ta phanchan ta.

Romans 1:4

Etho Asang Tsija tarong o utik wang weyjey tungkang o piq sha Shkewa Miqwasa ta takhi ta. Piq sha hiqtang Teyhungwa Jesu Khristo.

2 Corinthians 1:19

Shkewa Miqwasa Jesu Khristo sha “Ang ang aa” nia “Ang moq” battey ang moq angta, etharin piq sha salwet “Ang ang aa” ta hun raaq aa. Silas, Timothy etho nga nim jaktung na piq tung aa raaq phanchan ti.

2 Corinthians 3:3

Ira jaqhal eq jin sam eq inn, Khristo piq ni piq aa wit ta iri likwit lo raa nim raa hun, bara wit eq í jak o takot taphi. Iri likwit raa jung eq wit moq angta, atharang Shkewa Tsija wang wit ta, etho long o ang moq miqna tinmong o wit ta.

2 Corinthians 6:16

Shkewa rangnuk him nia thongking miqtang shila sha chamal eq jin kara na? Chammatakoi hiqtang atharang Shkewa rangnuk him! Shkewa hun batta, “Nga i miqtang jamoq tong náng etho ning jamoq qhing náng; Nga ning Shkewa ang náng etho ning i miqtang angna.”

1 Thessalonians 1:9

chammatakoi nim aa í chamal lam o tho unong eq taphin ta ning aa bat aa. Nim aa atharang nia asing Shkewa jaksom rangma shila sha shing chak eq Shkewa ching náng chamal ka tin, eshi raaq sha ning aa bat aa.

1 Timothy 3:15

Nga karel ang jo nang aa Shkewa mondoli jaktung o chammal dangjang ching sha iri likwit wang usam eq ching. Shkewa himji sha atharang Shkewa mondoli, bara asing thòng aa bang mal.

1 Timothy 4:10

Hiqtang aa tsamnang eq som i chammatakoi hiqtang tungmang atharang Shkewa na ang aa, bara thaji miqtang ma thaluntey, etho thaji uhantey tang rangma tho thaluntey.

Hebrews 10:31

Atharang Shkewa jak tang na qhak sha rapney chopan raaq.

Hebrews 12:22

Etharin nim Zion haqkan relna, bara atharang Shkewa ajong samhaq etho mungtan Jerusalem, eshi relnáng thu taphin. Nim hayat rangkamwa tang sungrang shina thajoq tin.

Hebrews 3:12

I no ni pho tang, rangtun eq tong inn! Nim ma jashit etho kam moq tey nak cham ang aa, eshiwang nim atharang Shkewa ching wang ngik chuwang inn.

Hebrews 9:14

Iraa asing angta jo Khristo tahi tungkang o chamtan ajong jaksom sha angna. Piq ni piq tha khakla pinthong ma ang eq pattuk Tsija tungkang o Shkewa relna dan kota. Hiqtang aa atharang Shkewa sha nong ma, utahi wang hiqtang tin sha ngarey jaksom tang wang tasang na.

1 John 4:15

Chamtey Jesu Shkewa sa ta wungbat ajo piq Shkewa tinmong na etho Shkewa piq tinmong na.

1 John 5:20

Hiqtang ira tho usam eq i, Shkewa Miqwasa ka tapha etho hiqtang thaji ma thunglam kota phi, ethi rangma hiqtang aa asing Shkewa tha sam i. Hiqtang Asing Shkewa jamoq kara eq tong i; chammatakoi hiqtang Usa Miqwasa Jesu Khristo jamna kara eq tong i. Piq sha asing Shkewa, etho pattuk rollung.

1 John 5:5

Utang eq iri mingkang raa jin na? Bara Jesu raa Shkewa Miqwasa ta han aa ning aa chen jin aa.

Revelation 7:2

Etho nga adak rangkamwa atharang Shkewa tashat chol tha som eq saalkhong kowang ka pha tha khi táng. Piq aa eshi bali rangkamwa tang ma ring eq batta, barima mingkang nia jungshi sha tashit ma Shkewa tarong kotta.