Matthew 16:13 - ASII LAKDAP Bible (BSI)

¹³ Jesuq nai ajaqshisetiim ka Seseria hong na Philipia chela tho na wawanto. Kiijaq saü raüta apaiq raq ajaqshisetiim ma waito, “Mungmaiqse raq Maiq Se ka ju nguto riichongtla?”

Hawa Naga Bible 2001

¹³ Yesu kuex Kesarea Philipi hong nuex httuiuc kaz tueq nuex vpiq sangac hez muex, “Miq Saz vruex miq rueq ukhaq ngoz tueq lac ngoz yaq nguinx?” ngoz tueq wiz tueq.

Muklom

¹³ Caesarea Philippi samhaq rel mung náng Jesu ka atho, piq aa ujiphantey tang ma pitta, “Miqtang aa Miqna Sa ma utang ta bat aa?”

Matthew 16:13 Referencias Cruzadas

DANIEL 7:13

Kra rawa ma riishammak maq chhitiikang liipan niili, Ngi raq maiqse ikha, apaiq ka phumda mong na, ngi phana akai rai chhikang, raüta apaiq ka pattup pat-sa sitiwe phana wato, kiimaq apaiq ka kriiwe phana shea wanto.

Matthew 12:32

Jurwa Maiq Se ma ngengseng kiqshut tlaq, kra ngarai ka adiike mimai. Shatmaq jurwa Asii Wenyi ma ngengseng kiq shuttlaq, kriika ümchaü pat niimin kiimaq jai na pattup pat-sa saüho tlaq akhing niimin diikuq lot mak miraq.

Matthew 12:40

Jona ka ngiq wok mong na awa watsam anaiq naiqtsam siwantaq kiikhiisii hali, Maiq Se kiimin anaiq naiqtsam awa watsam hiqmong nyang na misi.

Matthew 12:8

Ara jamkhano chongtiikang, Maiq Se sitlaq kriikata Asii Niitiitsak ranaiq thungtri Rümtiwe.”

Matthew 13:37

Kiijiishe Jesuq raq akha treto, “Tsamlai ahea jangkaiti we ka Maiq Se kra nang ngutlo.

Matthew 13:41

Kra akhing na Maiq Se raq apaiq rasetiim ka mitiiki. Raüta rasetiim raq Shiikeawe man na maiqse thungtii wan tlaq kra phong mong wa, maiq ümriiti riiwa nanok ka Shiikeawe wokhong wa, lamjiq nü na sheahotaq, kiimaq tsangshiq maiqmii kiimin lamjiq nü na kihowitaqti thun kra wiita adam na mirchom wan.

Matthew 15:21

Kra jai maq Jesuq ka kiiwa tiido wan raüta Tajar nai Sidon chela binjü thotho niishe wawanto.

Matthew 16:27

Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.

Matthew 16:28

Ngi raq namshiq ma chongtiikang arka tengteng. Ümchaü namshiq sitlan phong arwa maiq wiijamti raq Maiq Se ka mangjong maiqse kunli langkai Hokham jakai akai rai chhi mak wiiwii tsai mak miraq.”

Matthew 25:31

“Ümra akhing niiwa Maiq Se ka Hokham ma jaraüta rasetiim rai she saüho tlaq, raüta apaiq ka ahokham ngachang ngacho kiijaq minga,

Matthew 8:20

Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

Matthew 9:6

Ikhiijiila, ngi raq namshiq ma, Maiq Se riika, mangjong hiq na ngarai diike wan miitu arang ho tlo nguta tiichhikuq pha,” ngutiishe tsangshiq ma chongto. Kra chongtaq krai mren, apaiq raq ahan ama arki we ka, “Tiidolaq, chap laq, laüta ümdamsii ka kom laq, laüta ümjam niishe wawan laq!” nguta thaüto.

Mark 10:45

Ara jamkhano chongtiikang ngukla, ara mangjong hiq na Maiq Se saüki taq arka, mangjong maiqse raq apaiq ka mishli lii laq nguta aki riimak. Shatmaq, apaiq ka maiqse shiililii kai, kiimaq apaiq miisaq kra kuq raüta, mangjong maiqse kra dokda kai nguta kito.”

Mark 8:38

Ümchaü pat ara sethoq sepii ja pat, kiimaq abi ngarai lamphan pat. Riita, akha pat abi akhing na, jurwa ngi ma kam ma ajiasi riiwan tlaq, kiimaq, i bom chong ara nanok ma chongke miitu ajiasi riitlaq, kriiti miika, ümtiikiiwa Maiq Se ka, Awe khushü liliim ngao jonghea kra ho raüta, asii rasetiim rai she saüho tlaq, kra akhing na, apaiq raq kriiwe ka atiishaü mirbaiq.”

John 1:51

Kiimaq apaiq raq, “Ngi raq chongtiikang arka tengteng. Ümchaü sanha namshiq raq mungtan kilü ka tiidishat she michhi han. Kiimaq Shiikeawe rasetiim ka, Maiq Se khuthaq na akiti aki, awati awa, adü asat, akhum ashiim she michhi han,” ngutiishe tsangnai ma chong kuqto.

John 12:34

Kra tai raütiishe, “Nashiq Thungtri na Khristo ka pattup misi nguta chongtlo ihata. Shatmaq, ümniiriika Maiq Se ka ra na tsom chang dongdii miraq ngutiika jamkho ngutlaü? Riita, ara Maiq Se ngutlaü arka juwa?” nguta mungmaiqse phong thung tlaq kriiraq Jesuq ma bom ka waito.

John 3:14

“Mosheq raq kumtsaiphii maq koti ngam maq ahai paü sumla ka lükii na tsomtaq, kiikhiisii hali, Maiq Se armin tsom chang dongdii miraq.

John 5:27

Kiimaq Awe raq, Ase ma kha phoke wan arang ka akekun she. Ara jamkhano chongtiikang ngukla, ngi ahata Maiq Se.

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 7:56

Krai mren, “Liirong laq! Ngi raq ramungtan kilü ka atiidi raü chhi tiikang. Kiimaq Maiq Se ka Shiikeawe ma jaqtsi nü na chap raü chhi tiikang!” nguta Stephen raq chongto.