Matthew 16:13 - Muklom

¹³ Caesarea Philippi samhaq rel mung náng Jesu ka atho, piq aa ujiphantey tang ma pitta, “Miqtang aa Miqna Sa ma utang ta bat aa?”

ASII LAKDAP Bible (BSI)

¹³ Jesuq nai ajaqshisetiim ka Seseria hong na Philipia chela tho na wawanto. Kiijaq saü raüta apaiq raq ajaqshisetiim ma waito, “Mungmaiqse raq Maiq Se ka ju nguto riichongtla?”

Hawa Naga Bible 2001

¹³ Yesu kuex Kesarea Philipi hong nuex httuiuc kaz tueq nuex vpiq sangac hez muex, “Miq Saz vruex miq rueq ukhaq ngoz tueq lac ngoz yaq nguinx?” ngoz tueq wiz tueq.

Matthew 16:13 Referencias Cruzadas

Matthew 12:32

Ashey miq eq Miqna Sa ma jashit raaq ajo piq ma tolchak eq na, etharin ashey miq Asang Tsija ma jashit raaq ajo, piq aa tolchak kap moq angna! Iri mingkang etho ukat ang pha mingkang sho tho piq aa tolchak kap moq angna.”

Matthew 12:40

Jonah ajong ngaq mongna rangwung saltom etho rangpal paltom tong ta, eshimal hun Miqna Sa sha tho rangwung saltom etho rangpal paltom mingkang mong o tong ching angna.

Matthew 12:8

Chammatakoi Miqna Sa Sabbath saal ma tho Teyhungwa.”

Matthew 13:37

Jesu aa thawel batta, “Aqhal cham li wontey miq sha Miqna Sa!

Matthew 13:41

Miqna Sa urangkamwa tang takat na etho ning aa thaji ngarey jaksom somlot tey tang ma etho thaji jashit jaksom somlot tey tang tha piq mungtan wang latchak na.

Matthew 15:21

Jesu ethi haq tha shing chak eq, Tyre ni Sidon samhaq tang mung náng kata.

Matthew 16:27

Chammatakoi, Miqna Sa urangkamwa tang jamoq, uwa phun amun o kaa phana etho piq aa thaji miqtang ma ning jaksom rangma jakthang kona.

Matthew 16:28

Nga asing batphang, Miqna Sa tha Lungwang ang eq kapha sha khi wey min náng duk, thanga iro lang aa chamtey miqtang sha ti moq angna.”

Matthew 25:31

“Miqna Sa piq phun amun jamoq etho rangkamwa tang thaji jam tho kapha jo, piq lungwang tongching shina sey tong na.

Matthew 8:20

Jesu aa thawel batta, “Inkaku tang ma ubung atha etho wo tang ma tho utip atha, etharin Miqna Sa ma uwol nia nángtong angma katáng ahung.”

Matthew 9:6

Etharin Miqna Sa ma tho iri mingkang na ngarey raa tolchak ma authority atha ta nga nim ma takhi eq phanáng.” Etho piq aa eshi jak aja may thamot moq miq thima batta, “Tunshat eq ba ráng ni tunsom eq himnáng wang u.”

Mark 10:45

Chammatakoi, Miqna Sa adak miq wang nong kap ma kapha moq angta, etharin piq aa unong eq ma katapha, etho daqhan miqtang sha thalun rangma, urollung sha kot ma katapha.”

Mark 8:38

Iri jashit nia ngarey miqtang jaktungna utang miq eq ngama etho iraaq ma rakri ajo, Miqna Sa baluk o Uwa nia asang rangkamwa tang phun amun o thupha jo piq tho eshi miq shima rakri angna.”

John 1:51

Piq aa ning ma batta, “Nga nim ma asing sing batphang, nim aa mungtan alak khi nin, etho Shkewa rangkamwa tang Miqna Sa sho kawáng aa sha khi nin.”

John 12:34

Miq wan tang they batta, “Í asang thong na batta, Khristo sha salwet tong na. Etho Miqna Sa tunsol hun eq na ta nang aa chamal eq bat u? Iri Miqna Sa ri utang aa?”

John 3:14

“Chamal Moses aa jatna pu tha kantha o aluk náng tun ta, eshimal hun Miqna Sa sha tho aluk náng tun na;

John 5:27

Piq aa Miqna Sa ma khaphung ma raaqkhat kota, chammatakoi piq sha Miqna Sa.

Acts 10:38

Nim aa Nazareth Jesu tung aa raaq sam eq inn etho chammal Shkewa piq ma Asang Tsija etho tarong kot ta tha tho usam eq inn. Piq aa thaji haq náng ka eq jaqhal jaksom somlo ta etho thang eq rum aa miqtang haan wang tha tho phanchak ta, chammatakoi Shkewa piq jamna angta.

Acts 7:56

Piq aa batta, “Siin inn, nga mungtan thalak atha etho Miqna Sa Shkewa jakqhak kona lang atha khi táng!”