Matthew 13:44 - ASII LAKDAP Bible (BSI)

⁴⁴ “Ramungtan ngutlaq ka akha: Maiq weshi raq wak jam na longseng po kaü ashi humratto. Kra hum raüta, apaiq raq kra samhea wiq maq apang raüta thüto. Raütiishe apaiq ka chochikhiq ajam na waraüta, ajam kun wa tachong wiira hupsam ümchuwa sitlaq kra sha raüta, kra kampho maq kra wak dam kriishe riwanto.”

Hawa Naga Bible 2001

⁴⁴ “Raungx Mungtan kuex vkhoc rvtueq, miq washiz rueq wuik nuex vluip taq tsak vnyvmx kuex humc vtueq httuiyq gay shec yek tueq tsak vnyvmx rulc rv-ngvlc yaq. Vkoz vkez thuinz maq kaz wvnc vtueq piq nuex httax yaq lotlaz kuex shaung gay ruiux kvruex wuik kuex ruiyx tueq.

Muklom

⁴⁴ “Rangmungtan raa iri mal! Ashey miqwa eq pik na ngintik bungshing ta tha kap khita. Piq aa esha wey hop shingta etho rapney sungrang eq kata etho piq aa phanrip thaji tha sang ta, etho ethi ngintik shiwang iri pik raa ri ta.”

Matthew 13:44 Referencias Cruzadas

YOBA 28:13

Maiqse liipan na taksu tsii ka ahü hum mak; Taksu tsii thü ka jurmin sap mak.

TAKSU LAK 16:16

Chaq nai seng riichom nam miika, taksu tsii nai nyan phaqchi tsin chang. Arka rahea pinthum.

TAKSU LAK 17:16

Maiqjiqti raq phaqchi tsin miitu, laktlang kai kampho wanbaiq ka atuli. Jamkhano ngukla atsii sintla ahü.

TAKSU LAK 18:1

Honbi liititi ka maiq rai, ümtiikiimin rimak phan; maiqmii laqlaqseli tiitak ngatlo. Nanok raq riikhaqli bom chongtlaq kra, tairo mak phan.

TAKSU LAK 23:23

Tengteng, nyan phaqchi, asaptsin, kiimaq taksu tsii, arka athii tsinhea maq richang. Arka rahea phan maiq ma naqshakiq,

ISAIA 55:1

Tatiwe raq ngutlo, “Warong ra, loweatek khamnyangtsiti— arjaq kham asi! Warong ra, namshiq kampho ahüt— püwong ka ri lantea phaq ronglaq! Warong ra! spiqtai nai minsaü pü ka rilanta nyang ronglaq— namshiq ma rihü maq kuqtlo!

Matthew 13:24

Jesuq raq tsangshiq ma shiiton manphan bomtsi ashi maq hali phankuq nongto: “Ramungtan ngutlaq ka akha. Bom shiiton maiq weshi raq awak na bunwong lai laihea wiq ka wankito ngu i.

Matthew 13:46

Krai mren, apaiq raq ümra akhing niiwa rahea phan sengpo ashi kra hum jiiq, raüla apaiq ka ajam na jang wan nong raüta, atsiiq anyam ka wiita asha miraq. Raüta kra sha kampho maq ara chongtiikai rahea phan sengpo kriishe miri.”

Matthew 13:47

“Kiimahali Ramungtan ngutlaq ka akha: Ngiq khupti raq tsangshiq chiiq jong kaü kriimaq thamchum kaü mong na khup raüta, phanrap phanrii ngiq ka chiiq mong na tiinyap wanto.

Matthew 19:21

Kiijiishe Jesuq raq treto, “Ümniika awongsii maiqshaq ashi ma jawan ro tlaü jiika, ümjam na kilaq. Laüta ümtsiiq ümnyam ümchu wa sitlaq kra wiita asha riilaq. Laüta kra kampho ka miitsan miijan maiqsetiim ma pheakuq laq. Kra riihaü jiitiq ümniika mungtan na chiithe ma mija wan haü. Kra laüta ngi phana wara. Kiimaq i jaqshise ma ja laüta, i jai she phan laq.”

Matthew 19:27

Kiijiishe Petar raq treto, “Riita naishiq ha? Naishiq raq phanrap miimthü laita ümjai she phan wan kai ahata. Naishiq raq jamlai phan wa milap wan hai ta?”

Matthew 19:29

Kiimaq maiq khumtek raq ngi miitu, maiqmii jam lo, aphu anotiim lo, ashea-nyungtiim lo, anyung nai awe lo, asetiim lo, awak ajam lo miimbaiq thütiiti thun miika, kra thaq niimin apa achan ana, ahing ashi maq mitliip kuq. Kiimaq tsangshiq ma pattup pat-sa rilung kra mikuq.

Matthew 6:21

Ara jamkhano ngukla, ümbano ümtsiiq tum totlaü, kiijaq üm tsantsii kiimin mithü haü. Jamkhano ngukla ümtsiiq tum ümbano thütlaü kiijaq ümtsantsii kiimin wranaiqshe asi miraq.”

Luke 14:33

Ikiikhiisii hali, namshiq phong wa juli jiimin, maiqmii raq jamlai wa rümtlan, kra thumthum miimthü man wiiwii, i jaqshise ma jawanlot man.”

John 6:35

Kiijiishe, Jesuq raq tsangshiq ma chongto, “Ngi ahata rilung tsitsü winsii. Juwa i puk na nyap tlaq, kriiti miika ram tsimak she miraq. Juwa ngi ma kam tlaq, kriiti ma khamnyang min tsimak she miraq.

Romans 15:4

Riita, ara chong tiikai arai mren, Tongshong Chü na ümchuwa waiq wantaq, kriika, nashiq ma sungkhu tsiilam tiichhike wan miitu waiqto. Arka, Asii bomtsi na waiq wantaq, anin wan bom chong tlaq kra nai tsaijido kewan, tsii chongkuq tlaq kra lümaq, nashiq raq rawiichii rilung miitu, ran tsantsii rüm tiikai kriika, milap rong i dongdii she nguta, mongngam maq siwan miitu waiq thüto.

Colossians 2:3

Khristo apaiq kli Shiikeawe taksma anyan phaqchi tum tsiiqtiip kilü tala diketi we, Shiikeawe taksma anyan phaqchi apaü raüta athü ka ümchaü sanha Khristo riishe kunkun tiichhikuq wanto.

Colossians 3:16

Khristo tsütsa chiithe jong ümtinkhan wa sitlaq kriika, namshiq tsan nai mongjii na samhea wiq maq tiicham lili rong laq. Weshi raq weshi ma shrinkuq lanta sirong laq. Kiimaq sungkhu tsiilam ka taksma tsii ümtinkhan wa rüm tlan, kra khuthaq maq, riichong phan lanta sirong laq. Asii bomtsi na ashi lak sitlaq kriiwa shinge rong laq. Tsütsa shi ka shinge rong laq. Kiimaq asii shi ka shinge rong laq. Shiikeawe ma kechutum lanta shinge rong laq.

Hebrews 10:34

Namshiq ka phaqtek mong na chamchaoti rai adam chamchao wan lan ihata. Kiimaq maiq raq namshiq hup asam thun ka, wiita runho raüta lamhotaq akhing niimin, namshiq raq kra sumrum lan thun ka aninli riiwan lan ihata. Kiimaq tsaiji tran man maq, chochi khiq li silan ihata. Jamkhano chochi lan ngukla, namshiq raq asap han, Shiikeawe raq namshiq ma jamlai wa mikuqha nguta kiqkham kuqtaq kriika, tsiiq nai nyam sum lan kra thaq niimin rahea phan. Kriika, namshiq jaq na asi she. Kriika pattup pat-sa hupsam nguta asap han.

Revelation 3:18

Arningkhan, ngi raq namshiq ma tsii chongkuq tiikang ara. Tairong laq. Namshiq raq i jaq wa awongsii wenyi tsiiq, chiisan tsiiq ara rirong laq. Kra riihan jiitiq, riikhaqli chiithe ma mija han. Lanta, i jaq wa khealü miirii ka ri lanta sam rong laq. Lanta, namkhum kheahü ma, jeasi miari sitlan kra, pang rong laq. Lanta, namshiq mak na jut chang tsiq min rilanta, jut rong laq. Kra riihan jiila, nam mak ka mipiiq. Raüta, michhi han.