Matthew 13:44 - Hawa Naga Bible 2001

⁴⁴ “Raungx Mungtan kuex vkhoc rvtueq, miq washiz rueq wuik nuex vluip taq tsak vnyvmx kuex humc vtueq httuiyq gay shec yek tueq tsak vnyvmx rulc rv-ngvlc yaq. Vkoz vkez thuinz maq kaz wvnc vtueq piq nuex httax yaq lotlaz kuex shaung gay ruiux kvruex wuik kuex ruiyx tueq.

ASII LAKDAP Bible (BSI)

⁴⁴ “Ramungtan ngutlaq ka akha: Maiq weshi raq wak jam na longseng po kaü ashi humratto. Kra hum raüta, apaiq raq kra samhea wiq maq apang raüta thüto. Raütiishe apaiq ka chochikhiq ajam na waraüta, ajam kun wa tachong wiira hupsam ümchuwa sitlaq kra sha raüta, kra kampho maq kra wak dam kriishe riwanto.”

Muklom

⁴⁴ “Rangmungtan raa iri mal! Ashey miqwa eq pik na ngintik bungshing ta tha kap khita. Piq aa esha wey hop shingta etho rapney sungrang eq kata etho piq aa phanrip thaji tha sang ta, etho ethi ngintik shiwang iri pik raa ri ta.”

Matthew 13:44 Referencias Cruzadas

YOBA 28:13

Taksux tharc kuex miqsaz kox wawc thuiyx ruiux humc muq; Uraq muinz tsuingrux vhtawz vrawz kuex tuiuz lot muq.

TAKSU LAK 16:16

Kuimshawx nuiyc kuimphox lvp shix htauk nuex taksux tharc nuiyc phaqjic lvp shix kuex vhvlx pinhtumc rvtueq.

TAKSU LAK 17:16

Vngaz jix tvkoc kuimphox shuimx vtueq luik tvluing laung yaq kuex yvmx vjux muinz httax muq, yvmx khoc lac ngoz ruiux lec piq nuex phaqjic httax muq.

TAKSU LAK 18:1

Vganc miq rulc guilc ngaungc thenc muq jix kuex tsuingshiq shauk pumz laung dvyx thuinz lomx yaq; miq tek vtueq vlvmx ngoz tueq tuiuz yaq lvmx kuex tsuingshiq rungx raz naungx muq.

TAKSU LAK 23:23

Vtsuing vrux, taksux tharc, tvluingc laungc nuiyc vtuiuz vtay htenc kuex vhtawz vrawz kuq vtueq rez aungx yaq, yuq muinz kvruex kuex vhtawz tsanc hvlc ningkhvnc nuex phaq tvwawc rvtueq.

ISAIA 55:1

Yehowa rueq, “Khvmx svy jix ukhaq muinz, kaz luit, vyuq yuix vhttax! Kuimphox vguez jix hez lex, kaz luit, tuiuz vtsvmz kuex ruiyx saq shuinz! Kaz luit! Svpiq tix nuiyc puix kuex ruiyx shuinz, vhtawz vrawz nuimshiq sumx rac muq!

Matthew 13:24

Yesu rueq bomc tv-ngvlc vganc maq tsuingshiq muex jungx kuq yek tueq, “Raungx Mungtan kuex wuik vnax nuex vlix vhvlx wuinc jix waz rulc rv-ngvlc yaq.

Matthew 13:46

piq rueq vhtawz tsanc hvlc luekshawx khiz shec ruiux, piq yek kaz vtueq piq nuex httax yaq lotlaz kuex shaung gay ruiux luekshawx rez jix waz rulc rv-ngvlc yaq.

Matthew 13:47

“Kvmaq raungx Mungtan kuex vkhoc rvtueq. Ngaq lvmc svy jix rueq yuix jumx nuex jak maq khup vtueq, ngaq phvnx ruip saz khup gay yaq jak rulc rv-ngvlc yaq.

Matthew 19:21

Yesu rueq, “Mnoz kuex tsuingruik ruik muex yaungc roc yuq lec, waung kuiuz mnoz nuex httax yaq lotlaz kuex shaung gay ruiux, htemc saz jix muex phvlx kuq shuiuz, kvkhoc ngoz ruiux yuq jix raungmungx nuex mnoz rueq tsak vnyvmx lvp shuiux, ngvy kox nuex muinz kaz vtueq phvnx naungx koq,” ngoz tueq piq muex jungx tueq.

Matthew 19:27

Kvkaq Peter rueq, “Lawc shuiuz, nuiyshiq rueq httax yaq lotlaz kuex gay shec vtueq m-yix nuex phvnx vphix, kvkhoc rvtueq nuiyshiq rueq yvmx vjux lvp wvnc juing lac?” ngoz tueq.

Matthew 19:29

Ekvmaq ngvy tvkoc nuex yuimx, ghaq, phuz vnox, vshvlx nyuiuz, vnyuiuz vwaz, suiuz vsaz hez wawc vshishiz gay shec jix waz rueq mvnz shashiz htauk nuex muinz vjvnc vjux lvp wvnc vtueq, pattup rullungx muinz lvp wvnc shuex.

Matthew 6:21

Yvmx khoc lac ngoz ruiux lec nuimshiq tsak vnyvmx yoalc taq shuinx kvyuq nuimshiq thuinz vmungx muinz httax tuex.

Luke 14:33

Kvrulc rv-ngvlc nuimshiq ukhaq yuq muinz miqmac kox nuex httax yaq htenc kuex gay muit ngoz ruiux yuq, ngvy kungjix muex yaungx lot muit,” ngoz tueq jungx tueq.

John 6:35

Yesu rueq, “Ngaz kuex rullungx wanx rvtauk, ngvy kox nuex kay jix waz kuex mkaq muinz rvmc svy rvhumc tuex rvmuq; ngaz muex kvmluimx jix waz kuex mkaq muinz khvmx svy rvhumc tuex rvmuq.

Romans 15:4

Rumvrc luik nuex wuiyq shec tueq htenc kuex naungshiq muex tvluingc kuy tvkoc vwuiyq shec rvtueq. Kvkhoc wuiyq shec tueq lvmz kuex naungshiq rueq Rumvrc luik wawc vlvp vnanx thuinz nuiyc thuinz nuex hungc vlaungc tvlvp ningkhvnc nuex tvluimc juing lvmx lvp wvnc tvkoc rvtueq.

Colossians 2:3

Vpiq kuex Tishox rueq vhttuiyq vpuiuc vruez taksux tharc nuiyc phaqjic lvmz htenc kuex daz kuy jix saqpix rvtueq.

Colossians 3:16

Christu vrungx vwanx bomjungc kuex nuimshiq thuinz vmungx nuex mvrc laz mhttax wvnc kueq. Taksux tharc httax yaq lotlaz maq nuimshiq vdvmz dvmz tvluing jungphvnx kuq wuez shuinz. Tvtsvmc luik wawc nuiyc tvtsvmc shic phvnx ruip saz maq Tishox muex thuinz vmungx maq kejux vyungx ngoz tueq shix wuez shuinz.

Hebrews 10:34

Nuimshiq kuex khoktep nuex shuiuz rvhumc jix htenc rawc nuex menjenc thuinz httax wvnc tuit, miqmac hup vsvmx htenc laungc maq nyvlc wvnc kv-phuinx muinz kokez thuinz maq dvyx nanx wvnc tuit, yvmx khoc lac ngoz ruiux lec vtsanz pinhtumc httax yaq hup vsvmx phvnx shishiz nuimshiq rueq lvp taq tuit kuex nuimshiq rueq tuiuz vshuinx.

Revelation 3:18

Kvkhoc rvtueq mnoz rungwanx wvnc muex wvr maq vtvyuimx kuimshawx muik shauk kvmuinz, mnoz sawkumx miqyvlc vsac miq htumc nuex httax muq juing puingc tvy tvkoc mnoz rueq khelc svmc muex vluiz khoz vkhvy htenc kvmuinz, muik maq khic wvnc muex nyvt juing phumz kvmuinz, ngvy kox wawc rez tvkoc ngaz rueq mnoz muex kvmungx kuq vphaungx.