Matthew 13:39 - ASII LAKDAP Bible (BSI)

³⁹ Kiimaq sanglai wanwati we wesang ngutlaq kriika thawe kra nangnga ngutlo. Tsamhan akhing ngutlaq kriika phangthum akhing kra nangnga ngutlo. Kiimaq tsamhantibi ngutlaq kriika rasetiim kra nangnga chongtlo.

Hawa Naga Bible 2001

³⁹ vlix wuinc jix ralx waz kuex htaungc waz rvtueq. Tsvmz gvnc jauz kuex ghaq htumx wvnc tuex raungnuiyq kvruex rvtueq, tsvmz gvnc jix kuex raungkamx bix rvtueq.

Muklom

³⁹ Naamthing li wontey ralwa sha Thangwa. Cham khan sha iri mingkang thom saal, etho cham khantey tang sha rangkamwa tang.

Matthew 13:39 Referencias Cruzadas

DANIEL 7:10

kiimaq kiiwa wa raisetiim thun ka phoktlo. Kiijaq apaiq shiililiiti maiq ahing amun, kiimaq apaiq rung na, maiq amun aseng chaptlo. Rung na khapho pha wanto, kiimaq lakdam kom phong pahea linto.

Yoel 3:13

Tsangshiq ka abi pinthum, Tsam ka aman she, saikong maq han ronglaq, spiqtsi tiikit chang tham na tiikit ronglaq, spiqtsi tai tsabum min amashe,” nguta Tatiwe raq aming kuqto.

Matthew 12:32

Jurwa Maiq Se ma ngengseng kiqshut tlaq, kra ngarai ka adiike mimai. Shatmaq jurwa Asii Wenyi ma ngengseng kiq shuttlaq, kriika ümchaü pat niimin kiimaq jai na pattup pat-sa saüho tlaq akhing niimin diikuq lot mak miraq.

Matthew 13:22

Tsamlai kiimko rang babaiqhü ba na arokti kriika, maiq ümriiti riiwa Shiikeawe bomtsi ka tai raüta kamtsantsii ka thü wantlaq. Shatmaq mangjong han-ngam miitu chapa sang ka cham wan raüta kiimaq tsiiq nai nyam ma ranphan tsantsii sang kra cham raüta, tsangshiq kamtsantsii ka tiijong lap mak kaqbaiq tlo. Kriikha miishe tsangshiq kamasham rilung ka atsi ango min ahü miili she mokitlo.

Matthew 13:25

Shatmaq rawashi maiq tarü akon shon na, apaiq ma wesang ralii we weshi ka waraüta, kra bunwong wanje rü wakjam kiijaq, maiqchok maiqraq phan sanglai kra wanrat wato. Raüta apaiq ka kiho raü riito.

Matthew 13:28

Kiijiishe, ‘Arka nashiq ma wesang raliiti raq wan rat wato,’ nguta apaiq raq treto. ‘Riita naishiq raq tsamrü wa sang ka aphai riibaiq phai jo,’ nguta tsangshiq raq waito.

Matthew 13:40

Sang ka jamkho riichom raüta wa na chaq baiq wantaq, kiikhiisii hali phangthum akhing ranaiq na Thawe rii maiqse ümchu wa siwan tlaq kra, riichom raüta wa na michaq baiq wan.

Matthew 13:49

Ara chongtiikai akhiisii hali phangthum akhing ranaiq niimin miraq. Rasetiim ka kiraüta kechu maiqse phong mong kiiwa, ngarai maiqse thun ka wiita adam na mirchom wan.

Matthew 24:3

Jesuq ka Olip Pero Hiqlam na anga riito. Kiijaq ajaqshisetiim ka apaiq phana waraüta tsangshiq hon honse bala na, “Naishiq ma chongkuq liita, ara chongtlaü Shomjam tiithen baiq akhing arka ümtincho wa misaü wan? Kiimaq ümnaq saükai akhing she saüto nguta kiimaq phangthum wan akhing ka saüto she dea nguta akhing sap chang miitu ka jamlai phan she wa mitiiji shi wan!” nguta bom ka apaiq ma waito.

Matthew 25:31

“Ümra akhing niiwa Maiq Se ka Hokham ma jaraüta rasetiim rai she saüho tlaq, raüta apaiq ka ahokham ngachang ngacho kiijaq minga,

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

1 Corinthians 10:11

Riita ara richü we manphan waiq thütaq, arka nashiq ma sungkhu tsii lam chongke miitu she waiq thüto. Tsangshiq ümchuwa jiimtaq thun ka nashiq ma tsii tiichhike miitu. Ümchaü nashiq pat sitiikai arka, phangthum wan pat she. Phangthum wan miika rahiq ka ajeli she.

2 Corinthians 11:3

Ngi hairai tiikang arka, Ewaq ka jamkho lao wa taq, kiikha namshiq kiimin laoho jiiqla, nguta hai tiikang. Paü ka lulesang. Apaiq raq Ewaq ka lao wato. Kiikhiisii hali, namshiq tsantsii kiimin, apaiq raq mirap wiiqho. Raüta, namshiq tsantsii ka, Khristo lungwii tlan kiiwa, thawe raq mitiishonho.

2 Corinthians 2:17

Naishiq ka nanok maiq ahinti pahea raq, Shiikeawe Tsütsa chongke jaqsham ka, mangjong hiq wa tsiiq nai nyam laopan jawanti raq shanshiiq tlaq laopanbi piikii hupsam kiikhiika shanshiiq mai phan. Tsangshiq raq Tsütsa Ahea chongkuq tlaq kriika, maiqmii wokpo kra tiipao wan miitu chongkuq tlo. Shatmaq, naishiq riika, tsantsii siirairai maq kiimaq tiima tsantsii tingting thü laita, ara Tsütsa Ahea ara nanok ma, Shiikeawe man na, Shiikeawe raq aming ke kha maq, apaiq tsasoq wantibi ma jawan laita kiimaq Khristo jaqshisetiim ma ja laita traho bomtsi kra chongkuq tiikai.

Ephesians 2:2

Kra lea wan lan akhing na, namshiq raq ara mangjong hiq na siti, abi maiqse rilung lam kra phan lanta silan. Krai mren, kiitiikaq, namshiq ka, ara ümchaü pat wa mangjong maiqse, Shiikeawe kiq khiiti ara jamsha wanti we, rawang win na siti abi winji welabi thun thaq na, hokham jati we wokhong na silan.

Hebrews 1:2

Shatmaq ümchaü sanha, ara phangthum wan pat she ngo maq, Shiikeawe raq nashiq ma tsii chongke ka, Ase nübok lümiishe bom dam tlo. Shiikeawe raq Ase lümaq, ara ra nai hiq ara phansang wanto. Kiimaq Shiikeawe raq Ase ka phangthum jai maq ara ra nai hiq thun wiita kunli ara rüm wan miitu ashong wan kun she.

Hebrews 9:26

Kra ngu raü jiika, apaiq kiimin, ra nai hiq tiiq wan li miiphat ka, tiithongkiki chamchao wan chang midongki wa. Kra rii na, apaiq ka, ara maiqpat pahea lea wan jai she, ümchaü ara phangthum wan pat saüho tlo angu niishetiq, pattup pat-sa miitu maiqse ngarai homa thun kra klang maq lakshi wa niili hutjok tiisii rai, apaiq khum ka honglu na tiitaa wantaq kra lümaq tiikhoi kuqto.

1 Peter 5:8

Honkam shat rong laq! Khekham si ronglaq! Namjaqti, Thawe ka, namshiq tro na ashi ra kaqphaq hoha jaq nguta, hangsi kaü ikha, agam agu wa la, khum tlo.

Jude 1:14

Tsangshiq miitu ka Enokh, Atam pat maq pha raüta pattrok wa shammi we raq tiitthai thü je she. Apaiq raq, “Tatiwe ka ahing amun, apaiq rasetiim rai misaüho.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 13:14

Ara hiq mong maq adong anai ngoja ngamthaiq kaü ma, sammoktra jü mong maq adong apha ngamthaiq kaü makki na, awang chang jaqsham wan miitu arang kuqto. Kra awangchang jaqsham pahea sham wantaq kra lümiishe, mangjong maiqse kunli ka, ngarai lam na lao wanto. Kra hiq mong maq adong anai ngoja ngamthaiq kaü raq, sammoktra jü mong maq adong, apha ngamthaiq kaü ka ja maq ase baiq, atsai arki wa, atra she jang wan nongtaq kra ngamthaiq kaü khushü tiijong miitu, sumla phra ka ashi hai raa dongdii ngutiishe aming kuqto.

Revelation 19:20

Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.