Matthew 13:38 - ASII LAKDAP Bible (BSI)

³⁸ Wak ngutlaq kriika mangjong hiq ara nangnga ngutlo. Tsam lai ahea kriika Shiikeawe sengi maiqse sitlaq kra. Sang ngutlaq kriika Thawe rii maiqse mangjong hiq na sitlaq kra chongtlo.

Hawa Naga Bible 2001

³⁸ tsvmz ruix kuex mungkawx vruex rvtueq; tsvmz lix vhvlx kuex Mungtan suiuz vsaz hez ngoc rvtueq; httuingx lix kuex Honc bac Waz suiuz vsaz hez rvtueq;

Muklom

³⁸ Pik sha iri mingkang! Jaqhal cham li sha mungtan miqtang! Naamthing li sha Thangwa miqtang!

Matthew 13:38 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

Tvtsvmc 22:30

Rawiichii senye nonye pat na apaiq mishkumpan wan; maiqwere raq Tatiwe manphan ka rawiichii pat kiima michongkuq wan.

ISAIA 53:10

Tatiwe raq ngutlo, “Kriika ngi raq athapthi wanha, apaiq ka chamchao chang nguta; apaiq tsaitaq kriika ngarai diike wan miitu. Krai mren, apaiq raq apaiq lai ala phan kra michhii wan; apaiq rilung ka luhea misi wan, kiimaq apaiq lümaq ijaqsham ka mitiiku wan.

Hosea 2:23

Kra akhing na Ngi raq isenginok ka, Israil mung na mitiichhanchhi wanha. Kiimaq tsangshiq ka chiithe lüwa mitiija wanha. Lata “lungwiimak” anguti ka milungwiiha. Kiimaq, “Isengi riimak” anguti ka, “Namshiq ka isengi” ngutiishe minguha. Kiimaq tsangshiq raq Ngi ka, “Ümniika i Shiikeawe’’ ngutiishe mihea wan.

Matthew 13:19

Maiq ümriiti riiwa Ramungtan ka saükito nguta tsütsa ahea bomtsi chongkuq tlaq kra tai tlaq, shatmaq tak mak maq sitlaq, kriiti ka tsamlai lamjong mong na arok kiikha nguta chongtlo. Abi Thawe wa raüta, bomtsi ka tsangshiq tsan mong wa tsunhit lishe tsunsiq tlo.

Matthew 24:14

Kiimaq ara Mungtan Tsütsa Ahea arka mangjong hiq hamli niishe michong kuq. Krai mren maiqse angu wiita raq kamwan miitu ara tsütsa ahea ara mitiitai kuq wan. Kra lot jai shetiq, maiqpat thum wan akhing rahiq kriishe misaü wan.”

Matthew 5:37

Arkha maq, namshiq raq jamlai wa misham han kriika, ‘Üm misham ha,’ ngulaq, kiimaq sham maü chang jiika, ‘Naq sham mang,’ ngutli bom lili ronglaq. Kriiwa chan raütiishe bom tlan kriika, Abi Thawe nübok wa dong tlo ngushat.”

Matthew 8:12

Shatmaq maiq pahea Ramungtan na ngawa chang wiika, ranyaq nyang mong na mitiidea baiq wan. Kiijaq tsangshiq ka aho asii, arong awi tiichit wa trang liishe micham chao wan.”

Luke 24:47

Kiimaq, apaiq mang na ngarai tiidii wan tsütsa nai ngarai diike wan tsütsa kra, Jerusalem maq phaho raüta, mangjong hiq tlotli na chongke wan chang miraq.

John 12:24

Ngi raq chongtiikang arka tengteng: Tsam rai ka wak na jangki raüta, hiqmong na atsai arki ikha siwan hü wiiwii ka, raishi laqlaqse asiiliili misi. Shatmaq, kra raishi sitlaq kriika, atsai raüta cham wan raütiq, anyam ka midong wan. Raüta arai ka pahea she midong man wan.

John 8:44

Nam we ka Tha kaü. Namshiq ka thasetiim. Krai mren, nam we jaiphan li lungwii tlan. Apaiq ka man na miiphü dongdii matwe tsawe. Arilung na jangshi min tingting rilung lamphan ka tiima mak dongdii. Ara jamkhano chongtiikang ngukla, apaiq tsantsii ka tingting riimak. Krai mren, apaiq ma arot akiq bomchong ka maiqmii aphara jaqsham. Ara jamkhano chongtiikang ngukla, apaiq ka arot we. Apaiq ka arot akiq dong chong.

Acts 13:10

Raütiishe, Paul raq mintin we ka akhiishe sonto, “Ümnaq arka Tha Kaü ashi! Ümnaq arka ating arai jaqsham thun kra tangta baiqti we. Ümtsantsii ka abi thiikho. Kiimaq ümniiraq Tatiwe tengteng bomtsi kra, arot akiq ma tiija baiq wan kli tiima tlaü!

Romans 10:18

Riita, bom ka akha hali wainong i na: Riita, tsangshiq raq tsütsa ahea kriika tai wan lap mak dea sha riita? Atai kla achan ana tai wan ngo li kha. Taimak dea ka riimak. Asii bomtsi na akha nguta chongtlo: “Tsangshiq traho bom chongke riinya raq, mangjong tlotli nyam wanto; Tsangshiq bomtsi ka mangjong hiq angu na, shokrap norii wiita na nyam wanto!”

Romans 16:26

Riita, ümchaü, shammibi raq waiqthütaq kra lümaq tengteng bomtsi ka wiitarü man na, linkuq wanto she. Kiimaq pattup pat-sa Shiikeawe aming maq, maiq mung thun wiita na tiitai kuq wanto she. Kriika tlotli mikam wanlaq nguta, kiimaq apaiq aming ka milang wan laq nguta kuqto.

Romans 8:17

Riita, ija, ümchaü sanha, nashiq ka asetiim she jawan kai kha maq, Shiikeawe apaiq raq, aphan amaq she nguta asengi miitu, achu shiiman ümtin khan wa rüm tlaq, kra thun ka wiita milap wan dam rong i. Kiimaq nashiq riika, Shiikeawe apaiq raq Khristo miitu, ümchuwa achu shiiman rüm tlaq, kra wiimin milap wan dam rong i. Riita arka, nashiq raq Khristo chamchao wantaq homa kra, jamkho riisha howan dam tiikai, kra tinkhan, nashiq raq apaiq achhai anyii khushü ngao kriimin, milap wan dam rong i.

Colossians 1:6

Ara chongtiikai Tsütsa Ahea raq mangjong tlotli na nyam rat wanto she. Raüta mangjong maiqse pahea raq achu shiiman lap wan tlo. Arka man na namshiq phong na, aphaji na namshiq raq Shiikeawe kaphap mangchan ka atinkhan jonghea sitlo nya nguta sap lan ikha, raüta namshiq phong na nyam wantaq ikha, ümchaü min, nanok sang amang mung ahin liipan niishe nyam wan tlo.

James 1:18

Apaiq tsantsiitsii maq nashiq ka tengteng bomtsi maq rawü tiichhi kuqto. Raüta wenyi rilung na nashiq ka apaiq raq ümchuwa phansang wantaq, kra thun thaq na, nashiq ka lamsheati ma tiija wan miitu phansangto.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

1 Peter 1:23

Namshiq ma Awe ka Shiikeawe. Apaiq raq namshiq ma rilung anye she kuqto. Apaiq ka atsaiti riimak, shatmaq tsai mak phan. Kiimaq apaiq raq namshiq ma, apaiq bomtsi Tsütsa Ahea lümaq namshiq rilung anye kuqto. Asii bomtsi ka pattup atra siruq phan. Arka thenki mak phan.

1 John 3:2

Lungwii phunainotiim le, nashiq ka ümchaü Shiikeawe setiim she. Shatmaq ümchaü jamkho sitiikai, arthaq na jai miika ümtinkhan chhai nyii rilung she wa milap rong i riila, kriika ümchaü nashiq raq tak lot mai shaqli. Shatmaq nashiq raq bomtsi poshi ka asap i. Khristo ka ümtiiko saüho jiiq, kra akhing na nashiq min apaiq la apaiq she miklai rong i. Ara jamkhano akha ngutiikai ngukla, nashiq raq apaiq ka, apaiq riikhaqli jamkho sitlaq kiikhiishe michhi rong i.

Revelation 14:6

Kiijiishe, ngi raq rase ashi chhi nong kang. Apaiq ka ratsan ramong nyang na abisea riito. Apaiq ka pattup pat-sa Tsütsa Ahea mangjong maiqse tlotli ma tiitaiketi. Apaiq raq kra tsütsa ka maiq kaüwa weraü tek ma, maiq aphan tek ma, maiq abom pongbom bomtlaq tek ma, kiimaq maiq amung amung tek ma tiitaike kai nguta kitlo.