Matthew 13:3 - ASII LAKDAP Bible (BSI)

³ Apaiq raq tsangshiq ma apaiq traho bomtsi ka phanrap manphan maq shiiton kuq wan raüta phanchan kuqto. Apaiq raq akha chongkuqto, “Man na maiq weshi ka tsamlai wankai nguta wak na kihoto.

Hawa Naga Bible 2001

³ Kvkaq vpiq rueq bomc tv-ngvlc maq vlvmx paunghvlc tsuingshiq muex jungx kuq tueq. “Laukshiz vlix wuinc jix waz kuex vlix wuinc kay kaz wvnc tueq.

Muklom

³ Piq aa miq waan tang ma raaqshiton wang daqhan raaq batta. “Ashey miqwa pik náng uli won kat ma kata.

Matthew 13:3 Referencias Cruzadas

Tvtsvmc 49:4

Itsantsii ka taksu bomtsi thun na mitiitsiha, lata kriithun liichum ka hünongtoro tsülam maq michongha.

Tvtsvmc 78:2

Ngi raq taksma shiiwang bomtsi michongha lata richü pat wa amao chang manphan liichum michong kuqha,

EJEKIEL 17:2

“Maiqse lei, Israilnok ma uqkhiima bom ashi chongkuqlaq.

EJEKIEL 20:49

Shatmaq ngi raq atiiwin riikang, “Tati Rakaü Hiqwe lei; Ngi ma akhnok jaq ka naq tiishamkiq! Maiq wiitarü raq bot tsaü wanto, ngi raq tsangshiq ma traho bom chongke ka wranaiqshe uqkhiima bomtsi maq siisaq chongtlo nguta.”

Mikha 2:4

Kra ümningthoi akhing saü wan raüjaq. Nanok raq ümrilung chamchao kra chong raüta, ümnaq slailii shi akha mishi nge, Nashiq thumkai she! Tatiwe raq nahiq nara nyea wanto she. Raüta najaqtinok ma likuqbaiqto she Naishiq ka maiq shumwi lishe”

HABAKUK 2:6

Munglu rewa wanshanok raq, tsangshiq tijongnok ka akha mislai wan, “Namshiq raq maiqjaq wa, anyea wan han tsiiq nai nyam tum, namshiq raq phaqsiq lap man mithen han! Namshiq thiitham ka maiq ma tiitham wan lanta, ümloq na saüli wa chiithe ma mija han?”

Matthew 13:4

Apaiq raq tsamlai ka wak na wan wanto. Kiiwa tsamlai wiijam ka wakjam na maiqkhum chang lamjong ali mong na rokto. Kriika wushi kong raq tsun rangli tsunsiq wanto.

Matthew 13:53

Jesuq raq arthun shiiton manphan ara chongkuq lot raüta sanha, apaiq ka kriiba wa atiido she riiwanto.

Matthew 22:1

Jesuq raq thongshi ri hali apaiq arang shipoqti nok ma ara manphan maq hali shiiton chongkuq nongto.

Matthew 24:32

“Phupmup chong wa namshiq raq tsii lam chang asi. Namshiq raq phupmup chong na akü ako thun kiijaq ajaq dongho ma amakpot setiim she dong raüta, ajaq ka dongnin setiim ashun anye she nüm phaho haü jiila, raju she saü tlo nguta sap tlan.

Mark 12:1

Kiitiikaq Jesuq raq tsangshiq ma manphan shiiton maq chongkuqto: “Man na maiq weshi raq spiqtsi ro chhito. Raüta, kra spiqtsi ro ka trotam maq rukto. Kiimaq spiqtsi tsai tiikitchang longtham min ashi wat raüta tiihong thüto. Kiimaq wak khechang riirin min ashi hai thüto. Raüta spiqtsi ro ka maiq akheng na shamseati ma tiishiipto. Raüta apaiq ka maiqmung ahin na wanhiq khum kai kihoto.

Mark 12:12

Kra manphan kra tairaütiishe, Jehudinok welabi raq, Jesuq raq tsangshiq kra shiitonto ngutiishe takto. Krai mren, tsangshiq raq apaiq ka alap chang nguta tanto. Shatmaq, tsangshiq ka mungmaiqse ma ahai riito. Kriikha maq tsangshiq ka apaiq tho wa ahin niishe tiido wanto.

Mark 3:23

Kriikha maq, Jesuq raq tsangshiq ka apaiq tho na hea raüta, shiiton manphan setiim maq tsii chongkuqto: “Soitan riili Soitan ka jamkho mijo baiq?

Mark 4:13

Kra phanke jai she, Jesuq raq tsangshiq ma akha waito, “Namshiq raq ara bom shiiton liichum arka tak man dea sha? Ikhiijiila, ahin bom shiiton liichum ka jamkho mitak han?

Mark 4:33

Jesuq raq nokmaiqse ma trahoke lam maq, akha manphan setiim pahea maq shiiton raü raüta, tsütsa ahea kra chong kuq lili riitlo. Tsangshiq raq taklot tlaq khankhan, chongkuqto.

Luke 12:41

Kiijiishe, “Tatiwe, riita ara bom shiiton chong tlaü arka naishiq miitu min sha, shea joli na nanok wiitarü miitu wa chong tlaü?” nguta Petar raq waito.

Luke 8:10

Kiimaq apaiq raq treto, “Shiikeawe Mungtan na apaü raüta athü kra sap miitu tak wan tsii ka namshiq miili kuqto. Maiq nanok ahinti miika, manphan miili chongkuqtlo. Kriika tsangshiq raq ümtinkhan li lii raü min, chhi mak miraq. Kiimaq tsangshiq raq ümtinkhan li tai raü min, tak mak miraq.”

John 16:25

“Ngi raq namshiq ma, shiiton bom maq arthun ara chongkuq kang she. Shatmaq, akhing she misaü wan, ngi raq bom chongke ka shiiton bom miika chong mang she. Shatmaq, ngi raq namshiq ma, Awe manphan ka liitatat hea she michong kuq kang.