Matthew 13:3 - Muklom

³ Piq aa miq waan tang ma raaqshiton wang daqhan raaq batta. “Ashey miqwa pik náng uli won kat ma kata.

ASII LAKDAP Bible (BSI)

³ Apaiq raq tsangshiq ma apaiq traho bomtsi ka phanrap manphan maq shiiton kuq wan raüta phanchan kuqto. Apaiq raq akha chongkuqto, “Man na maiq weshi ka tsamlai wankai nguta wak na kihoto.

Hawa Naga Bible 2001

³ Kvkaq vpiq rueq bomc tv-ngvlc maq vlvmx paunghvlc tsuingshiq muex jungx kuq tueq. “Laukshiz vlix wuinc jix waz kuex vlix wuinc kay kaz wvnc tueq.

Matthew 13:3 Referencias Cruzadas

Matthew 13:4

Piq aa uli tang won chey atho, chamtey tey uli tang tha lamna qhat ta etho wo tang thu eq tun tu chakta.

Matthew 13:53

Jesu aa iri raaqshiton tang bat jio, piq ethi haq wang qhing chuwang ta.

Matthew 22:1

Jesu aa ning ma raaqshiton o wey batta,

Matthew 24:32

“Phokbang bang raaqshiton tat inn. Bang king anup ang eq ujak phang dim sey ang aa jo, nim aa rangcho sey thu pha ta usam sey inn.

Mark 12:1

Etho ning thima Jesu aa raaqshiton phang batta. “Takshey, ashey miq eq upikna suti bang kheyta; ethi pik tho thaji tha jaqhal wang pal ta, etho suti tha nakma haqbung thut ta etho ashey banban him hunta. Ethi jio, jakngiktey miqtang tha ethina tatong eq piq adak mung náng kata.

Mark 12:12

Jehudi solwa tang aa Jesu tha tatik ma nuk ta chammatakoi ning aa sam eq ta, iri raaqshiton raa Jesu aa ning rangma bat aa. Etharin miqtang thima ning ucho angta, rey ning aa piq tha shingchak eq ethiwang qhing chuwang ta.

Mark 3:23

Jesu aa ning tha urel náng hal eq raaqshiton bat kota: “Thangwa eq chamal eq thangwa sha jin phan eq na i?

Mark 4:13

Etho Jesu aa ning ma batta, “Nim aa iri raaqshiton ri jin sam min i? Eshimal ang ajo nim aa adak raaqshiton tang shi chamal eq jin sam nin?

Mark 4:33

Jesu aa miqtang thima irimal adak adak raaqshiton wang Shkewa raaq bat tan kota; ning aa chamtan jin sam aa ethi tan piq aa batta.

Luke 12:41

Peter aa batta, “Teyhungwa, iri raaqshiton ri í ma hun phan kophu tia adak thaji miqtang ma tho phan kot eq u?”

Luke 8:10

Etho piq aa thawel batta, “Shkewa Mungtan thunglam tapu shingta tang tha nim ma tasam ma kota phin etharin adak miqtang ma nga raaqshiton wang bat ang, irimal ang ajo ning aa usiin eq chey na etharin chamtho khimoq angna, ning aa utat eq chey na, etharin chamtho sammoq angna.”

John 16:25

“Nga iri raaq tang raa raaqshiton o batta phang, etharin rangham uthok ang chey pha, nga nim ma raaqshiton o wey batpha mong sey ang phanáng, etharin alang eq nim ma Iwa raaq bat phanáng.