Matthew 12:41 - ASII LAKDAP Bible (BSI)

⁴¹ Phangthum Khapho Ranaiq na Ninewi mungti ka chap raüta, namshiq kra mishra. Jamkhano ngukla, tsangshiq ka Jona traho bomchong tai raüta, tsangshiq ngarai kra tiidii wanto. Shatmaq, ümchaü ngi raq namshiq ma chongpha. Ümchaü arjaq namshiq makki na juwa sitlaq kriika Jona nam ma ajong!

Hawa Naga Bible 2001

⁴¹ Ninewe ghaq jix kuex Yona rueq jungx tueq kvjaz kuex tay vtueq tsuingshiq mvrax wawc thuinz kvlayc lvp wvnc tueq. Kvkhoc rvtueq Muingphox shuex Raungnuiyq tsuingshiq kvtenc vtueq nuimshiq muex mvrax tvgurc kv-phuinx; ngaz rueq nuimshiq muex jungx kuq ix, vruex yuq Yona htauk nuex vyungx httax yaq!

Muklom

⁴¹ Khaphung Saal o Nineveh miqtang tunlang eq nim raa aja somtey tang ta raaq na, chammatakoi Jonah raaq tat eq ning aa ngarey somlot tha shing chak eq tin kaley ta! Etho nga nim ma batphang, Jonaq wang eq tho ashey ajong miq irina!

Matthew 12:41 Referencias Cruzadas

ISAIA 54:17

Shatmaq jamlai chuntsi nyiimwin riimin ümdü na tiimitsi mak miraq; ümnaq shrati tlotli loweatek ma ümkiq khiichang bom asi miraq. Ngi raq ijaqshisetiim ka mitiichhii wanha, lata tsangshiq ma rekhat ka mitiitangha.” Arka Tatiwe raq ngutlo.

JEREMIA 3:11

Kiijiishe Tatiwe raq ngi ma chongto, Israil ka apaiq wokhong wa ahin niili kiho raü min, apaiq riiwe ka sethoq nyung Juda nam ma maiqshaqlin.

Jona 1:2

“Ninewi chela jong kiina kilaq. Laüta tsangshiq raq ümtinkhan wa abi ngarai tangwan tlaq ka chongkuq kikiq. Tsangshiq raq ngarai klotlaq kra ini na amashe riiwanto.”

Jona 3:4

Riita Jona ka chela mong na ranaiq shi tingkhit wato. Raütiishe apaiq raq kra chela na siti mungmaiqse ma, “Raroqblai sijai maq Ninewi chela arka tiisii rai mishthen baiq!” nguta tra hokuqto.

Matthew 12:39

Shatmaq, kra tai raüta Jesuq raq, “Namshiq ümchaü pat wa maiq arka abi pinthum. Kiimaq ra weahü maiq!” nguta tsangshiq bom ka treto. “Namshiq raq ngi nangnga Shiikeawe ka ngi rai asi dea nguta amao chang jaqsham maq tiichhike wan ra nguta khettot wan tlan nya? Shamkuq mang! Ngi riika amao chang jaqsham maq tiichhikuq mang! Namshiq ma amao chang jaqsham ashi tiichhike chang sitlaq kriika, shammiwe Jona rilung na lea wanta kriili she mitiichhi kuq.

Matthew 12:42

Phangthum Khapho Ranaiq na Sheba Hokham Nyung ka chap raüta, namshiq she mishra wan. Jamkhano ngukla, apaiq ka tsangmung lam luhea maq wa raüta Solomon taksma tsii chong bomtsi kra taiwa nguta wato. Riita ngi raq chongtiikang arka tengteng. Ümchaü arjaq namshiq makki na juwa sitlaq kriika Solomon taksma nyan thaq na ajong!”

Matthew 12:45

Krai mren, apaiq ka kiho nong raüta, apaiq thaq na bihea abi winji miishi kriishe sheaki raüta, kriiwe khum na she mishang. Kra thun ka shang wa jai she ka, kriiwe rilung ka aphaji na kra nam ma diikiq tiidearok she miraq. Archong kai chang min ahü she miraq. Ara chongtiikang akhiisii hali, ümchaü pat wa Shiikeawe ngengti maiqse rilung kiimin mithenki.”

Matthew 12:6

Ngi chongpha. Ara Shomjam arnam miimin ajong, ümchaü arjaq phanshi ra asi.

Matthew 16:4

Ümchaü pat wa maiq arka abi pinthum. Shiikeawe sap mak! Namshiq raq ngi nangnga amao chang jaqsham tiichhike ra nguta maitai tlan nya? Tiichhi mang! Namshiq ma tiichhike chang amao chang jaqsham kriika shammi we Jona rilung na lea wantaq jaqsham kriili she mitiichhi kuq.” Kra ngo jai, tsangshiq ka kiijaq chap raqraq li baiqthü raüta, apaiq ka ahin niishe wawanto.

Matthew 17:17

Kiijiishe, Jesuq raq treto, “Namshiq kamtsantsii ka ahü. Kiimaq namshiq ka ajiq! Ngi raq namshiq chanja ka ümloq cho na saüli wa minin wanha ta? Üm se ka ana iphana shea wan laq!”

Matthew 23:36

Ngi raq chongtiikang arka tengteng. Ara chong kang thun mat kha arka ümchaü pat wa maiqse siwan tlanti khuthaq na misaü wan! Kiimaq Shiikeawe raq namshiq ka mitsa kiimaq mitiichamchao wan!”

Luke 11:32

Phangthum Khapho Ranaiq na Ninewi mungti ka chap raüta, namshiq ka mishra wan. Ara jamkhano chongtiikang ngukla, tsangshiq ka Jona raq trahokuq wan kiita, kra tai raüta, tsangshiq mra thun kra tiidii wanto. Shatmaq, ümchaü ngi raq namshiq ma chongtiikang arka tengteng. Ümchaü namshiq makki na sitlaq we kriika Jona thaq niimin ajong!”

John 3:31

Ra maq asatki maiqse kriika tarü thaq na ajong. Phiija maiqse kriika phiija hiq rii li dongdii adong. Kiimaq mangjong maiqse hon atsii kli mithü. Shatmaq, ramungtan wa asaüki we kriika, mangjong maiqse tarü thaq na ajong.

John 4:12

Ara khappong arka, naiti tipai Jakob raq naishiq ma akuq thü. Naiti pat na, asaü asetiim nai tsangshiq nyamse ümchuwa rümtaq thun wiita raq, kham ka arwa nyangto. Ümniika naiti Jakob thaq niimin ajong ngutiika tiingo maü sham na?”

Romans 2:27

Kiimaq ara tri lam phan chongkuq tiikang arai mren, namshiq Jehudinok jaq na Thungtri waiqthüje ka asi li jiimin, kiimaq namshiq ka athohan jeti maiqse nguta sitlan li jiimin, namshiq raq Thungtri ka ajin riiwan tlan. Shatmaq, Pongnok phan riika, han-ngam na athohan hüli jiimin, tsangshiq raq Thungtri ka lang tlo. Kriikha na, tsangshiq raq Thungtri lang tlaq kra lümaq namshiq Jehudinok ka ashut maiqsetiim miishe mitiija wan.

Hebrews 11:7

Nowaq raq Shiikeawe ma kamtsantsii thü kha maq, Shiikeawe raq apaiq ma mak maq michhi shaqli, jai na saüho chang rathup jüjang tsütsa chongkuq taq kra taito. Raüta, apaiq raq Shiikeawe aming maq, laikaü ashi tato. Kra laikaü na ngawa raüta, apaiq nai achak ase tiim ka rathup jüjang mong wa tiichhiito. Krai mren, apaiq rilung na jaqsham wantaq kra lümaq, phiijawa ka shutto dea nguta, shra baiqto. Kiimaq Shiikeawe raq Nowaq dea kechu maiqse nguta pong na, rairiito. Arka apaiq kamtsantsii thütaq kha maq, Shiikeawe raq raikuqto.