Matthew 12:40 - ASII LAKDAP Bible (BSI)

⁴⁰ Jona ka ngiq wok mong na awa watsam anaiq naiqtsam siwantaq kiikhiisii hali, Maiq Se kiimin anaiq naiqtsam awa watsam hiqmong nyang na misi.

Hawa Naga Bible 2001

⁴⁰ Yona kuex vnuiyq nuiyq thuimx, vwvrx wvrx thuimx ngaq yungx wuk mungx nuex httax tueq kvkhoc Miq Saz vruex muinz ghaq mungx nuex vnuiyq nuiyq thuimx vwvrx wvrx thuimx httax tuex.

Muklom

⁴⁰ Jonah ajong ngaq mongna rangwung saltom etho rangpal paltom tong ta, eshimal hun Miqna Sa sha tho rangwung saltom etho rangpal paltom mingkang mong o tong ching angna.

Matthew 12:40 Referencias Cruzadas

2 HOKHVMX 14:25

Apaiq raq Israil mung hiq maiq mung ahinti raq khat raüta ajii wan kra wiita hali shekhu nü nü Hamath pum chit maq phaho raüta shemai nü mung na Amaa khamjong chum kiina saüli kra wiita hali jang nyea wan nongto. Arka Gath Hephar hiqti Amitai se Tatiwe jaqshise shammiwe Jona lümaq Tatiwe Israilnok Shiikeawe raq jamkho kiqkham kuqtaq kra phan phan kupi wanto.

Tvtsvmc 63:9

Jurwa ngi tseabaiq tankhantlaqti thun ka, wulum mung na mikiho.

Jona 1:17

Shatmaq Tatiwe raq ngiq jong kaü ashi Jona tiijok ma kiijaq tiije shat thüto. Krai mren, Jona ka ngiq wok mong na anaiq naiqtsam awa watsam sito.

Matthew 12:8

Ara jamkhano chongtiikang, Maiq Se sitlaq kriikata Asii Niitiitsak ranaiq thungtri Rümtiwe.”

Matthew 16:21

Kra akhing miiphat she Jesuq raq ajaqshisetiim ma linham linhok chongkuqto, “Ngi ka Jerusalem na saü ra dongdii. Kiimaq welabi, ramwe jongbi kiimaq Thungtri shrinketibi jaq na pinthum chamchao wan chang miraq. Tsangshiq raq ngi ka atsea mirbaiq. Shatmaq ranaiq tsam jai maq Shiikeawe raq ngi ka ama wa atiijang mirwan nong.”

Matthew 17:23

Tsangshiq raq apaiq ka atsea she mirbaiq wan. Shatmaq ranaiqtsam ngo jai maq apaiq ka ama wa atiidong mirwan nong.” Kra tai raüta ajaqshisetiim tsan ka pinthum bito.

Matthew 27:40

“Ümniika Shomjam tiithen laüta ranaiq tsam liipan niili mihaiha ngoti we! Ümniika Shiikeawe Se dea jiika ümchaü min ümkhum ka tiichhii liina! Laüta pumsongkham kiiwa satkikiq!” nguta slai lii siqto.

Matthew 28:6

Apaiq ka arjaq ahü she. Apaiq raq namshiq ma kongkhu ji maq jamkho chongkuqtaq krai mren, Shiikeawe raq apaiq ka ama wa tiidong wanto she. Ana warong ra. Lanta apaiq wechang na liiwa manta. Apaiq ka ajaq ahü.

Matthew 8:20

Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

John 2:19

Kiijiishe, “Namshiq raq ara Shomjam ara tiithen baiq han jiila, ngi raq ranaiqtsam liipan niili mihai nongha,” nguta Jesuq raq tsangshiq bom ka treto.