Matthew 12:32 - ASII LAKDAP Bible (BSI)

³² Jurwa Maiq Se ma ngengseng kiqshut tlaq, kra ngarai ka adiike mimai. Shatmaq jurwa Asii Wenyi ma ngengseng kiq shuttlaq, kriika ümchaü pat niimin kiimaq jai na pattup pat-sa saüho tlaq akhing niimin diikuq lot mak miraq.

Hawa Naga Bible 2001

³² Miq Saz vmac kvjaz maq yaq kuy jix waz kuex mvrax dawc kuy juing lvmx httax yaq, yuq muinz Vsawc Siyac muex kvjaz maq yaq kuy jix waz kuex majuiuc pat nuex ngoz ruiux muinz, yix wawc pat nuex ngoz ruiux muinz mvrax dawc kuy juing lvmx vguez.

Muklom

³² Ashey miq eq Miqna Sa ma jashit raaq ajo piq ma tolchak eq na, etharin ashey miq Asang Tsija ma jashit raaq ajo, piq aa tolchak kap moq angna! Iri mingkang etho ukat ang pha mingkang sho tho piq aa tolchak kap moq angna.”

Matthew 12:32 Referencias Cruzadas

YOBA 36:13

Juwa ra weahüti ka akhiq ariq li sitlo, tsangshiq ma mo tiiho raü min khrum laq nguta achu jaü mak.

Matthew 11:19

Kiimahali Maiq Se ka saüho raüta, phaqsea khamnyang chamtraq maq siwanto. Kiimaq kra chhi raüta maiqse wiitarü raq, ‘Arwe kaü ara liirong laq! Apaiq arka shakaq kiimaq cherop nyiipthop we kaü! Phunta hiti nai ashleq arbaiq maiq anun phan kongti we!’ nguta tsaihai tlo. Shatmaq Shiikeawe taksma nyan jaqsham kaiwa kriika riikhaqli dea nguta jaqsham ka atsi ango maq tiichhi kuq wan tlo.”

Matthew 12:31

Arkha maq ngi raq chongtiikang. Maiqse raq ahin ngarai jamlai wa tang tlaq kra nai tsangshiq nübok maq ajiq jamlai wa bomtlaq kriika adii baiqke wan mimai. Shatmaq, jurwa Asii Wenyi ma riikhiq ashut bomtlaq, kra ngarai ka ümchaü pat niimin kiimaq jai na pattup pat-sa pat saühotlaq kiijiimin diikuq wan lot mak miraq.

Matthew 12:8

Ara jamkhano chongtiikang, Maiq Se sitlaq kriikata Asii Niitiitsak ranaiq thungtri Rümtiwe.”

Matthew 13:22

Tsamlai kiimko rang babaiqhü ba na arokti kriika, maiq ümriiti riiwa Shiikeawe bomtsi ka tai raüta kamtsantsii ka thü wantlaq. Shatmaq mangjong han-ngam miitu chapa sang ka cham wan raüta kiimaq tsiiq nai nyam ma ranphan tsantsii sang kra cham raüta, tsangshiq kamtsantsii ka tiijong lap mak kaqbaiq tlo. Kriikha miishe tsangshiq kamasham rilung ka atsi ango min ahü miili she mokitlo.

Matthew 13:39

Kiimaq sanglai wanwati we wesang ngutlaq kriika thawe kra nangnga ngutlo. Tsamhan akhing ngutlaq kriika phangthum akhing kra nangnga ngutlo. Kiimaq tsamhantibi ngutlaq kriika rasetiim kra nangnga chongtlo.

Matthew 13:40

Sang ka jamkho riichom raüta wa na chaq baiq wantaq, kiikhiisii hali phangthum akhing ranaiq na Thawe rii maiqse ümchu wa siwan tlaq kra, riichom raüta wa na michaq baiq wan.

Matthew 13:55

Riita apaiq arka tsiimwe irse riimak sha? Meriq ka anyung riimak sha? Jakob nai Joseph, Simon kiimaq Judas ka apaiq ma anotiim riimak sha?

Matthew 8:20

Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

Mark 10:30

ara mangjong hiq amiili, achu shiiman pahea milap. Apaiq raq aroq ashi maq pat raüta, ajam, aphu ano, ashea nyungtiim, anyungtiim, asetiim kiimaq wak thung jan dam pahea milap. Kiimaq achamchao thun min mirhum. Kiimaq mungtan saüho tlaq akhing na, apaiq raq pattup rilung milap wan.

Mark 3:28

“Ngi chongpha, tai ronglaq, maiqse raq Shiikeawe man na, ahin ngarai tang tlaq kriika midii kuqlot,

Mark 3:29

Shatmaq, jurwa Asii Wenyi ma bombi kuqtlaq, kra ngarai ka ümtiikii jiimin diikuq mak miraq. Jamkhano ngukla, apaiq raq tiisii wanlot mak chang phan ngarai tang tlo.”

Luke 12:10

“Jurwa Maiq Se ma angeng bom bom tlaq, kra ngarai ka adiike wan mimai. Shatmaq, jurwa Asii Wenyi ma ngeng raüta, riikhiq ashut bom tlaq, kra ngarai ka diikuq mak miraq.

Luke 16:8

“Ara jaqtsak chere we khonglaq arka, atijong we raq chhi raüta, ashom rarea li she riito. Ara jamkhano shomrata ngukla, ara mangjong hiq na mangjong maiqse ngutlaq kriika, rawii maiqsetiim sitlaq, kra thaq na, tsangshiq ka mangjong hiq rilung lamphan niika, asap atsin wiq khonglaq hea siisaq sitlo.”

Luke 18:30

kriiti riika, Shiikeawe jaq wa ümchaü pat ara jiimin apa milap wan. Kiimaq jai na saüho tlaq pat na pattup pat-sa rilung milap wan.”

Luke 23:34

Kiijiishe, Jesuq raq, “I We le, tsangshiq ngarai ka adii riikuq laq! Tsangshiq raq jamlai wa klo tlaq kra sapmak,” nguta nguto. Tsangshiq raq langlii raüta, apaiq khea ka tsangshiq liipan na riipheato.

Luke 7:34

Kiimaq Maiq Se ka saüho raüta, aphaq asea chamtraq maq siwanto. Kra chhi lanta, namshiq nga, ‘Arwe ara lii rong laq! Cherop, kiimaq shakaq we kaü ara. Phunta hitinok kongti, kiimaq ashleq arbaiq wan, ashe ashi maiqse kongtiwe!’ nguta ngutlan.

John 7:12

Maiq muklung riinyiim rai tlaq liipan na, Jesuq miitu bom riiwaisoti maiq ka pahea riito. “Apaiq ka maiqshaq,” nguta maiq wiijam raq nguto. Kiimahali, “Riimak. Apaiq raq maiq tiishontlo,” nguta maiq wiijamti raq hali khiito.

John 7:39

Jesuq raq ara chong taq arka, apaiq ma kamwantibi ma jai maq, Asii Wenyi kewan chang asi kra nangnga chongtlo. Kra akhing na Jesuq ma kamwanti maiqse ma, Asii Wenyi ka mikuq shaqli riito. Jamkhano mikuq shaqli ngukla, Jesuq ka ra na mitsom thü shaqli riito. Kiimaq apaiq khushü ngao kiimin mitiijong wan shaqli.

John 7:52

Kra tai raütiishe, tsangshiq raq, “O, ngo mai ri ahea kata. Ümniikiimin la Gelili hiqshongti sii dea riimak sha? Asii Bomtsi ka samhea phat laüta liiwan liina. Laüta, Gelili hiqshong wiika Shiikeawe shammi ka dong mak nguta bom chongtlaq kra misap haü,” nguta apaiq bom ka treto.

Acts 3:19

Riita, ümchaü min, ara chong tiikai arai mren, namshiq raq maiqmii ngarai ka tiidii tlo ronglaq. Lanta, Shiikeawe wokhong na nyap wan tlo ronglaq. Kra riihan jiitiq, Shiikeawe raq namshiq ngarai kra midii kuq. Namshiq raq kra riihan jiila,

Ephesians 1:21

Kiimaq, ümchaü Khristo ka kiijaq Ramungtan na nga raütiishe, ra na siti winji mungtubi, arang hotibi winji, ningkun rümtibi, winji welabi, kiimaq winji tuwebi ümchuwa sitlaq kra thun khuthaq na, Khristo apaiq riishe, mung ka lang tlo. Khristo raq, apaiq jaqsham arang mang ho tlaq kriika, ümchaü pat wa nai jai na saüho tlaq pat na siwan tlaq thun tarü thaq na, ajong pinthum mang ho raütiishe sitlo.

1 Timothy 1:13

Ngi raq man na, phung na mishang wan ha shaq na, apaiq ka shulii wan kang. Kiimaq apaiq ka ngeng wan kang. Lata Phungmaiqse ka shiikeng miileng, rachhai ralüp longliiq wankang. Li jiimin, Shiikeawe raq, ngi ma apaiq mangchan tsii kli khoti tiichhikuqto. Ara jamkhano chongtiikang ngukla, kra akhing na ngi raq, i shutphit lam ka chhi phaq mang dea lea wan kang. Jamkhano ngukla, kiitiikaq ngi raq apaiq ma mikam wanha shaqli riikang. Kriikha maq, ngi shut lam ka sap mang dea lea wan kang. Kiitiikaq i tsii ka chhi mang shaqli lea wan kang.

1 Timothy 1:15

Riita arkha maq, Khristo Jesuq ka mangjong hiq na, ngarai maiqse chhii kai nguta satkito, nguta chongtlaq arka tengteng dea ngutiishe sap tiikai. Ara tengtlaq bomtsi arka maiqse angu wiitarü raq lang chang. Raüta Khristo ma kamwan chang. Riita ngarai maiqse phong na, ngi ahata naolaq pinthum, ngarai bu hoti, akaü ashi nguta siwan kang.

1 Timothy 4:8

Nashiq raq han-ngam maq ümchuwa jaqsham tiikai ara riika, nashiq han-ngam khum ara aphin tiija tlo. Narii tiihong tlo. Shatmaq, arthaq na kaü raüta, athii atsin ka, nashiq raq kamasham jaqsham tiikai ahata rahea phan jaqsham. Ara riika, nashiq rilung na, phanrap lam na awongsii ma tiija wan tlo. Kriika, ara mangjong han-ngam miituli min riimak. Rawiichii nashiq wenyi rilung miitu amet jonghea tiitsingo wan tlo.

1 Timothy 6:17

Juwa mangjong han-ngam rilung na chiithe sitlaq, kriiti ka naq shiikong rongkiq nguta tsii chongkuq laq. Shatmaq, tsangshiq tsan ka, ara athenkai chang phan tsiiq nai nyam thaq niika naq ran rongkiq, nguta chongkuq laq. Shatmaq, nashiq ma arong awin maq siwan miitu, phanrap nashiq ma raa tlaq phan ka phong tsoktsok keti we, Shiikeawe ma kam ronglaq nguta chongkuq laq.

2 Timothy 4:10

Demas ka mangjong rilung lamphan na kihoto she. Apaiq raq ngi ka tiishaü baiq thü raüta kihoto. Raüta, apaiq ka Thesalonia chela na wawanto. Kresens ka Galatia wang na wawanto. Kiimaq Titas ka Dalmatia wang na wawanto.

Titus 2:12

Kra kaphap mangchan khoqramkii lümaq, nashiq ma, kechu maiqse rilung siwan miitu ningkun kuq tlo. Laita mangjong ngarai han-ngam tsii kharü mong wa dong wan miitu, ningkun kuq tlo. Laita, nashiq raq stiq skhaq rilung, tingting rilung, kiimaq Shiikeawe ma kiinong kuq laita asii ngamrea rilung siwan miitu ningkun kuq tlo.

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.