Matthew 12:32 - Muklom

³² Ashey miq eq Miqna Sa ma jashit raaq ajo piq ma tolchak eq na, etharin ashey miq Asang Tsija ma jashit raaq ajo, piq aa tolchak kap moq angna! Iri mingkang etho ukat ang pha mingkang sho tho piq aa tolchak kap moq angna.”

ASII LAKDAP Bible (BSI)

³² Jurwa Maiq Se ma ngengseng kiqshut tlaq, kra ngarai ka adiike mimai. Shatmaq jurwa Asii Wenyi ma ngengseng kiq shuttlaq, kriika ümchaü pat niimin kiimaq jai na pattup pat-sa saüho tlaq akhing niimin diikuq lot mak miraq.

Hawa Naga Bible 2001

³² Miq Saz vmac kvjaz maq yaq kuy jix waz kuex mvrax dawc kuy juing lvmx httax yaq, yuq muinz Vsawc Siyac muex kvjaz maq yaq kuy jix waz kuex majuiuc pat nuex ngoz ruiux muinz, yix wawc pat nuex ngoz ruiux muinz mvrax dawc kuy juing lvmx vguez.

Matthew 12:32 Referencias Cruzadas

Matthew 11:19

Miqna Sa phaksat jungling eq thuta etho nim aa battin, ‘Iri miqwa ri siin inn! Piq raa wokshit etho khampang, piq sha phunta qheytey tang nia ngarey miqtang nokwa!’ Etharin Shkewa asam atol sha jaksom tungkang o asing ta takhi aa.”

Matthew 12:31

Iri rangma nga nim ma batphang, thaji ngarey etho jashit raaq tangma tolchak eq na, etharin Asang Tsija ma jashit raaq tey eq tolchak kap moq angna.

Matthew 12:8

Chammatakoi Miqna Sa Sabbath saal ma tho Teyhungwa.”

Matthew 13:22

Su bangna qhat aa uli sha iri miq mal, bara Shkewa raaq tat aa etha otho iri rollung tinthin etho tanglom angma tinthin eq Shkewa raaq sha damnak aa etho ning thiwang bangti tingo moq.

Matthew 13:39

Naamthing li wontey ralwa sha Thangwa. Cham khan sha iri mingkang thom saal, etho cham khantey tang sha rangkamwa tang.

Matthew 13:40

Naamthing phi eq kashey o khak eq takchakta mal iri mingkang uthom saal otho irimal angna.

Matthew 13:55

Piq raa bang khantey miqwasa tha ang moq i? Unu Mary ang moq i, etho James, Joseph, Simon, etho Judas ning raa piq pho notang ang moq i?

Matthew 8:20

Jesu aa thawel batta, “Inkaku tang ma ubung atha etho wo tang ma tho utip atha, etharin Miqna Sa ma uwol nia nángtong angma katáng ahung.”

Mark 10:30

piq aa juk shashey him, uno tang nia una tang, nu nia wa, usa tang, pik nia haq tang iri thaji sha tahikham jamoq iri mungna kap na etho pattuk rollung tho ukap eq na.

Mark 3:28

Nga nim ma asing batphang, miq eq chamtan ngarey jaksom lot somlo ajo tho etho chamtan jashit raaq ajo tho, ning sha jin tolchak eq na.

Mark 3:29

Etharin bari miq eq Asang Tsija sha dan eq jashit raaq ajo piq sha baluk otho tolchak moq angna chammatakoi piq aa pattuk ngarey somlo ta.”

Luke 12:10

Miqna Sa shima miiksuk eq raaq ajo jin tol eq na; etharin Asang Tsija sha miiksuk eq raaq ajo baluk otho tolchak moq angna.

Luke 16:8

Iri rangma eshi tangteywa aa ngin shingteywa tha jashit somlo eq tho aso alat ta tasungsap ta; chammatakoi alit alang na tongtey miqtang wang eq tho iri mingkang haqna tongtey tang atho mingkang jaksom na rapney aso alat rong sompey aa.”

Luke 18:30

ning aa i rollung ro, juk daqhan kapna etho uthok rangham tho pattuk rollung tho ukap eq na.”

Luke 23:34

Jesu aa batta, “Iwa, ning ri tolchak u! Chammatakoi ning aa chamlang som atha sammoq.” Ning aa ning ni ning jaktung o piq khat tha phal eq bangti o ton ta.

Luke 7:34

Miqna Sa thutapha, etho piq aa phaksat ling phaksat ta, etho nim raaq tin, ‘Iri miqwa ri siin inn! Piq raa wokshit etho khampang, piq sha phunta qheytey tang nia ngarey miqtang nokwa!’

John 7:12

Miq wan eq piq tung aa raaq tapu eq daqhan raaq wan tit chey ta; chamtey tey eq batta, “Piq miq qhal” Etho chamtey tey eq batta, “Ang moq, piq aa miqtang aja lam náng sol aa.”

John 7:39

Piq aa iri Tsija tung aa raaq batta. Utang eq piq o kam aa tang shey Tsija kapna. Tsija thanga náng thula kawey pha moq angta chammatakoi Jesu thanga náng thula piq phun amun angwey moq angta.

John 7:52

Ning aa thawel batta, “Nang tho Galilee wang i? Bi eq siin u, ashey Rangsamal tho Galilee náng thuwey moq.”

Acts 3:19

Irimal ang ajo nim kaley ang inn, etho Shkewa relnáng ngik inn, piq aa nim ngarey sha tolchak na,

Ephesians 1:21

Eshina Khristo aa thaji jaktáng o shingtey tang etho authority tang etho tarong etho tangteywa tang sha ujakkhung na shing aa; etho umiing sha iri mingkang wang chen ang moq, etharin uthuk ang pha mingkang authority miing tang wang tho ajong.

1 Timothy 1:13

Nga jakho piq tung aa raaq jashit bat táng etho piq miqtang sha tahikham táng etho junnam táng. Etharin Shkewa nga ma tinshi taphang chammatakoi eshi tok o nga hantey ang mong ang táng, eshirangma nga bara som táng tha sammong ang táng.

1 Timothy 1:15

Ira asing batphang, bara hiqtang aa uhan eq ching: Khristo Jesu aa ngarey miqtang sha thalun ma mingkang náng thutapha. Ning phey náng eq nga rapney ngarey miq.

1 Timothy 4:8

Chammatakoi hanphung tatut jol wang anay kap aa, etharin Shkewa rangma tong ajo thaji phey náng eq jaqhal, chammatakoi thanga wang rollung rangma etho inapja rollung rangma tho rangtum kap aa.

1 Timothy 6:17

Iri mingkang tanglom miq tangma tharangka moq angma etho kalo thun aa lik aa ngin sho tungmang shing moq ma raaqkhat kot u. Etharin ning aa Shkewa o tungmang cham shing aa bara hiqtang sungrang thaji tinlak eq kot aa.

2 Timothy 4:10

Chammatakoi Demas aa iri mingkang ma tinmat eq nga shingchak eq qhing chuwang ta etho piq Thessalonica samhaq náng qhing chuwang ta. Crescens Galatia náng qhing chuwang ta, etho Titus Dalmatia náng qhing chuwang ta.

Titus 2:12

Iri ráng manchan raa, rangwa ma kam alam ahungtey etho hanngam ngikjuk wang tin kaley ma, tinthanan etho asing eq rangwa kàm alam na iri rollung roq tong kat ching.

James 1:27

Hiqtang Shkewa etho Wa shey irimal phong sha asang nia khakla phong ta tathin aa, noti tang etho notinu tang tsamnang shina rimrang etho ning ni ning sha mingkang aja tang wang asang shing aa.