Matthew 12:18 - ASII LAKDAP Bible (BSI)

¹⁸ “Arwe ahata I jaqshise, ngi raq atsea wan ha. Apaiq ka ngi raq kai tlungwii tiikang, kiimaq ngi ka apaiq ma pinthum khoqriiq tiikang. Ngi raq apaiq ma i Wenyi mithü kuq ha. Kiimaq ngi raq kiq tiidea tiikang kra, apaiq raq Pongnok phan tlotli ma, ngi raq tingting jaqsham tiikang kra michong phan kuq wan.

Hawa Naga Bible 2001

¹⁸ “Ngaz rueq vthvl taq, ngvy nvrc waz, ngaz rueq lungwawx vshaungx nuiyc raungc raq vshaungx waz kuex lawc shuinz. Ngvy Siyac kuex vpiq htauk nuex ngaz rueq tvhttuiuc kuq shaungx, Ngaz rueq muingphox shaungx lvmx kuex vpiq rueq miqphvnx lotlaz muex tvtay kuq shuex.

Muklom

¹⁸ “Ira i sanga, nga piq raa tal táng, nga piq ma tinmat ang, piq tungkang o nga sungrang ang; I Asang Tsija sha nga piq ma konáng, etho piq aa Gentile miqtang ma i jaqhal khaphung raaq batna.

Matthew 12:18 Referencias Cruzadas

Tvtsvmc 89:19

Tsapkapkap ümjaqshamti ümjaqshisetiim ma riisham bom maq rathupse niiphü akha chonglaü, “Ngi raq nolajongwe ashi ma khrum kuqkang; Ngi raq nokwe phong wa weshi tsea wan kang, lata apaiq ka hokhamwe ma shongkang.

ISAIA 11:2

Tatiwe wenyi raq apaiq ma taksutsii mikuq, kiimaq asenginok peng wan miitu apaiq ma anyan phaqchi nai jaqsham sma mikuq. Apaiq raq Tati tiima tsantsii kra mikhon; kiimaq apaiq ma shreng manto thüshat miraq.

ISAIA 42:1

Tatiwe raq ngutlo, “Ahata ijaqshise, Ngi raq apaiq ma ningkun shoqkuq tiikang; Ngi raq apaiq ka tsea wan kang, Ngi ka apaiq ma kai khoqriiq tiikang. Ngi raq apaiq ka ma iwenyi asho awo kuqkang she. Kiimaq apaiq raq maiq mungtek na tingting tri maq kha mipho.

ISAIA 52:13

Tatiwe raq ngutlo, “Ijaqshise raq apaiq jaqsham na ong wan ruq miraq; apaiq ka maiqse raq pinthum mishreng wan.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

ISAIA 62:2

Jerusalem lei, maiq mung thun raq ümniiraq rekhat tang wan kra michhi! Tsang hokhambi kunli raq ümkhushü jong kra michhi. Ümniika mang anye miishe mihea, Kriika Tatiwe apaiq raq amangkuq.

JEREMIA 16:19

Tatiwe ümniikli ngi khup wongtiwe kiimaq ngi ma ningkun shoqketiwe. Ümniiraq ngi ka litkot chamchao ranaiq na khrum kuq tlaü. Maiqmung pahea wa maiq ka ümphana wa raüta, akha mingu, “Naititiim pat na jam min ahü shaqmii siwanto. Tsangshiq raq arot phra phongkli shomnoq wanto. Jamlai liip min ahü, shatmaq thiihü sumla phra phong kli shiili liiwanto.

JEKERIA 3:8

Arkha na, tailaq, Ramwe Jong Joshua lei. Kiimaq, Joshua jaq tiihapti ramwebi, namshiq riimin, namshiq ka rawiichii miitu miithii ashong. Jamkhano nguraü la, ngi raq jai na ijaqshise ashi saühotlaq, Pekü ngutlaqwe sham ka mitiichhi kuqha!

Matthew 12:17

Apaiq raq arthun kaphap jaqsham wantaq arka Shiikeawe raq shammi we Isaia lümaq atiithaithü bom chong kra tiikupi miitu she hongtha wanto.

Matthew 17:5

Apaiq ka abom rai liipan kiijiiniili, tiidong chhaq maq phongtsok ra wa chhaihea langlang phumlü da ashi deaki raüta, tsangshiq tarü ka pang baiqto. Kiimaq phumda mong wa maiq bom ashi akha taito, “Ahata I tsantsii ran chang I Se. Ngi ka apaiq ma pinthum khoqriiq wan tiikang. Apaiq bom ka tai rong laq!”

Mark 1:11

Kiimaq ramungtan wa maiq bom ashi raq, “Ümniika I Se. Ngi ka ümniima kai khoqriiq tiikang,” nguta chongto.

Mark 9:7

Kra liipan bala niili, phumda kaü ashi satsaq raüta, tsangshiq ka nyamsaq li she pang wanto. Kiimaq phumda mong wa, “Arka I Se. Ngi raq apaiq pinthum lungwii tiikang. Apaiq bom ka taironglaq!” nguta maiq bom ashi she saükito.

Luke 23:35

Nokwe thun ka kra thun kra liisea chapkito. Kiimaq Jehudinok welabi raq, “Apaiq raq nanok ka chhii kuqto. Ümchaü min, apaiq ka Shiikeawe raq ashong Khristo dea jiika, apaiq khum ka mitiichhii liina!” nguta apaiq ka shummii siqto.

Luke 3:22

Kiimaq, Asii Wenyi ka apaiq khuthaq na, haütaü kaü ikha satkito. Kiimaq kra akhing na ramungtan wa maiq bom ashi ka akha saüto, “Ümniika I Se shaq. Ngi ka ümniima pinthum khoqriiq tiikang.”

Luke 4:18

“Tatiwe Wenyi ka i khum na asi. Ara jamkhano chongtiikang ngukla, apaiq raq ngi ka, miitsan miijan maiqse ma, tsütsa ahea chongke miitu shongto. Apaiq raq ngi ka kharü mong na siti ma, kharü diike tsütsa chongke kai tiikito. Di ama ikha chamchao maiqse sitlaq, kriiti ka dokda kai tiikito.

Luke 9:35

Kiijiishe, phumda mong wa maiq bom ashi raq akha chongto, “Arka I Se. Ngi raq apaiq ka tingsang atsea arwan ha. Namshiq raq apaiq bom ka tai ronglaq!”

John 3:34

Shiikeawe raq juwa tiikitaq kra riika, Shiikeawe bom li chongkuqtlo. Ara jamkhano chongtiikai ngukla, apaiq ma Asii Wenyi ka asho awo maq apheake kun she.

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 11:18

Tsangshiq raq ara Petar raq chongkuqtaq tsütsa kra tai raütiishe, tsangshiq raq Petar shra bom nyantaq kra diibaiqto. Kiimaq, “Ikhiijiika, Shiikeawe raq ara Pongnok phan maiqse miimin, tsangshiq ngarai kra tiidii miitu, tsangshiq miimin kilü ka dikuqto she dea. Raüta tsangshiq miimin, atra maq si miitu rilung lam she tankuq wanto!” nguta tsangshiq raq Shiikeawe kiishe tiitsam kamto.

Acts 14:27

Tsangshiq ka Antiok na saü raütiishe, tsangshiq raq phungtuti wiitarü ka adam na triitam raüta, Shiikeawe raq tsangshiq lümaq, apaiq jaqsham ka ümtinkhan jonglu wa shamtaq, kiimaq Pongnok phan maiqse miimin, Shiikeawe raq apaiq ma kam wan miitu, lamlu ka jamkho dikuqtaq, kra thun tsütsa ka wiita phanchan chongkuqto.

Ephesians 1:6

Ümchaü sanha, Shiikeawe ka kai shomra wan rong i. Apaiq raq nashiq ka achhai anyii kaphap khoqramkii maq takuq wanto she. Raüta apaiq raq kai lungwii tlaq, Ase pum na nashiq ma phe maq, kongphiq jonghea kuqto she!

Colossians 1:1

Ngi, Paul, Shiikeawe raq Jesuq Khristo kiimwe ma ashong wan we raq, kiimaq naphunowe Timothi raq--

Colossians 1:13

Ümchaü sanha, apaiq raq nashiq ka ranyaq kharü mong wa da wanto she. Raüta, apaiq raq mangchan tlaq, Ase mungtan na kiqkap jaqshap miishe shunshea wanto.

1 Peter 2:4

Riita ümchaü min, warong ra, Tati Jesuq Khristo, atra longkaü, mangjong maiqse raq apaiq ka jam min taimak, thiihü nguta atiithu baiq, apaiq pha na warong ra. Shatmaq, Shiikeawe raq apaiq ka rahea longkaü nguta tsea wanto.

2 Peter 1:17

Apaiq ma Awejong, Shiikeawe raq Jesuq jonglu ka naishiq ma tiichhikuq wantaq akhing na, naishiq ka kiijaq Jesuq rai adam na asi riikai. Rakaü Hiq we Ajong Shiikeawe raq, Jesuq miitu naishiq ma akha chongkuqto, “Ahata I Se, sekhuq laqlaqse sitlaq kra. Ngi apaiq ma pinthum khoqriiq tiikang!”